ຂ່າວຫຼ້າສຸດ

ລີເວີພູລ ເຊັນຟາບິນໂຢ່ ຈາກໂມນາໂກເສີມທັບເປັນຄົນທໍາອິດ

191 30 ພ.ພ. 2018 ວົງຈອນກີລາ
ລີເວີພູລ ເຊັນຟາບິນໂຢ່ ຈາກໂມນາໂກເສີມທັບເປັນຄົນທໍາອິດ

          ລິເວີພູລ ເສີມທັບແບບຮີບດ່ວນ ເມື່ອຫຼ້າສຸດປິດການຊື້ຂາຍ ຄວ້າຕົວ ຟາບິນໂຢ່ ກອງກາງຊາວບຣາຊິນມາຈາກ ອາແອສ ໂມນາໂກ ເປັນທີ່ຮຽບຮ້ອຍ ຄາດວ່າຄ່າຕົວຢູ່ທີ່ 39 ລ້ານປອນ.

          ລິເວີພູລ ສະໂມສອນຍິ່ງໃຫຍ່ແຫ່ງເວທີ ພຣີເມຍລີກ ອັງກິດ ປະກາດຢືນຢັນເມື່ອວັນຈັນທີ 28 ພຶດສະພາທີ່ຜ່ານມາວ່າ ໄດ້ຄວ້າຕົວ ຟາບິນໂຢ່ ກອງກາງຕົວຮັບຊາວບຣາຊິນ ມາຈາກ ອາແອສ ໂມນາໂກ ສະໂມສອນດັງໃນເວທີ ລີກ ອອງ ຝຣັ່ງ ເປັນທີ່ຮຽບຮ້ອຍ ໂດຍເຊັນສັນຍາຮ່ວມງານກັນແບບໄລຍະຍາວ.

          ເດິມທີ ຟາບິນໂຢ່ ມີຂ່າວກ່ຽວໂຍງກັບ ແມນເຊສເຕີ ຢູໄນເຕັດ ແລະ ແມນເຊສເຕີ ຊິຕີ ແຕ່ວ່າສຸດທ້າຍກາຍເປັນ ລີເວີພູລ ທີ່ແຊງໜ້າຊິງຕົວໄປເສີມທັບ ແລະ ເຖຶງແມ່ນຍັງບໍ່ມີການເປິດເຜີຍເລື່ອງຄ່າຕົວ ແຕ່ຫຼາຍສື່ໃນອັງກິດຄາດວ່າ ດາວເຕະໄວ 24 ປີ ໜ້າຈະມີຄ່າຫົວຢູ່ທີ່ 39 ລ້ານປອນ.

          ລິເວີພູລ ຄວ້າ ຟາບິນໂຢ່ ຮຽບຮ້ອຍ ເຊິ່ງຄາດຄ່າຫົວ 39 ລ້ານປອນ ໂດຍ ຟາບິນໂຢ່ ຈະກາຍເປັນສະມາຊິກຂອງລິເວີພູລ ໃນວັນທີ 1 ກໍລະກົດນີ້ ຫຼັງຈາກຮັບໃຊ້ສະໂມສອນແຫ່ງ ລີກ ອອງ 225 ນັດ ຍິງໄດ້ 29 ປະຕູ ຕະຫຼອດ 5 ປີ ໄດ້ແຂັມ ລີກ ອອງ 1 ສະໄໝໃນລະດູການ 2016-17 ຕິດທີມຊາດບຣາຊິນໄປ 4 ນັດ.

ຂ່າວທີ່ກ່ຽວຂ້ອງ