ຂ່າວຫຼ້າສຸດ

ທະນາຍອີຢິບ ກຽມຟ້ອງຮ້ອງ ”ຣາມອສ” 1 ຕື້ເອີໂຣ

151 31 ພ.ພ. 2018 ວົງຈອນກີລາ
ທະນາຍອີຢິບ ກຽມຟ້ອງຮ້ອງ ”ຣາມອສ” 1 ຕື້ເອີໂຣ

          ທ່ານ ບາສເຊັມ ວະບາ ທະນາຍຄວາມຊາວອີຢິບ ໄດ້ສົ່ງເລື່ອງຟ້ອງຮ້ອງ ເຊຄິໂອ ຣາມອສ ກອງຫຼັງ ຣີວ ມາດຣິດ ຖານຈົງໃຈທຳຮ້າຍ ໂມຮໍາເໝັດ ຊາລາ ກອງໜ້າລິເວີພູລຈົນໄດ້ຮັບບາດເຈັບໃນເກມນັດຊິງຊະນະເລີດເຕະບານຢູຟາ ແຊັມປຽນລີກທີ່ຜ່ານມາ.

          ປີກທີມຊາດອີຢິບໂຊກຮ້າຍໄດ້ຮັບບາດເຈັບບ່າໄຫຼ່ ຈາກຈັງຫວະປະທະກັບຫົວໜ້າທີມ ຣິວ ມາດຣິດ ຈົນຕ້ອງຖືກປ່ຽນຕົວອອກຈາກສະໜາມຕັ້ງແຕ່ນາທີທີ່ 30 ຂອງການແຂ່ງຂັນ ແຕ່ຜູ້ກ່ຽວຍັງໝັ້ນໃຈວ່າຈະສົມບູນກັບມາຊ່ວຍບ້ານເກີດຊີງໄຊໃນເຕະບານໂລກ 2018 ໃນເດືອນໜ້າ.

          ຢ່າງໃດກໍດີ ທະນາຍຄວາມຂອງອີຢິບກັບຍອມບໍ່ໄດ້ ຈຶ່ງຈັດການຍື່ນຟ້ອງ ຣາມອສ ແລະ ສົ່ງໜັງສືຮ້ອງຮຽນເຖິງຟີຟ່າແລ້ວ ພ້ອມຂໍເງິນຊົດເຊີຍ 1 ຕື້ເອີໂຣ ຖານແນວຮັບທີມຊາດແອັດສະປາຍທຳຮ້າຍຮ່າງກາຍຊາລາ ແລະ ທຳຮ້າຍຈິດໃຈຄົນອີຢິບທັງປະເທດ.

          “ຣາມອສ ຈົງໃຈເຮັດໃຫ້ ໂມ ຊາລາ ໄດ້ຮັບບາດເຈັບ ແລະ ສົມຄວນຖືກລົງໂທດຈາກການກະທໍາຂອງເຂົາ ຂ້ອຍຍື່ນຟ້ອງ ແລະສົ່ງຈົດໝາຍຮ້ອງຮຽນໄປເຖິງຟີຟ່າແລ້ວ”.

          “ຂ້ອຍຈະຂໍເອົາເງິນຊົດເຊີຍ 1 ຕື້ເອີໂຣ ຈາກການທີ່ ຣາມອສ ທຳຮ້າຍຮ່າງກາຍຊາລາ ແລະ ທຳຣ້າຍຈິດໃຈຄົນອີຢິບ”.

ຂ່າວທີ່ກ່ຽວຂ້ອງ