ຂ່າວຫຼ້າສຸດ

ເຊວຊີ ເລັງເປົ້າຫາ “ບລັອງ” ຫຼັງເມິນຍົກເລີກສັນຍາ ຊາຣີ່

198 31 ພ.ພ. 2018 ວົງຈອນກີລາ
ເຊວຊີ ເລັງເປົ້າຫາ “ບລັອງ” ຫຼັງເມິນຍົກເລີກສັນຍາ ຊາຣີ່

        ເຊວຊີ ທີມດັງຂອງພຣີເມຍລີກ ປ່ຽນເປົ້າໝາຍຜູ້ຈັດການຄົນໃຫມ່ເປັນ ໂລຣັອງ ບລັອງ ອະດີດຜູ້ຈັດການທີມຊາດຝຣັ່ງ ແລະປາຣີສ ແຊງ-ແຊກແມງ ຫຼັງບໍ່ຕ້ອງການຈ່າຍຄ່າຍົກເລີກສັນຍາເພື່ອດຶງຕົວ ເມົາຣິຊິໂອ ຊາຣີ່ ມາຄຸມທີມ.

          ຊາຣີ່ ຖືກປົດອອກຈາກຕຳແໜ່ງຜູ້ຈັດການທີມນາໂປລີ ເພື່ອເປິດທາງໃຫ້ ຄາໂລ ອັນເຊລັອດຕິ ເຂົ້າມາຮັບໜ້າທີ່ແທນ ໂດຍກົດໝາຍຂອງອິຕາລີນັ້ນ ສັນຍາຍັງມີຜົນຈົນກວ່າທັງສອງຝ່າຍຈະຍິນຍອມຍົກເລີກ ຫຼືມີການຈ່າຍຄ່າຍົກເລີກ 8 ລ້ານເອີໂຣ.

          ຄ່າຍົກເລີກສັນຍາຂອງ ຊາຣີ່ ຈະໝົດລົງວັນທີ 31 ພຶດສະພານີ້ ຊຶ່ງຫຼັງຈາກນັ້ນ ຊາຣີ່ ຍັງໄດ້ຮັບຄ່າແຮງແບບບໍ່ຕ້ອງເມື່ຶອຍຈົນກວ່າຈະໝົດສັນຍາໃນພັກຮ້ອນໜ້າ ຂະນະທີ່ທ່ານ ອໍເຣລິໂອ ເດ ເລົາເຣນຕິສ ປະທານສະໂມສອນນາໂປລີກໍຢ້ຳຈຸດຢືນຂອງຕົວເອງ ເພາະຢາກໄດ້ເງິນອີກກ້ອນກ່ອນແຍກທາງກັນຢ່າງເປັນອິດສະລະ.

           ເຊວຊີ ຕ້ອງຈ່າຍເງິນເຖິງສອງຕໍ່ ຫາກເລືອກ ຊາຣີ່ ມາຄຸມທີມ ທັງເງິນຄ່າຊົດເຊີຍໃນການປົດ ອັນໂຕນິໂອ ຄອນເຕ ຜູ້ຈັດການຄົນປັດຈຸບັນອອກຈາກຕຳແໜ່ງ ແລະ ຄ່າຍົກເລີກສັນຍາເພື່ອດຶງ ຊາຣີ່ ເຂົ້າມາແທນທີ່.

          ດ້ວຍເຫຕຸນີ້ ຈຶ່ງເຮັດໃຫ້ ເຊວຊີອາດຕ້ອງຊອກຫາຕົວເລືອກໃໝ່ ໂດຍເພັ່ງເລັງໄປທີ່່ ໂລຣັອງ ບລັອງ ອະດີດຜູ້ຈັດການທີມຊາດຝຣັ່ງ ທີ່ວ່າງງານຕັ້ງແຕ່ປີ 2016 ຫຼັງແຍກທາງກັບ ປາຣີສ ແຊງ-ແຊກແມງ.

ຂ່າວທີ່ກ່ຽວຂ້ອງ