ຂ່າວຫຼ້າສຸດ

ສື່ຝຣັ່ງ ເປີດເຜີຍ ທ່ານ ພລາຕິນີ່ ພົ້ນມົນທິນຮັບເງິນທຸຈະລິດ

317 29 ພ.ພ. 2018 ວົງຈອນກີລາ
ສື່ຝຣັ່ງ ເປີດເຜີຍ ທ່ານ ພລາຕິນີ່ ພົ້ນມົນທິນຮັບເງິນທຸຈະລິດ

          ທ່ານ ມິເຊວ ພລາຕິນີ່ ຕໍານານວົງການເຕະບານຝຣັ່ງ ໄດ້ຮັບການຕັດສິນໃຫ້ພົ້ນຈາກຄວາມຜິດໃນຄະດີຮັບເງິນແບບບໍ່ໂປ່ງໃສຕາມລາຍງານຈາກສື່ໃນຝຣັ່ງ.

          ອະດີດປະທານສະຫະພັນເຕະບານເອີຣົບ ຖືກລົງໂທດຫ້າມໃນປີ 2015 ຫ້າມຫຍຸ້ງກ່ຽວກັບເຕະບານ 4 ປີ ຂໍ້ຫາຮັບເງິນທຸຈະລິດຈຳນວນ 1,5 ລ້ານປອນ ຈາກ ທ່ານ ເຊບ ແບລດເຕີ ອະດີດປະທານໃຫຍ່ຟີຟ່າ.

          ຢ່າງໃດກໍຕາມ ຫຼ້າສຸດ ໜັງສືພິມ ເລີ ມົງ ລະບຸວ່າໄດ້ຮັບຂໍ້ມູນກ່ຽວກັບຈົດໝາຍຊຶ່ງທ່ານ ເຊດຣິກ ເຣມຸນ ໄອຍະການລັດສະວິດສົ່ງເຖິງທ່ານ ວິນເຊນ ໂຊລາຣີ່ ທະນາຍຂອງທ່ານ ພລາຕິນີ່.

          ທ່ານ ເຊດຣິກ ເຣມຸນ ຂຽນເຖິງທ່ານ ວິນເຊນ ໂຊລາຣີ່  ດັ່ງນີ້ "ເຮົາຂໍຢືນຢັນວ່າຂະບວນການຄັ້ງນີ້ຈະບໍ່ສືບໄປຍັງລູກຄວາມຂອງເຈົ້າອີກຕໍ່ໄປ".

          "ເຮົາຂໍຢືນຢັນດ້ວຍວ່າ ລູກຄວາມຂອງເຈົ້າຈະບໍ່ຖືກກ່າວຫາໃດໆໃນຂະບວນການຂັ້ນປັດຈຸບັນ".

           ທ່ານ ວິນເຊນ ໂຊລາຣີ່  ໃຫ້ສໍາພາດກັບ ເລີ ມົງ ດ້ວຍວ່າ " ນັ້ນຄືການຢືນຢັນຊໍ້າຄັ້ງທີສອງວ່າ ເຂົາຄືຜູ້ບໍລິສຸດຈະແຈ້ງ ມີຂໍ້ກ່າວຫາເຖິງເຂົາບໍ່ພຽງພໍ".

ຂ່າວທີ່ກ່ຽວຂ້ອງ