ຂ່າວຫຼ້າສຸດ

ຊັອກວົງການເຕະບານ ຫຼັງຊີດານປະກາດອຳລາຜູ້ຈັດການທີມ ຣິວ ມາດຣິດ

189 04 ມິ.ນ. 2018 ວົງຈອນກີລາ
ຊັອກວົງການເຕະບານ ຫຼັງຊີດານປະກາດອຳລາຜູ້ຈັດການທີມ ຣິວ ມາດຣິດ

          ຊີເນດີນ ຊີດານ ປະກາດລາອອກຈາກຕຳແໜ່ງຜູ້ຈັດການທີມ ຣິວ ມາດຣິດ ທັງໆທີ່ຫາກໍພາທີມຄວ້າແຊັມ ຢູຟ່າ ແຊັມປຽນ ລີກ ໄດ້ 3 ສະໄໝຕິດຕໍ່ກັນ.

          ຊີເນດີນ ຊີດານ ຜູ້ຈັດການທີມ ຣິວ ມາດຣິດ ສະໂມສອນຍິ່ງໃຫຍ່ແຫ່ງເວທີ ລາ ລີກາ ແອັດສະປາຍ ສ້າງຄວາມປະຫຼາດໃຈໃຫ້ກັບກອງເຊຍບານທົ່ວໂລກ ຫຼັງປະກາດລາອອກຈາກຕຳແໜ່ງຊະນິດທີ່ບໍ່ມີໃຜຄາດຄິດເມື່ອວັນພະຫັດທີ 31 ພຶດສະພາທີ່ຜ່ານມາ.

          ຜູ້ຈັດການຊາວຝຣັ່ງ ຫາກໍພາ ຣິວ ມາດຣິດ ເອົາຊະນະ ລິເວີພູນ 3-1 ໃນເວທີ ຢູຟ່າ ແຊັມປຽນ ລີກ ນັດຊິງຊະນະເລີດ ເມື່ອວັນເສົາທີ 26 ພຶດສະພາທີ່ຜ່ານມາ ສົ່ງຜົນໃຫ້ຄອງເຈົ້າເອີຣົບ 3 ສະໄໝຕິດຕໍ່ກັນ ນັບຕັ້ງແຕ່ມາຮັບວຽກຕໍ່ຈາກ ຣາຟາເອວ ເບນິເຕຊ ເມື່ອເດືອນມັງກອນ ປີ 2016 ລວມທັງໄດ້ແຊັມ ລາ ລີກາ ເມື່ອລະດູການ 2016/17.

          ສ່ວນຜູ້ຈັດການຄົນໃໝ່ຂອງ ຣິວ ມາດຣິດ ທີ່ທ່ານ ຟລໍເຣນຕິໂນ່ ເປເຣຊ ປະທານສະໂມສອນເລັງໄວ້ກໍມີຫຼາຍຄົນ ເຊັ່ນ ໂຢອັກຄິມ ເລິຟ ຜູ້ຈັດການທີມຊາດເຢຍລະມັນ, ເຈີເກນ ຄລັອບ ຜູ້ຈັດການທີມ ລິເວີພູນ, ເມົາຣິຊິໂອ ໂປເຊັດຕິໂນ່ ຜູ້ຈັດການໃຫຍ່ ທັອດແນ່ມ ຮັອດສະເປີ ແລະ ອາແຊນ ເວນເກີ ອະດີດຜູ້ຈັດການທີມ ອາເຊນ່ອນ ເປັນຕົ້ນ.

ຂ່າວທີ່ກ່ຽວຂ້ອງ