ມາຣາໂດນາ ວິຈານວ່າ ອາກຊັງຕິນເຮັດໃຫ້ປະເທດເສື່ອມເສຍ

125 20 ມິ.ນ. 2018 ວົງຈອນກີລາ
 ມາຣາໂດນາ ວິຈານວ່າ ອາກຊັງຕິນເຮັດໃຫ້ປະເທດເສື່ອມເສຍ

          ດີເອໂກ ມາຣາໂດນາ ຕຳນານນັກເຕະທີມຊາດອາກຊັງຕິນ ຮັບບໍ່ໄດ້ກັບຜົນງານຂອງຮຸ່ນນ້ອງ ໃນເຕະບານໂລກ 2018 ທີ່ຣັດເຊຍ ຫຼັງເຮັດໄດ້ພຽງແຕ່ສະເໝີ ໄອຊ໌ແລນ  1-1 ໃນເກມຮອບທີໜຶ່ງ ນັດທໍາອິດ ກຸ່ມ D ໂດຍອອກມາວິຈານຢ່າງໜັກວ່າ ເຮັດໃຫ້ປະເທດຊາດເສື່ອມເສຍ ພ້ອມກ່າວເຕືອນ ຮໍເກ ຊາມເປົາລີ ຜູ້ຈັດການຂອງທີມວ່າ ບໍ່ສາມາດພາທີມສ້າງຜົນງານຂີ້ຮ້າຍແບບນີ້ໄດ້ອີກແລ້ວ.

          "ມັນໜ້າລະອາຍຫຼາຍ ເໝືອນບໍ່ມີການກຽມທີມລົງຫຼິ້ນກັບ ໄອຊ໌ແລນ ທີ່ສູງ 190 ຊັງຕີແມັດທຸກຄົນ ຂ້ອຍບໍ່ຢາກໂທດນັກເຕະ ຂ້ອຍໂທດທີ່ຂາດການເຮັດວຽກໜັກ".

          ມາຣາໂດນາ ຜູ້ພາ ອາກຊັງຕິນຄວ້າແຊັມໂລກ ເມື່ອປີ 1986 ຍັງກ່າວເຖິງ ລິໂອເນວ ເມສຊີ ດາວດັງປະຈຳທີມຊຸດນີ້ ທີ່ຍິງຈຸດໂທດພາດດ້ວຍວ່າ "ຂ້ອຍບໍ່ໂທດ ເມສຊີ ເຂົາທຸ່ມເທເຕັມທີ່ແລ້ວ ຂ້ອຍເຄີຍພາດຈຸດໂທດເຖິງ 5 ຄັ້ງ ແຕ່ຂ້ອຍກໍຍັງເປັນ ດີເອໂກ ອາມັນໂດ ມາຣາໂດນາ ຂ້ອຍບໍ່ຄິດວ່າເຮົາເສຍ 2 ຄະແນນ ເພາະ ເມສຊີ ພາດຈຸດໂທດ".

ຂ່າວທີ່ກ່ຽວຂ້ອງ