ກຳປູເຈຍ​ຮັບ​ຮູ້ 20 ພັກ​ການເມືອງ ໃນ​ການ​ເຂົ້າ​ຮ່ວມ​ການ​ເລືອກ​ຕັ້ງ​ທົ່ວ​ໄປ

562 25 ພ.ພ. 2018 ຂ່າວຕ່າງປະເທດ
ກຳປູເຈຍ​ຮັບ​ຮູ້ 20 ພັກ​ການເມືອງ ໃນ​ການ​ເຂົ້າ​ຮ່ວມ​ການ​ເລືອກ​ຕັ້ງ​ທົ່ວ​ໄປ

      ຄະນະ​ກຳມະການ​ການ​ເລືອກ​ຕັ້ງ​ແຫ່ງ​ຊາດ​ກຳປູເຈຍ (NEC) ແຈ້ງ​ໃຫ້​ຮູ້ເມື່ອ​ຄ່ຳ​ຄືນ​ຂອງ​ວັນ​ທີ 23 ພຶດສະພາ​ນີ້ ເຖິງ​ການ​ຮັບ​ຮູ້​ຢ່າງ​ເປັນ​ທາງ​ການ ສຳລັບ​ພັກ ຣາ​​ສ​ເມ ເຄ​ມາ​ຣາ (Rasmei Khemara) ທີ່​​ີ​ລົງທະບຽນ​ແຂ່ງຂັນ​ເລືອກ​ຕັ້ງ​ຢູ່​ໃນ 7 ແຂວງ ແລະ ນະຄອນ ແລະ ພັກ​ປະຊາທິປະໄຕ ກຳປູເຈຍ ທີ່​​ີ​ລົງທະບຽນ​ແຂ່ງຂັນ​ເລືອກ​ຕັ້ງ​ຢູ່​ໃນ 11 ແຂວງ ແລະ ນະຄອນ ເຮັດ​ໃຫ້​ຈຳນວນ ພັກ​ການເມືອງ​ທີ່​ຈະ​ເຂົ້າ​ຮ່ວມ​ແຂ່ງຂັນ ໃນ​ການ​ເລືອກ​ຕັ້ງ​ທົ່ວ​ໄປ ຊຶ່ງ​ມີ​ກຳນົດ​ຈັດ​ຂຶ້ນ​ໃນ​ວັນ​ທີ 29 ກໍລະກົດ​ໜ້າ​ນີ້ ຂຶ້ນ​ເປັນ 20 ພັກ​ການເມືອງ.

    ກ່ອນ​ໜ້າ​ນັ້ນ ເມື່ອ​ວັນ​ທີ 14 ພຶດສະພາ​ທີ່​ຜ່ານ​ມາ NEC ໄດ້​ປະກາດ​ບັນຊີ​ລາຍ​ຊື່ 20 ພັກ​ການເມືອງ ທີ່​ລົງທະບຽນ​ເຂົ້າ​ຮ່ວມ​ແຂ່ງຂັນ​ຊີງ​ໄຊ ໃນ​ການ​ເລືອກ​ຕັ້ງ​ສະພາ​ແຫ່ງ​ຊາດ​ຊຸດ​ທີ VI ແຕ່​ວ່າ​ຫາ​ກໍ​ມີ​ພຽງ 4 ພັກ​ການເມືອງ ທີ່​​​ໄດ້​ຮັບ​ການ​ຮັບ​ຮູ້​ຢ່າງ​ເປັນ​ທາງ​ການ​ຈາກ NEC ອັນ​ປະກອບ​ມີ ພັກ​ຊາວ​ໜຸ່ມ​ກຳປູເຈຍ (CYP) ພັກ​ປະຊາຊົນ​ກຳປູເຈຍ (CPP) ທີ່​ເປັນ​ພັກ​ກຳ​ອຳນາດ ຕະຫຼອດ​ຮອດ​ພັກ​ສັນຊາດ​ກຳປູເຈຍ ແລະ ພັກ​ຂະເໝນ​ປອງ​ດອງ​ຊາດ.

    ໃນ​ການ​ເລືອກ​ຕັ້ງ​ສະພາ​ແຫ່ງ​ຊາດ​ຊຸດ​ທີ VI ທີ່​ຈະ​ມີ​ຂຶ້ນ​ຕໍ່ໜ້າ​ນັ້ນ ຊາວ​ກຳປູເຈຍ ຜູ້​ມີ​ສິດ​ເລືອກ​ຕັ້ງ  ຈະ​ປ່ອນ​ບັດ​ເລືອກ​ຕັ້ງ​ສະມາຊິກ​ລັດ​ຖະ​ສະພາ ຈຳນວນ 125 ທ່ານ.

 

ຂ່າວທີ່ກ່ຽວຂ້ອງ