ຂ່າວຫຼ້າສຸດ

ເຄນ ຄອງອັນດັບ 1 ນັກເຕະມູນຄ່າສູງສຸດຂອງໂລກ

325 06 ມິ.ນ. 2018 ວົງຈອນກີລາ
ເຄນ ຄອງອັນດັບ 1 ນັກເຕະມູນຄ່າສູງສຸດຂອງໂລກ

         ແຮຣີ່ ເຄນ ກອງໜ້າສັກສີທີມຊາດອັງກິດ ຈາກສະໂມສອນ ທັອດແນ່ມ ຮອດສະເປີ ຖືກປະເມີນວ່າເປັນນັກເຕະທີ່ມີມູນຄ່າສູງສຸດຂອງວົງການເຕະບານໂລກຍຸກປັດຈຸບັນ ອອກລາຄາມາແລ້ວຢູ່ທີ່ 201,2 ລ້ານເອີໂຣ.

          ການເປີດເຜີຍຂອງຫໍສັງເກດການເຕະບານ ຫຼ້າສຸດເມື່ອວັນທີ 4 ມິຖຸນາ ຫຼັງຈາກຜົນງານລະດູການ 2017-18 ທີ່ດາວດັງທີມຊາດອັງກິດຍິງໄປ 30 ປະຕູ ເປັນຮອງດາວຍິງສູງສຸດຂອງພຣີເມຍລີກ ອັງກິດ ສັນຍາຜູກມັດ ລວມເຖິງອາຍຸຍັງບໍ່ເຖິງ 25 ປີເຕັມ ຈຶ່ງເຮັດໃຫ້ມີມູນຄ່າແພງສຸດເໜືອກວ່າສອງນັກເຕະຂອງ ປາຣີສ ແຊງ-ແຊກແມງ ຢ່າງ ເນມາ (197,5 ລ້ານເອີໂຣ) ຫຼື ຄີລິຢັນ ເອັມບັບເປ ໂລແຕັງ (186,5 ລ້ານເອີໂຣ).

          ໂດຍນັກເຕະມູນຄ່າປະເມີນແພງສຸດຂອງຫໍສັງເກດການເຕະບານ  ມາຈາກທັງໝົດ 6 ປະທດ ໄດ້ແກ່ ອັງກິດ (ເຄນ, ເດເລ່ ອັນລີ), ແບນຊິກ (ເດີ ບຣອຍ, ໂຣເມລູ ລູກາກູ), ອາກຊັງຕິນ (ເມສຊີ່, ດີບາລ່າ), ຝຣັ່ງ (ເອັມບັບເປ, ກຣີຊມັນ), ບຣາຊິນ (ເນມາ)ແລະ ອີຢິບ (ຊາລ່າ).

           ທັ້ງນີ້ ນັກເຕະ 16 ຄົນຈາກອັນດັບສູງສຸດ 100 ຄົນ ເປັນສັນຊາດຝຣັ່ງ ສ່ວນສັກສີບັນລົງດໍ 5 ສະໄໝຄື ຄຣິສເຕຍໂນ່ ໂຣນັນໂດ ຫຼຸດໄປທີ່ 24 (103,4 ລ້ານເອີໂຣ) ຊຶ່ງຖືວ່າເປັນນັກເຕະອາຍຸແກ່ສຸດຂອງລາຍຊື່ ສ່ວນອາຍຸນ້ອຍສຸດຄື ຈານລຸຍຈິ ດອນນາຣຸມມ່າ ຄອງອັນດັບ 73 (67,5 ລ້ານເອີໂຣ).

ຂ່າວທີ່ກ່ຽວຂ້ອງ