ຂ່າວຫຼ້າສຸດ

ສະພາຮັບຮອງເອົາກົດໝາຍສະຫະພັນນັກຮົບເກົ່າ

112 14 ມິ.ນ. 2018 ຂ່າວໜ້າ​ໜຶ່ງ
ສະພາຮັບຮອງເອົາກົດໝາຍສະຫະພັນນັກຮົບເກົ່າ

ກອງ​ປະຊຸມ​ສະໄໝ​ສາມັນ ເທື່ອ​ທີ 5 ຂອງ​ສະພາ​ແຫ່ງ​ຊາດ ຊຸດ​ທີ VIII ໃນ​ວັນ​ທີ 13 ມິຖຸນາ 2018 ໂດຍ​ເປັນ​ປະທານ​ຂອງ​ທ່ານ ພົນ​ໂທ ແສງ​ນວນ ໄຊ​ຍະ​ລາດ ຮອງ​ປະທານ​ສະພາ​ແຫ່ງ​ຊາດ ມີ​ທ່ານ​ຮອງ​ປະທານ​ສະພາ ແລະ ບັນດາ​ສະມາຊິກ​ສະພາ​ເຂດ​ເລືອກ​ຕັ້ງ​ຕ່າງໆ​ທົ່ວ​ປະເທດ​ເຂົ້າ​ຮ່ວມ.

ທ່ານ ​ພົ.ວ ຄຳ​ຜາງ ຜ່ອງ​ຈັນ​ແສງ ຮອງ​ປະທານ​ສະຫະພັນ​ນັກຮົບ​ເກົ່າ​ແຫ່ງ​ຊາດ ໄດ້​ຂຶ້ນ​ສະເໜີ​ຮ່າງ​ກົດໝາຍວ່າ​ດ້ວຍ​ສະຫະພັນ​ນັກຮົບ​ເກົ່າ​ລາວ ເພື່ອ​ໃຫ້​ສອດຄ່ອງ​ກັບ​ສະພາບ​ເງື່ອນໄຂ ແລະ ຄວາມ​ຮຽກຮ້ອງ​ຕ້ອງການ​ ໃນ​ການ​ພັດທະນາ​ອົງ​ການຈັດຕັ້ງ​ສະຫະພັນ​ນັກຮົບ​ເກົ່າ​ແຫ່ງ​ຊາດ​ລາວ​ໃນ​ໄລຍະ​ໃໝ່ ອີກ​ດ້ານ​ໜຶ່ງ​ສະຫະພັນ​ນັກຮົບ​ເກົ່າ​ແຫ່ງ​ຊາດ​ລາວ​ຍັງ​ບໍ່​ທັນ​ມີ​ກົດໝາຍ ມີ​ພຽງ​ແຕ່​ຂໍ້​ຕົກລົງ​ຂອງ​ກົມ​ການເມືອງ​ສູນ​ກາງ​ພັກ ວ່າ​ດ້ວຍ​ການ​ສ້າງຕັ້ງ​ການຈັດຕັ້ງ ແລະ ການເຄື່ອນໄຫວ​ຂອງ​ສະຫະພັນ​ນັກຮົບ​ເກົ່າ​ແຫ່ງ​ຊາດ​ລາວ ແລະ ລະບຽບ​ການ​ສະເພາະ ມາ​ຮອດ​ປັດຈຸບັນ ​ເມື່ອ​ທຽບໃສ່​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ການເມືອງ​ທີ່ ພັກ-ລັດ​ມອບໝາຍ​ໃຫ້​ ແມ່ນ​ຍັງ​ມີ​ຄວາມ​ຈຳເປັນ​ຕ້ອງ​ໄດ້​ສ້າງ​ກົດໝາຍ ​ເພື່ອ​ເປັນ​ບ່ອນ​ອີງ​ໃຫ້​ແກ່​ການຈັດຕັ້ງ ແລະ ການເຄື່ອນໄຫວ​ຂອງ​ສະຫະພັນ​ນັກຮົບ​ເກົ່າ​ລາວ ເຊິ່ງ​ປະກອບ​ມີ 11 ພາກ 4 ໝວດ ແລະ 58 ມາດຕາ.

ຜ່ານ​ການ​ຄົ້ນຄວ້າ​ສົນທະນາ​ປະກອບ​ຄຳ​ຄິດ​ຄຳ​ເຫັນ​ຂອງ ​ສສຊ ດ້ວຍ​ບັນຍາກາດ​ຄຶກຄື້ນ ແລະ ມີ​ຄວາມ​ຮັບຜິດ​ຊອບ​ສູງ ແລະ ໃນ​ທີ່​ສຸດ ​ທີ່​ປະຊຸມ​ໄດ້​ເປັນ​ເອກະ​ພາບ​ຮັບຮອງ​ເອົາ​ກົດໝາຍ​ສະຫະພັນ​ນັກຮົບ​ເກົ່າ​ລາວ​ ດ້ວຍ​ຄະແນນ​ສຽງ​ສ່ວນ​ຫຼາຍ.

ຂ່າວທີ່ກ່ຽວຂ້ອງ