3 ສະ​ໝຸນ​ໄພ​ບຳລຸງ​ສຸຂະພາບ​ຫຼຸດ​ນ້ຳຕານ​ໃນ​ເລືອດ

287 12 ມິ.ຖ. 2018 ຂ່າວໜ້າ​ໜຶ່ງ
3 ສະ​ໝຸນ​ໄພ​ບຳລຸງ​ສຸຂະພາບ​ຫຼຸດ​ນ້ຳຕານ​ໃນ​ເລືອດ

      ພະຍາດ​ເບົາຫວານ​ຮັກສາ​ໄດ້​ໂດຍ​ວິທີ​ທຳ​​ມະຊາດ​ເຮັດ​ໃຫ້​ສຸຂະພາບ​ດີ ແລະ ຫຼຸດ​ນ້ຳຕານ​ໃນ ເລືອດ​ໄດ້​ດ້ວຍ​ສະ​ໝຸນ​ໄພ​ທີ່​ມີ​ສັບພະ​ຄຸນ​ອັນ​ລົ້ນເຫຼືອ ນອກຈາກ​ຫຼຸດ​ນ້ຳຕານ​ໃນ​ເລືອດ​ແລ້ວ ສັບພະ​ຄຸນ​ໂດຍ​ລວມ ຄື:  ຊ່ວຍ​ຮັກສາ​ສຸຂະພາບ​ໄດ້​ອີກ ເຊັ່ນ:  ໂສມ ຫວ້ານ​ຫາງ​ແຂ້ ແລະ ເຄືອ​ຕົດໝາ.

    ເລີ່ມ​ຈາກ​ໂສມ: ດ້ວຍ​ສັບພະ​ຄຸນ​ອັນ​ໜ້າ​ອັດ ສະ​ຈັນ​ທີ່​ສາມາດ​ຕໍ່ສູ້​ກັບ​ໂຣກ​ໄພ​ໄຂ້​ເຈັບ​ຕ່າງໆ​ໄດ້ ເຮັດ​ໃຫ້​ໂສມ​ເປັນ​ສະ​ໝຸນ​ໄພ​ທີ່​ໄດ້​ຮັບ​ການ​ຂະໜານ​ນາມ​ວ່າ​ເປັນ​ສະ​ໝຸນ​ໄພ​ທີ່​ລ້ຳ​ຄ່າ ໂດຍ​ມີ​ການ​ຄົ້ນ​ພົບ​ວ່າການ​ກິນ​ໂສມ​ສາມາດ​ຊ່ວຍ​ຫຼຸດຜ່ອນ​ການ​ດູດ​ຊຶມ​ຂອງ​ຄາ​ໂບ​ໄຮ​ເດຣດ ແລະ ເພີ່ມ​ການ​ເຮັດ​ວຽກ​ຂອງ​ເຊວ ຊ່ວຍ​ໃຫ້​ເຊວ​ສາມາດ​ດູດ​ທາດ​ນ້ຳ ຕານ​ໄປ​ໃຊ້​ງານ​ໄດ້​ຫຼາຍ​ຂຶ້ນ ນອກຈາກ​ນີ້ ຍັງ​ເພີ່ມ ການ​ຫຼັ່ງ​ຂອງ​ສານ​ອິນ​ຊູ​ລີນ ເຮັດ​ໃຫ້​ລະດັບ​ນ້ຳຕານ​ໃນ​ເລືອດ​ຫຼຸດ​ລົງ​ເຖິງ 15-20%.

    ຫວ້ານ​ຫາງ​ແຂ້: ບໍ່​ພຽງ​ຊ່ວຍ​ຫຼຸດ​ການ​ໃຄ່​ບວມ ການ​ອັກເສບ ແລະ ຊ່ວຍ​ຮັກສາ​ບາດແຜ​ໄດ້​ເທົ່າ ນັ້ນ ແຕ່​ຍັງ​ເປັນ​ສະ​ໝຸນ​ໄພ​ທີ່​ເໝາະ​ກັບ​ຜູ້​ປ່ວຍ​ພະຍາດ​ເບົາຫວານ ເພາະ​ມີ​ການ​ສຶກ​ສາ​ແລ້ວ​ວ່າ​ນ້ຳ ຂອງ​ຫວ້ານ​ຫາງ​​ເເຂ້​ສາມາດ ຊ່ວຍ​ຫຼຸດ​ລະດັບ​ນ້ຳຕານ​ໃນ​ເລືອດ​ໄດ້ ໂດຍ​ສະເພາະ ໃນ​ກຸ່ມ​ຜູ້​ປ່ວຍ​ໂລກ​ເບົາຫວານ.

    ເຄືອ​ຕົດໝາ: ເຄືອ​ຕົດໝາ​ຊື່​ຟັງ​ແລ້ວ​ອາດ​ຈະ​ບໍ່​ຄ່ອຍ​ມ່ວນ​ປານໃດ ແຕ່​ມີ​ສັບພະ​ຄຸນ​ອັນ​ລົ້ນ​ຫຼາຍ ໂດຍ​ສະເພາະ ສານ​ສະກັດ​ຂອງ​ໃບ ເພາະ​ສາມາດ​ຫຼຸດ​ລະດັບ​ນ້ຳຕານ​ໃນ​ເລືອດ ທັງ​ຊ່ວຍ​ເພີ່ມ​ການ​ຫຼັ່ງ​ຂອງ​ສານ​ອິນ​ຊູ​ລີນ​ໃນ​ຮ່າງກາຍ ມີ​ສານ​ຕ້ານ​ອະນຸ​ມູນ​ອິດສະຫຼະ ແລະ ຊ່ວຍ​ຫຼຸດ​ໄຂມັນ​ໃນເລືອດ ຂະນະ​ທີ່​ສັບພະ​ຄຸນ​ທາງ​ຢາພື້ນເມືອງ​ກໍ່​ຍັງ ມີ​ອີກ​ບໍ່​ໜ້ອຍ ບໍ່​ວ່າ​ຈະ​ໃຊ້​ລ້າງ​ພິດ ແກ້​ທ້ອງບິດ ຖອກທ້ອງ ຖ່າຍ​ພະຍາດ ແກ້​ອາການ​ອ່ອນເພຍ ຕົກ​ເລືອດ ຫຼື ແກ້​ອາການ​ປວດ​ເມື່ອຍ.  

ຂ່າວທີ່ກ່ຽວຂ້ອງ