ຂ່າວຫຼ້າສຸດ

ສື່ເປີດເຜີຍວ່າ ມິລານອາດຖືກລົງໂທດບໍ່ໄດ້ແຂ່ງຢູໂຣປາ

184 28 ພ.ພ. 2018 ວົງຈອນກີລາ
ສື່ເປີດເຜີຍວ່າ ມິລານອາດຖືກລົງໂທດບໍ່ໄດ້ແຂ່ງຢູໂຣປາ

     ເອຊີ ມິລານ ທີມດັງໃນ ກັoໂຊ ເຊເຣຍ ອາ ອາດຖືກລົງໂທດໜັກເຖິງຂັ້ນຫ້າມລົງຫຼິ້ນໃນເຕະບານຢູໂຣປາລີກ ໃນລະດູການໜ້າ ຫຼັງສໍ່ແວວເຮັດຜິດກົດ ຍຸຕິທໍາທາງການເງິນ ຂອງສະຫະພັນເຕະບານເອີຣົບ.

          ເອຂີ ມິລານ ຖືກຢູຟາຈັບຕາຢ່າງໃກ້ຊິດ ແລະ ເອີ້ນເຂົ້າມາລົມຕະຫຼອດໃນໄລຍະທີ່ຜ່ານມາ ເພາະພວກເຂົາມີທ່າອ່ຽງຝ່າຝືນກົດການເງິນ ຫຼັງທຸ່ມເມັດເງິນກ້ອນໃຫຍ່ກວ່າ 200 ລ້ານປອນ ກັບການເສີມທັບນັກເຕະໃນໄລຍະພັກຮ້ອນປີກ່ອນ.

          ຫຼ້າສຸດ ຢູຟາປະຕິເສດຂໍ້ຕົກລົງຈາກ ເອຊີ ມິລານ ທີ່ຂໍປັບໂຄງສ້າງທາງການເງິນໃໝ່ແລ້ວ ພ້ອມທັງສົ່ງເລື່ອງໄປໃຫ້ຄະນະກໍາມະການຝ່າຍພິຈາລະນາວິນິດໄສເລື່ອງນີ້ແລ້ວ.

          ຫາກທີມຂອງ ເຈນນາໂຣ ກັດຕູໂຊ ຖືກຕັດສິນວ່າເຮັດຜິດກົດ ຍຸຕິທໍາທາງການເງິນ ອີຫຼີ ພວກເຂົາມີສິດຖືກລົງໂທດຫ້າມຈາກເຕະບານສະໂມສອນເອີຣົບ ເໝືອນໃນກໍລະນີຂອງ ກາລາຕາຊາຣາຍ ແລະ ພານາທິໄນກອສ ນັ້ນໝາຍຄວາມວ່າ ເອຊີ ມິລານຈະອົດແຂ່ງຂັນເຕະບານ ຢູໂຣປາ ລີກ ໃນລະດູການໜ້າໄປໂດຍປະລິຍາຍ.

ຂ່າວທີ່ກ່ຽວຂ້ອງ