ສື່ເປີດເຜີຍ ແມນຢູໄດ້ ເຟຣັດ ເສີມທັບຄົນທໍາອິດ

194 25 ພ.ພ. 2018 ວົງຈອນກີລາ
ສື່ເປີດເຜີຍ ແມນຢູໄດ້ ເຟຣັດ ເສີມທັບຄົນທໍາອິດ

          ກອງເຊຍບານ ແມນຯ ຢູໄນເຕັດ ກຽມພູມໃຈໄດ້ເລີຍ ຫຼັງສື່ອັງກິດເກືອບທຸກສໍານັກ ຕີແຜ່ຂ່າວ ແມນຯ ຢູໄນເຕັດ ກຽມປິດການຊື້ຂາຍ ຄວ້າ ເຟຣັດ ກອງກາງທີມຊາດບຣາຊິນ ໃນໄວໆນີ້.

          "ແມນເຊສເຕີ ອີຟນິ່ງ ນິວສ໌" ແລະ ສື່ອີກຫຼາຍສະບັບໃນປະເທດອັງກິດ ພ້ອມໃຈກັນລາຍງານຂ່າວເມື່ອວັນພຸດທີ 23 ພຶດສະພາທີ່ຜ່ານມາວ່າ ແມນເຊສເຕີ ຢູໄນເຕັດ ກຳລັງຈະໄດ້ ເຟຣັດ ກອງກາງ ຊັກຕາ ໂດເນັດ ມາເສີມທັບເປັນຄົນທໍາອິດໃນໄລຍະເປິດຕະຫຼາດຊື້ຂາຍນັກເຕະພັກຮ້ອນນີ້.

          ຄາດວ່າ ແມນຯ ຢູໄນເຕັດຈະຮີບປິດການຊື້ຂາຍ ຄວ້າກອງກາງທີມຊາດບຣາຊິນ ໄວ 25 ປີ ໃຫ້ໄດ້ໃນໄລຍະຕົ້ນເດືອນມິຖຸນານີ້ ດ້ວຍຄ່າຕົວ 53 ລ້ານປອນ ເພື່ອທີ່ ໂຈເຊ່ ມູຣິນໂຢ່ ຜູ້ຈັດການຊາວປອກຕຸຍການ ຈະໄດ້ມີເວລາກຽມທີມແຕ່ເນີ່ນໆ ແລະ ບໍ່ຕ້ອງໄປພົບກັບຄວາມວຸ່ນວາຍໃນຕະຫຼາດນັກເຕະທີ່ປີນີ້ມີເຕະບານໂລກດ້ວຍ.

          ເຟຣັດ ຊຶ່ງມີຊື່ຕິດຢູ່ໃນ 23 ຂຸນພົນທີມຊາດບຣາຊິນ ຊຸດທຳສຶກເຕະບານໂລກ 2018 iອບສຸດທ້າຍທີ່ປະເທດຣັດເຊຍ ຈະເດີນທາງມາອັງກິດໃນອາທິດໜ້າ ເພື່ອລົງເຕະເກມອຸ່ນເຄື່ອງກັບ ໂຄຣເອເຊຍ ທີ່ສະໜາມ ແອນຟິວ ຂອງສະໂມສອນ ລິເວີພູນ ແລະ ເຊື່ອວ່າ ແມນຯ ຢູໄນເຕັດ ຈະປິດການຊື້ຂາຍໃຫ້ໄດ້ໃນໄລຍະນັ້ນເລີຍ.

          ທັ້ງນີ້ ແມນຯ ຢູໄນເຕັດ ຕ້ອງການກອງກາງຄົນໃໝ່ມາເສີມທັບໃນລະດູການໜ້າ ເນື່ອງຈາກ ໄມເຄິ່ນ ຄາຣິກ ແຂວນເກີບໄປແລ້ວ ຂະນະທີ່ ມາຣູຢານ ເຟວໄລນີ່ ກອງກາງທີມຊາດແບນຊິກ ກໍສໍ່ແວວອຳລາຖິ່ນ ໂອລ ແທຣັບຟອດ ຫຼັງມີຫຼາຍສະໂມສອນໃນເອີຣົບໃຫ້ຄວາມສົນໃຈ.

ຂ່າວທີ່ກ່ຽວຂ້ອງ