ຣິວ ມາດຣິດ ຖະຫຼົ່ມ ລີເວີພູລ ປ້ອງກັນບັນລັງແຊັມປຽນລີກ 3 ສະໄໝຕິດ

271 29 ພ.ພ. 2018 ວົງຈອນກີລາ
ຣິວ ມາດຣິດ ຖະຫຼົ່ມ ລີເວີພູລ ປ້ອງກັນບັນລັງແຊັມປຽນລີກ 3 ສະໄໝຕິດ

        ຣີວ ມາດຣິດ ເອົາຊະນະລີເວີພູລ 3-1 ໃນຮອບຊິງຊະນະເລີດ ຄວ້າແຊັມຢູຟ່າ ແຊັມປຽນລີກ ໄປຄອງ 3 ສະໄໝຕິດຕໍ່ກັນ ແລະ ເປັນສະໄໝທີ 13 ຂອງສະໂມສອນ ເມື່ອຄືນວັນທີ 27 ພຶດສະພາ ທີ່ໂອລິມປິກ ສະເຕດຽມ ເມືອງກີແອຟ ປະເທດອູແກຣນ.

          ຣີວ ມາດຣິດ ໄດ້ປະຕູຂຶ້ນນຳກ່ອນນາທີທີ 51 ຈາກຈັງຫວະທີ່ລໍຣິສ ຄາຣິອຸສ ຜູ້ຮັກສາປະຕູລີເວີພູລແກວ່ງບານພາດໄປເຂົ້າຕີນ ຄາຣິມ ເບນເຊມ່າ ກອງໜ້າ ຣິວ ມາດຣິດ ເຂົ້າປະຕູໄປ ແຕ່ ຊາດິໂອ ມາເນ່ ກອງໜ້າຄວາມໄວສູງຂອງລິເວີພູລ ກໍມາຍິງຕີສະເໝີໃນນາທີທີ 55D

          ຢ່າງໃດກໍຕາມ ແກເຣັດ ເບວ ດາວຍິງທີມຊາດເວລ ທີ່ຖືກປ່ຽນຕົວລົງ ກາຍເປັນວິລະບູລຸດ ຕີລັງກາຍິງກາງອາກາດຢ່າງສຸດສວຍງາມ ນາທີທີ 64 ໃຫ້ຣີວ ມາດຣິດ ນຳ 2-1 ແຕ່ນັ້ນບໍ່ພໍ ຍັງຍິງໄກເຕັມຕີນ ຄາຣິອຸສ ປັດບໍ່ດີ ເລີຍຫຼຸດເຂົ້າປະຕູ ນາທີທີ 83 ແລະ ຈົບເກມດ້ວຍໄຊຊະນະຂອງແຊັມເກົ່າ 3-1 ຄວ້າແຊັມ 3 ສະໄໝຕິດຕໍ່ກັນເປັນທີມທໍາອິດໃນຮອບ 42 ປີ ຫຼັງຈາກທີ່ ບາເຢິນ ມິວນິກ ເປ້ນທີມຫຼ້າສຸດທີ່ເຄີຍເຮັດໄດ້ ລະຫວ່າງປີ 1973-1976.

          ນອກຈາກນັ້ນ ເກມນີ້ ໂມຮໍາເໝັດ ຊາລ່າ ກອງໜ້າຕົວຄວາມຫວັງຂອງລິເວີພູລ ຖືກເຊຄິໂອ ຣາມອສ ກອງຫຼັງ ຣິວ ມາດຣິດ ເຮັດຜິດກະຕິກາຈົນໄດ້ຮັບບາດເຈັບທີ່ແຂນ ແລະ ຕ້ອງປ່ຽນອອກຕັ້ງແຕ່ເຄິ່ງເວລາທໍາອິດ ຈົນຕ້ອງລຸ້ນວ່າຈະສົມບູນທັນໄປແຂ່ງຂັນເຕະບານໂລກ 2018 ກັບທີມຊາດອີຢິບຫຼືບໍ່.

ຂ່າວທີ່ກ່ຽວຂ້ອງ