ຟີຟ່າຍົກກຸ່ມ E ຍາກສຸດໃນບານໂລກ 2018

214 15 ມິ.ນ. 2018 ວົງຈອນກີລາ
ຟີຟ່າຍົກກຸ່ມ E ຍາກສຸດໃນບານໂລກ 2018

    ຟີຟ່າ ຈັດອັນດັບກຸ່ມທີ່ຍາກທີ່ສຸດໃນເຕະບານໂລກ 2018 ຍົກໃຫ້ເປັນກຸ່ມ E ສ່ວນງ່າຍສຸດ ຍົກເປັນກຸ່ມ A.

          ສະຫະພັນເຕະບານນານາຊາດ ຫຼື ຟີຟ່າ ອອກມາຈັດອັນດັບກຸ່ມທີ່ມີຄວາມຍາກທີ່ສຸດ ໃນຮອບແບ່ງກຸ່ມເຕະບານໂລກ 2018 ຮອບສຸດທ້າຍ ທີ່ປະເທດຣັດເຊຍ ໃນການຜ່ານເຂົ້າສູ່ຮອບ 16 ທີມສຸດທ້າຍ ໂດຍວັດຈາກອັນດັບໂລກສະເລ່ຍໃນແຕ່ລະກຸ່ມ.

          ເຊິ່ງປາກົດວ່າ ຈາກການຈັດອັນດັບ ເປັນທາງດ້ານກຸ່ມ E ທີ່ມີຄວາມຍາກທີ່ສຸດ ໂດຍມີທີມຢ່າງ ບຣາຊິນ ອັນດັບ 2 ຂອງໂລກ ສະວິດ ອັນດັບ 6 ຂອງໂລກ  ກົສຕາຣິກາ ອັນດັບ 23 ຂອງໂລກ ແລະ ເຊີເບຍ ອັນດັບ 34 ຂອງໂລກ ດ້ວຍຄ່າສະເລ່ຍອັນດັບໂລກຢູ່ທີ່ 16,25.

          ສ່ວນກຸ່ມທີ່ ຟີຟ່າ ເຫັນວ່າງ່າຍທີ່ສຸດ ເປັນທາງກຸ່ມ A ທີ່ມີທີມຢ່າງເຈົ້າພາບຣັດເຊຍ ອຸຣຸກວັຍ ອີຢິບ ແລະ ຊາອຸດີອາຣະເບຍ ດ້ວຍອັນດັບໂລກສະເລ່ຍ 46.

          ສຳລັບກຸ່ມອື່ນໆມີອັນດັບໂລກສະເລ່ຍດັ່ງນີ້ ກຸ່ມ B ອັນດັບສະເລ່ຍ 23 ກຸ່ມ C ອັນດັບສະເລ່ຍ 16,5 ກຸ່ມ D ອັນດັບສະເລ່ຍ 23,75 ກຸ່ມ F ອັນດັບສະເລ່ຍ 24,25 ກຸ່ມ G ອັນດັບສະເລ່ຍ 22,75 ແລະ ກຸ່ມ H ອັນດັບສະເລ່ຍ 28.

ຂ່າວທີ່ກ່ຽວຂ້ອງ