ພັກຮ້ອນນີ້ ຢູເວນຕຸສເລັງປັບທີມຄັ້ງໃຫຍ່

158 30 ພ.ພ. 2018 ວົງຈອນກີລາ
ພັກຮ້ອນນີ້ ຢູເວນຕຸສເລັງປັບທີມຄັ້ງໃຫຍ່

          ຢູເວນຕຸສ ເພັ່ງເລັງປັບປ່ຽນທີມຄັ້ງໃຫຍ່ໃນພັກຮ້ອນນີ້ ໂດຍກຽມຄວ້າ ເອັມເຣ່ ຊານ ກອງກາງຊາວເຢຍລະມັນ ມາແທນທີ່ ເຄລາດິໂອ ມາຄິຊິໂອ ພ້ອມກຽມປ່ອຍ ສະເຕຟາໂນ່ ສະຕູຣາໂຣ່ ກັບ ເມດີ ເບນາເຕຍ ອອກຈາກທີມ ຂະນະທີ່ເລັງຄວ້າ ອະເລສຊິໂອ ໂຣມັນໂຢລີ່ ກອງຫຼັງ ເອຊີ ມິລານ ເສີມທັບອີກຄົນ.

          ຢູເວນຕຸສ ສະໂມສອນຍິ່ງໃຫຍ່ແຫ່ງເວທີກັຮໂຊ່ ເຊເຣຍ ອາ ຕົກເປັນຂ່າວວ່າກຽມທີ່ຈະປັບປຸງທີມຄັ້ງໃຫຍ່ໃນໄລຍະພັກຮ້ອນນີ້ ໂດຍເລີ່ມຕົ້ນດ້ວຍການຄວ້າ ເອັມເຣ່ ຊານ ກອງກາງທີມຊາດເຢຍລະມັນ ມາຮ່ວມທີມແບບບໍ່ມີຄ່າຕົວ ຈາກການລາຍງານເມື່ອວັນອາທິດທີ 27 ພຶດສະພາທີ່ຜ່ານມາ.

          ເອັມເຣ່ ຊານ ຈະໝົດສັນຍາກັບ ລິເວີພູລ ໃນໄລຍະພັກຮ້ອນນີ້ ແລະ ເຂົາກໍກຽມຍ້າຍມາເປັນສະມາຊິກໃໝ່ໃນຖິ່ນອັນລິອັນ ສະເຕດຽມ ໂດຍຈະມາແທນທີ່ ເຄລາດິໂອ ມາຄິຊິໂອ ກອງກາງຕົວປະສົບການ ຊຶ່ງຈະອຳລາ ຢູເວນຕຸສ ຫຼັງຈາກທີ່ຢູ່ກັບທີມມາຍາວນານເຖິງ 25 ປີ ຕັ້ງແຕ່ອາຍຸພຽງແຄ່ 7 xuເທົ່ານັ້ນ.

          ນອກຈາກນີ້ແລ້ວ ສະເຕຟາໂນ່ ສະຕູຣາໂຣ່ ແລະ ເມດີ ເບນາເຕຍ ກໍຈະຍ້າຍຈາກ ຢູເວນຕຸສ ເຊັ່ນກັນ ຂະນະທີ່ ອະເລສຊິໂອ ໂຣມັນໂຢລີ່ ກອງຫຼັງ ເອຊີ ມິລານ ຄືເປົ້າໝາຍຫຼັກຂອງ ຢູເວນຕຸສ ໃນການເສີມກອງຫຼັງໄລຍະພັກຮ້ອນນີ້.

 

ຂ່າວທີ່ກ່ຽວຂ້ອງ