ຄວາມເຄື່ອນໄຫວຂອງຕະຫຼາດຊື້ຂາຍນັກເຕະໃນໄລຍະພັກຮ້ອນນີ້ ຫຼ້າສຸດ ສອງທີມຍິ່ງໃຫຍ່ພຣີເມຍລີກ ອັງກິດ ປະກອບດ້ວຍແມນເຊສເຕີ ຢູໄນເຕັດ ທີມຮອງສອງແຊັມປີຫຼ້າສຸດ ແລະ ເຊວຊີ ແຊັມເອຟເອ ຄັບ ຕົກເປັນຂ່າວຕ້ອງການເສີມທັບໃນຕຳແໜ່ງແບັກຊ້າຍ.

        ຕາມລາຍງານຂ່າວລະບຸວ່າ ແມນຢູ ແລະ ເຊວຊີ ໃຈກົງກັນ ເມື່ອທັງຄູ່ຢາກໄດ້ ຄໍດີ ອັນບາ ແບັກຊ້າຍທີມຊາດແອັດສະປາຍ ໄວ 29 ປີ ຂອງບາເຊໂລນ່າ ມະຫາອໍານາດເຕະບານແອັດສະປາຍ ມາເປັນສະມາຊິກໃໝ່ ເພື່ອເສີມຄວາມແຂງແກ່ນໃຫ້ກັບທີມໃນລະດູກາໜໜ້າ.

        ເວລານີ້ ອັນບາ ອະດີດນັກເຕະບາເລນເຊຍ (ປີ 2009–2012) ກໍຍັງບໍ່ໄດ້ຮັບສັນຍາຄ້າຝີຕີນສະບັບໃໝ່ຈາກບາເຊໂລນ່າ ຫຼັງຫຼ້າສຸດ ຕົ້ນສັງກັດໄດ້ຂໍເລື່ອນການເຈລະຈາເລື່ອງສັນຍາໃໝ່ ຂະນະທີ່ຂອງເດີມຍັງເຫຼືອຢູ່ອີກ 18 ເດືອນ ຫຼືປີກວ່າ.