ຂ່າວຫຼ້າສຸດ

ລາຄາບັດຄູ່ຊິງແຊັມປຽນ ລີກ ພຸ່ງສູງຂຶ້ນຫຼາຍກວ່າ 20 ເທົ່າ

221 24 ພ.ພ. 2018 ວົງຈອນກີລາ
ລາຄາບັດຄູ່ຊິງແຊັມປຽນ ລີກ ພຸ່ງສູງຂຶ້ນຫຼາຍກວ່າ 20 ເທົ່າ

          ສຳນັກຂ່າວ BBC ລາຍງານວ່າ ຄ່າຕົວຄູ່ຊິງເຕະບານຢູຟ່າ ແຊັມປຽນ ລີກ ຮອບຊິງຊະນະເລີດ ລະຫວ່າງທີມ ຣິວ ມາດຣິດ ທີມຍິ່ງໃຫຍ່ຈາກລາ ລີກາ ແອັດສະປາຍ ພົບກັບທີມ ລິເວີພູນ ທີມດັງຈາກພຣີເມຍລີກ ອັງກິດ ທີ່ປະເທດອູແກຣນ ໃນວັນທີ 26 ພຶດສະພານີ້ ພຸ່ງທະຍານສູງຂຶ້ນຫຼາຍກວ່າ 20 ເທົ່າ ຈາກລາຄາເລີ່ມຕົ້ນ.

          ລາຍງານລະບຸວ່າ ເດິມທີ ບັດເຂົ້າຊົມເກມນັດດັ່ງກ່າວ ຖືກຈຳໜ່າຍທາງເວັບໄຊທາງການ ໃນລາຄາ 394 ປອນ  ແລະ ຫາກຊື້ 2 ໃບຈະໄດ້ລາຄາໃບລະ 280 ປອນ ແຕ່ຫຼ້າສຸດ ມີການເປິດເຜີຍວ່າ ບັດນັດຊິງເຕະບານຊີງຂັນໃຫຍ່ຂອງເອີຣົບລະດູການນີ້ ຖືກຈຳໜ່າຍໃນລາຄາແພງທີ່ສຸດທີ່ 14.723 ປອນ ໃນເວັບໄຊຣີເຊລຕົວ.

          ໂດຍ ນີວ ແອດຄິນສັນ ໜຶ່ງໃນກອງເຊຍທີມລີເວີພູນ ຊຶ່ງເປັນຜູ້ຈັດວິທະຍຸອອນລາຍສະແດງຄວາມເຫັນເລື່ອງນີ້ວ່າ “ມີຄົນຫຼວງ ຫຼາຍທີ່ບໍ່ໄດ້ເຊຍທັງລິເວີພູນ ແລະ ຣິວ ມາດຣິດ ໄປຊື້ຕັບັດເຂົ້າຊົມເກມນັດນີ້ ເພື່ອຫາໂອກາດໃນການຂາຍຕໍ່ ເພື່ອກອບໂກຍເງິນ”.

          ສຳລັບສະໜາມໂອລິມປິກ ສະເຕດຽມ ໃນເມືອງຄຽຟ ຊຶ່ງຈະເປັນສັງວຽນແຂ່ງຮອບຊິງຊະນະເລີດໃນປີນີ້ ມີຄວາມຈຸທັງໝົດ 63D000 ທີ່ນັ່ງ ຊຶ່ງກ່ອນໜ້ານີ້ ລິເວີພູນທີ່ໄດ້ໂຄວຕາບັດ 16.626 ໃບໄດ້ຖືກຈຳໜ່າຢໄປໝົດແລ້ວ.

ຂ່າວທີ່ກ່ຽວຂ້ອງ