ຂ່າວຫຼ້າສຸດ

ກະຊວງພາຍໃນ ຈັດກິດຈະກຳຈົດທະບຽນການເກີດ

142 11 ມິ.ນ. 2018 ຂ່າວໜ້າ​ໜຶ່ງ

ໃນ​ໂອກາດ​ທີ່​ຄະນະ​ກຳມາ​ທິ​ການ​ແຫ່ງ​ຊາດ ເພື່ອ​ຄວາມ​ກ້າວໜ້າ​ຂອງ​ແມ່ຍິງ ແລະ ແມ່-ເດັກ ໄດ້​ຈັດພິທີ​ສະເຫຼີມສະຫຼອງ​ວັນ​ເດັນ​ນ້ອຍ​ສາກົນ 1 ມິຖຸນາ ໃນ​ວັນ​ທີ 31 ພຶດສະພາ 2018 ທີ່​ຫໍ​ວັດທະນະທຳແຫ່ງ​ຊາດ ໃນ​ພິທີ​ຄັ້ງ​ນີ້​ຄະນະ​ກຳມາ​ທິ​ການ​ແຫ່ງ​ຊາດ ເພື່ອ​ຄວາມ​ກ້າວໜ້າ​ຂອງ​ແມ່ຍິງ ແລະ ແມ່-ເດັກ ກະຊວງ​ພາຍ​ໃນ ຮ່ວມ​ກັບພະ​ແນກ​ພາຍ​ໃນ​ນະຄອນຫຼວງ​ວຽງ​ຈັນ ຫ້ອງການ​ພາຍ​ໃນ​ເມືອງ 9 ເມືອງ ແລະ ອົງ​ການຈັດຕັ້ງ​ບ້ານ ໄດ້​ປະກອບສ່ວນ​ກິດຈະກຳ​ຈົດ​ທະບຽນ​ການ​ເກີດ​ສຳລັບ​ເດັກ​ແຕ່​ແລກ​ເກີດ​ຫາ​ອາຍຸ 18 ປີ ຢ່າງ​ເປັນ​ຂະ​ບວນ​ຟົດຟື້ນ ມີ​ທ່ານ ສີ​ພຸກ ວົງ​ພັກດີ ຮອງ​ລັດຖະມົນຕີ ຜູ້​ຊີ້​ນຳ​ວຽກ​ງານ​ຄຸ້ມ​ຄອງພົນລະເມືອງ ກະຊວງ​ພາຍ​ໃນ ທ່ານ​ຫົວໜ້າ​ພະ​ແນກ​ພາຍ​ໃນ ນະຄອນຫຼວງ​ວຽງ​ຈັນ ບັນດາ​ຄະນະ​ກຳມາ​ທິ​ການ​ແຫ່ງ​ຊາດ ເພື່ອ​ຄວາມ​ກ້າວໜ້າ​ຂອງ​ແມ່ຍິງ ແລະ ແມ່-ເດັກ ກະຊວງຫົວໜ້າ​ຫ້ອງການ​ພາຍ​ໃນ​ເມືອງ ແລະ ບ້ານ​ຈຳນວນ​ໜຶ່ງ​ເຂົ້າ​ຮ່ວມ.

ການ​ຈັດ​ກິດຈະກຳ​ດັ່ງກ່າວ ແມ່ນ​ປະຕິບັດ​ສົນທິສັນຍາ​ສາກົນ​ວ່າ​ດ້ວຍ​ສິດທິ​ມະນຸດ ສິດທິ​ເດັກ ສິດທິຂອງ​ພົນລະເມືອງ ແລະ ສິດ​ທາງ​ການເມືອງ ແລະ ຮອດ​ປີ 2024 ພົນລະເມືອງ​ລາວ​ທຸກ​ຄົນ ແລະ ເດັກເກີດ​ໃໝ່ g​ຕ້ອງ​ໄດ້​ຮັບ​ການ​ຈົດ​ທະບຽນ​ໃຫ້​ໄດ້ 70% ພ້ອມ​ທັງ​ຮັບປະກັນ​ໃຫ້​ພົນລະເມືອງ​ລາວ​ທຸກ​ຄົນ ​ໄດ້ເຂົ້າ​ເຖິງ​ການ​ບໍລິການ​ຈົດ​ທະບຽນ​ຢ່າງ​ທົ່ວ​ເຖິງ ແລະ ເພື່ອ​ເປັນ​ການ​ປະຕິບັດ​ລັດ​ຖະ​ບັນຍັດ​ຂອງ​ປະທານປະເທດ​ວ່າ​ດ້ວຍ​ຄ່າ​ທຳນຽມ ແລະ ຄ່າ​ບໍລິການ​ວຽກ​ງານ​ຄຸ້ມ​ຄອງ​ພົນລະເມືອງ ໃຫ້​ປາກົດ​ຜົນ​ເປັນ​ຈິງ​ເທື່ອລະ​ກ້າວ.

ສຳລັບ​ກິດຈະກຳ​ຄັ້ງ​ນີ້ ມີ​ເດັກ​ເຂົ້າ​ຮ່ວມ​ຈົດ​ທະບຽນ​ເກີດ 343 ຄົນ ຍິງ 115 ຄົນ ສ່ວນ​ສະຖິຕິ​ການຈົດ​ທະບຽນ​ການ​ເກີດ​ປີ 2013-2016 ມີ​ປະຊາກອນ​ທີ່​ໄດ້​ຮັບ​ການ​ຈົດ​ທະບຽນ​ການ​ເກີດ​ທັງ​ໝົດ 179.814 ຄົນ ເທົ່າ​ກັບ 3% ຂອງ​ຈຳນວນ​ປະຊາກອນ​ທັງ​ໝົດ ໃນ​ນັ້ນ ມີ​ເດັກ​ອາຍຸ​ລຸ່ມ 5 ປີ ຈຳນວນ 77.674 ຄົນ.

ຂ່າວທີ່ກ່ຽວຂ້ອງ