ຂ່າວຫຼ້າສຸດ

Daewoo Shipbuilding ວາງ​ຄາດໝາຍ​ລາຍ​ຮັບ 9,1 ຕື້​ໂດ​ລາ ໃນ​ປີ​ນີ້

124 14 ມິ.ນ. 2018 ຂ່າວຕ່າງປະເທດ
Daewoo Shipbuilding ວາງ​ຄາດໝາຍ​ລາຍ​ຮັບ 9,1 ຕື້​ໂດ​ລາ ໃນ​ປີ​ນີ້

   ທ່ານ ຈຸງ ຊຸງ-ລິບ ຜູ້ອຳນວຍການ​ໃຫຍ່​ຂອງ Daewoo Shipbuilding Marine & Engineering Co. ຂອງ ສ ເກົາຫຼີ ທີ່​ເປັນ​ວິ​ສາ​ຫະ​ກິດ​ຕໍ່​ກຳປັ່ນ​ລາຍ​ໃຫຍ່​ອັນ​ດັບ​ສອງ​ຂອງ​ໂລກ ແຈ້ງ​ໃຫ້​ຮູ້ເມື່ອ​ບໍ່​ດົນ​ມາ​ນີ້​ວ່າ ວິ​ສາ​ຫະ​ກິດ​ນີ້ ອາດ​ບັນລຸ​ລາຍ​ຮັບ 9.800 ຕື້​ວອນ (ເທົ່າ​ກັບ 9,1 ຕື້ ໂດ​ລາ​ສະຫະລັດ) ພາຍ​ໃນ​ປີ​ນີ້.

    ໃນ​ຂະນະ​ດຽວ​ກັນ ທ່ານ ຈຸງ ຊຸງ-ລິບ ກໍ​ຫວັງ​ວ່າ  Daewoo Shipbuilding ຈະ​ໄດ້​ຮັບ​ໃບ​ສັ່ງ​ສິນຄ້າ​ເປັນ​ມູນ​ຄ່າ 7 ຕື້​ໂດ​ລາ​ສະຫະລັດ​ໃນ​ທ້າຍ​ປີ​ນີ້ ທີ່​ນັບ​ວ່າ​ໃກ້​ກັບ​ຄາດໝາຍ ເບື້ອງ​ຕົ້ນ​ທີ່ 7,3 ຕື້​ໂດ​ລາ​ສະຫະລັດ ໃນ​ເວລາ​ນີ້ Daewoo ພວມ​ພະຍາຍາມ ເພື່ອ​ຮັບປະກັນ​ໃຫ້​ແກ່​ໃບ​ສັ່ງ​ສິນຄ້າ​ໄປ​ຮອດ​ທ້າຍ​ປີ.

    ໄລ່​ມາ​ຮອດ​ທ້າຍ​ເດືອນ​ພຶດສະພາ​ທີ່​ຜ່ານ​ມາ ວິ​ສາ​ຫະ​ກິດ​ຕໍ່​ກຳປັ່ນ​ດັ່ງກ່າວ ໄດ້​ມີ​ໃບ​ສັ່ງ​ສິນຄ້າ ເປັນ​ມູນ​ຄ່າ 22,4 ຕື້​ໂດ​ລາ​ສະຫະລັດ (ຫຼື​ມີ​ກຳປັ່ນ 96 ລຳ) ເຮັດ​ໃຫ້​ບັນດາ​ໂຮງງານ ຕໍ່​ກຳປັ່ນ​ຂອງ​ເຂົາເຈົ້າ ເຕັມ​ດ້ວຍ​ໜ້າ​ວຽກ​ໄປ​ຮອດ​ໄຕ​ມາດ III/2020.

 

ຂ່າວທີ່ກ່ຽວຂ້ອງ