ຂ່າວຫຼ້າສຸດ

EA SPORT ທຳນາຍ ”ຝຣັ່ງ” ຈະເປັນແຊັມໂລກ

243 30 ພ.ພ. 2018 ວົງຈອນກີລາ
EA SPORT  ທຳນາຍ ”ຝຣັ່ງ” ຈະເປັນແຊັມໂລກ

        EA SPORT ຜູ້ຜະລິດເກມເຕະບານເຟຣນໄຊສ໌ ຍິ່ງໃຫຍ່ຢ່າງ “FIFA18” ທົດສອບລະບົບເກມໃນເວີຊັ່ນ ເຕະບານໂລກ 2018 ຊຶ່ງໄດ້ເປິດໃຫ້ເກມເມີດາວໂຫລດ DLC ເມື່ອວັນທີ 29 ພຶດສະພານີ້ ດ້ວຍການນຳທີມຊາດແຕ່ລະທີມໃຫ້ລະບົບຂອງເກມຄວບຄຸມທີມແຂ່ງຂັນກັນແບບອັດຕະໂນມັດ ຕັ້ງແຕ່ຮອບ 32 ທີມຈົນເຖິງຮອບຊິງຯ.

          ຜົນປາກົດວ່າໃນຮອບຮອງຯ ທີມຊາດຝຣັ່ງ ເອົາຊະນະ ແບນຊິກ ທີມໂກລເດນເຈເນເຣຊັ່ນ 2–1 ຜ່ານເຂົ້າຮອບຊິງຯພົບກັບ ທີມຊາດເຢຍລະມັນ ທີ່ເອົາຊະນະ ແອັດສະປາຍ 3-1 ແລະ ຮອບຊິງຯ ຝຣັ່ງ ສະເໝີກັບ ເຢຍລະມັນ 120 ນາທີ 0-0 ແລະ ຝຣັ່ງເປັນຝ່າຍເອົາຊະນະຈຸດໂທດ 5-4 ຊຶ່ງຕາມຄ່າສະຖິຕິຂອງຈິງເຢຍລະມັນບໍ່ເຄີຍພ່າຍແພ້ຈຸດໂທດໃນເຕະບານໂລກນັບຕັ້ງແຕ່ປີ 1976 ເປັນຕົ້ນມາ.

          ໂດຍ ອອງຕວນ ກຣີຊມັນ ກອງໜ້າແອດເລຕິໂກ ມາດຣິດ ຂອງທີມຊາດຝຣັ່ງ ຄວ້າຕຳແໜ່ງດາວຍິງສູງສຸດໄປຄອງ.

          ທັ້ງນີ້ ໃນເຕະບານໂລກ 2014 EA SPORT  ເຄີຍທຳນາຍຜົນການແຂ່ງຂັນໃຫ້ ເຢຍລະມັນ ເປັນແຊັມໂລກມາແລ້ວ ແລະລະບົບຂອງ EA SPORT  ເຄິຍໃຊ້ເກມ ແມດເດນ ທໍານາຍຜົນອະເມຣິກັນຟຸດບອນເອັນເອຟແອວ ຖືກຕ້ອງ 9 ຈາກ 13 ຄັ້ງ.

ຂ່າວທີ່ກ່ຽວຂ້ອງ