ຂ່າວຫຼ້າສຸດ

ປັບໃຫຍ່! ບາເຊໂລນ່າເລັງກອງກາງໃໝ່ 5 ຄົນຮ່ວມທີມ

162 20 ມິ.ນ. 2018 ວົງຈອນກີລາ
ປັບໃຫຍ່! ບາເຊໂລນ່າເລັງກອງກາງໃໝ່ 5 ຄົນຮ່ວມທີມ

     ບາເຊໂລນ່າ ຕົກເປັນຂ່າວເລັງກອງກາງ 5 ຄົນ ສໍາລັບການເສີມທັບໃນພັກຮ້ອນນີ້ ເຫດຕ້ອງການປັບປຸງທີມຄັ້ງໃຫຍ່ສຳລັບຊີງໄຊໃນລະດູການໜ້າ.

        ບາເຊໂລນ່າ ສະໂມສອນຍິ່ງໃຫຍ່ແຫ່ງເວທີລາ ລີກາ ແອັດສະປາຍ ຕົກເປັນຂ່າວວ່າເລັງນັກເຕະໃນຕຳແໜ່ງກອງກາງເອົາໄວ້ 5 ຄົນ ສຳລັບການດຶງຕົວມາຮ່ວມທີມໃນໄລຍະພັກຮ້ອນນີ້ ເນື່ອງຈາກຕ້ອງການປັບປຸງທີມຄັ້ງໃຫຍ່ເພື່ອໄລ່ລ່າຄວາມສຳເລັດໃນລະດູການໜ້າ ຈາກການລາຍງານເມື່ອວັນອາທິດທີ 17 ມິຖຸນາທີ່ຜ່ານມາ.

          Sport ລະບຸວ່າ ບາເຊໂລນ່າ ໄດ້ມີການເຈລະຈາທີ່ກ້າວໜ້າກັບ ເຟຣງກີ ເດີ ຢອງ ດາວຮຸ່ງຂອງ ອາແຈັກ ອໍາສະເຕີດໍາ ສະໂມສອນຍິ່ງໃຫຍ່ແຫ່ງລີກໂຮນລັງ ຂະນະະທີ່ ຕິອາໂກ ອັນກັນຕາຣ່າ ກອງກາງ ບາເຢິນ ມິວນິກ ຍອດທີມແຫ່ງເຢຍລະມັນ ກໍມີສິດກັບມາຄ້າຝີຕີນໃນຖິ່ນຄໍາ ນູ ດ້ວຍເຊັ່ນກັນ.

          ນອກຈາກນີ້ ຍັງມີລາຍງານວ່າ ບາເຊໂລນ່າ ຍັງສົນໃຈທີ່ຈະຄວ້າ ມິຣາເລັມ ປານິຊ ດາວເດັ່ນ ຢູເວນຕຸສ ສະໂມສອນຍິ່ງໃຫຍ່ແຫ່ງເວທີກັນໂຊ່ ເຊເຣຍ ອາ ດ້ວຍ ຂະນະທີ່ ອາດຣຽງ ຣາບິໂອ ຂອງ ປາຣີສ ແຊງ-ແຊກແມງ ແຫ່ງຝຣັ່ງແລະ ຄຣິສຕຽນ ອີຣິກເຊ່ນ ຈາກ ທັອດແນ່ມ ຮັອດສະເປີ ສະໂມສອນແຫ່ງເວທີພຣີເມຍລີກ ກໍຖືກຈັບຕາເບິ່ງດ້ວຍເຊັ່ນກັນ ແຕ່ທັງຄູ່ກໍອາດເປັນເປົ້າໝາຍທີ່ຄວ້າຕົວໄດ້ຍາກ.

ຂ່າວທີ່ກ່ຽວຂ້ອງ