ເຕະບານໂລກ 2018 ຈັດຂຶ້ນຢ່າງຍິ່ງໃຫຍ່ ອະລັງການ

335 15 ມິ.ນ. 2018 ວົງຈອນກີລາ
ເຕະບານໂລກ 2018 ຈັດຂຶ້ນຢ່າງຍິ່ງໃຫຍ່ ອະລັງການ

        ມະຫະກໍາການແຂ່ງຂັນເຕະບານໂລກ 2018 ທີ່ປະເທດຣັດເຊຍ ເປິດສາກແລ້ວຢ່າງຍິ່ງໃຫຍ່ ທີ່ສະໜາມລຸຊນິກິ ສະເຕດຽມ ນະຄອນຫຼວງມົດສະກູ ທ່າມກາງຜູ້ຊົມໃນສະໜາມ 80.000 ຄົນ

          ພິທີເປິດການແຂ່ງຂັນ ຈັດຂຶ້ນໃນທີມ ນົກໄຟ  “firebird” ເລີ່ມພິທີໂດຍມີ ອິເກ ກາຊິຢາສ ອະດີດຜູ້ຮັກສາປະຕູທີມຊາດແອັດສະປາຍຊຸດແຊັມໂລກ 2010 ແລະ ນາຕາເລຍ ໂວເດຍໂນວາ ນາງແບບສາວຣັດເຊຍ ເປັນຜູ້ເຊີນຂັນເຕະບານໂລກມາຍັງສະໜາມ.

          ຕາມດ້ວຍ ໂຣນັນໂດ ສູນໜ້າຊຸດແຊັມໂລກ ຕຳນານເບີ 9 ຂອງທີມຊາດບຣາຊິນ ເປັນຜູ້ເຊີນເອົາໝາກບານເຂົ້າສູ່ສະໜາມ ແລະ ມອບໃຫ້ຕົວມາສຄອກ Zabivaka.

          ສີສັນໂດດເດັ່ນຂອງພິທີເປິດການແຂ່ງຂັນ ຢູ່ທີ່ການໄດ້ນັກຮ້ອງຊື່ດັງຊາວອັງກິດ ຣັອບບີ ວິນລຽມສ໌ ແລະ ນັກຮ້ອງໂອເປຣາສາວຊາວຣັດເຊຍ ມາຮ້ອງເພງຮ່ວມກັນ.

          ປິດທ້າຍດ້ວຍການກ່າວເປິດງານໂດຍທ່ານ ວະລາດິເມຍ ປູຕິນ ປະທານາທິບໍດີຣັດເຊຍ.

          ຫຼັງຈົບພິທີເປິດການແຂ່ງຂັນ ທີມຊາດຣັດເຊຍ ເຈົ້າພາບ ໄດ້ເປີດສະໜາມຊີງໄຊກັບ ທີມຊາດຊາອຸດີອາຣະເບຍ ເຊິ່ງຜົນການແຂ່ງຂັນ ປາກົດວ່າທີມຊາດຣັດເຊຍ ຖະຫຼົ່ມ ຊາອູດິອາຣະເບຍໄປຂາດລອຍ 5-0 ເກັບ 3 ຄະແນນທໍາອິດມາຄອງໄດ້ສໍາເລັດ.

ຂ່າວທີ່ກ່ຽວຂ້ອງ