ຂ່າວຫຼ້າສຸດ

ມາ​ເຊ​ໂດ​ນີ ຕົກລົງ​ປ່ຽນ​ຊື່​ປະເທດ ເພື່ອ​ໃຫ້​ສາມາດ​ເຂົ້າ​ຮ່ວມ EU ແລະ NATO

61 14 ມິ.ນ. 2018 ຂ່າວຕ່າງປະເທດ
ມາ​ເຊ​ໂດ​ນີ ຕົກລົງ​ປ່ຽນ​ຊື່​ປະເທດ ເພື່ອ​ໃຫ້​ສາມາດ​ເຂົ້າ​ຮ່ວມ EU ແລະ NATO

   ນາຍົກລັດຖະມົນຕີ ອາ​ເລ​ຊິ​​ສ ຊີ​ປຣາ​​ສ ຂອງ​ເກ​​ັຣກ ແຈ້ງ​ໃຫ້​ຮູ້ເມື່ອ​ວັນ​ທີ 12 ມິຖຸນາ​ນີ້​ວ່າ ເກ​​ັຣກ ແລະ ມາ​ເຊ​ໂດ​ນີ (Macedonia) ໄດ້​ເຫັນ​ດີ​ເປັນ​ເອກະສັນ​ກັນ ໃນ​ການ​ປ່ຽນ​ຊື່​ປະເທດ ຂອງ​ມາ​ເຊ​ໂດ​ນີ ໃຫ້​ເປັນ “ສາທາລະນະ​ລັດ ມາ​ເຊ​ໂດ​ນີ ເໜືອ” ທັງ​ນີ້​ກໍ​ເພື່ອ​ເປັນ​ການ​ຢຸດຕິ ການ​ຖົກ​ຖຽງ​ແກ່ຍາວ​ມາ​ເປັນ​ເວລາ 27 ປີ ລະຫວ່າງ​ສອງ​ປະເທດ​ດັ່ງກ່າວ.

    ເກຣັກ ຄັດຄ້ານ​ຕໍ່​ຊື່​ຂອງ​ປະເທດ​ເພື່ອນ​ບ້ານ (ມາ​ເຊ​ໂດ​ນີ) ທີ່ຢູ່​ທາງ​ທິດເໜືອ ເນື່ອງ​ຈາ​ກວ່າ ແຂວງ​ໜຶ່ງ​ທາງ​ພາກ​ເໜືອ​ຂອງ​ເກ​​ັຣກ ກໍ​ມີ​ຊື່​ທີ່​ເອີ້ນ​ວ່າ “ມາ​ເຊ​ໂດ​ນີ” ເຊັ່ນ​ກັນ.

    ໃນ​ຂະນະ​ດຽວ​ກັນ ມາ​ເຊ​ໂດ​ນີ ຫວັງ​ວ່າ ການ​ແກ້​ໄຂ​ສິ່ງ​ທີ່​ຖົກ​ຖຽງ​ດັ່ງກ່າວ ຈະ​ເປັນ​ການ​ແຜ້ວ​ທາງ​ໃຫ້​ແກ່​ປະເທດ​ນີ້ ໃນ​ການ​ເຂົ້າ​ຮ່ວມ​ເປັນ​ສະມາຊິກ​ຂອງ​ສະຫະພາບ​ເອີ​ຣົບ (EU) ແລະ​ອົງການ​ສົນທິສັນຍາ​ປ້ອງ​ກັນ​ອັດ​ລັງ​ຕິກ​ເໜືອ (NATO).

    ຢູ່​ໃນ​ກອງ​ປະຊຸມ​ສຸດ​ຍອດ​ຂອງ NATO ຊຶ່ງ​ຈັດ​ຂຶ້ນ​ທີ່​ນະຄອນຫຼວງ​ບູ​ຄາ​ແຣ​​ສ (ປະເທດ​ຣູ​ມາ​ນີ) ເມື່ອ​ປີ 2008 ເກ​​ັຣກ ໄດ້​ປ່ອນ​ບັດ​ຢັບ​ຢັ້ງ​ຕໍ່​ຄຳ​ຮ້ອງ​ຂໍ​ເຂົ້າ​ຮ່ວມ NATO ຂອງ​ມາ​ເຊ​ໂດ​ນີ ພ້ອມ​ກັນ​ນັ້ນ ກໍ​ສະເໜີ​ໃຫ້​ແກ້​ໄຂ​ບັນຫາ​ການ​ຖົກ​ຖຽງ​ກັນ​ດັ່ງກ່າວ.

 

ຂ່າວທີ່ກ່ຽວຂ້ອງ