ຂ່າວຫຼ້າສຸດ

ຣັດເຊຍ ກຽມຕິດອຸປະກອນລົບກວນ ໂດຣນ

249 24 ພ.ພ. 2018 ວົງຈອນກີລາ
ຣັດເຊຍ ກຽມຕິດອຸປະກອນລົບກວນ ໂດຣນ

          ຣັເຊ ໃນຖານະເຈົ້າພາບເຕະບານໂລກທີ່ກຳລັງຈະເກີດຂຶ້ນໃນເດືອນໜ້າ ໄດ້ວາງມາດຕະການຮັບມືກັບເຮືອບິນຮ້ຄົນຂັບ ຫຼື 'ໂດຣນ' ເອົາໄວ້ແລ້ວ ເພື່ອຄວາມປອດໄພຂອງທຸກຝ່າຍ.

          ຕາມລາຍງານຂອງສື່ໃນຣັດເຊຍຢ່າງ ອາຣ໌ບີເຄ ລະບຸວ່າ ທ່ານ ວາເລຣີ່ ກູຣາສຊີມອຟ ຫົວໜ້າໜ່ວຍຄຸ້ມຄອງອາວຸດຂອງຣັດເຊຍ ໄດ້ສັ່ງການຕັ້ງແຕ່ເດືອນກຸມພາທີ່ຜ່ານມາ ໃຫ້ຜູ້ໃຕ້ບັງຄັບບັນຊາຕິດຕັ້ງເສົາວິທະຍຸຮອບໆ 12 ສະໜາມເພື່ອລົບກວນສັນຍາການບັງຄັບ ໂດຣນ ຊຶ່ງອາດຈະສົ່ງຜົນເສຍຫາຍຕໍ່ການເປັນເຈົ້າພາບຂອງພວກເຂົາ.

          ນອກຈາກນີ້   ຍັງໄດ້ອອກກົດໝາຍຫ້າມບໍ່ໃຫ້ເຮືອບິນໄຮ້ຄົນຂັບ   ຂຶ້ນບິນເໜືອໂຮງແຮມທີ່ພັກນັກເຕະ  ລວມໄປເຖິງສະໜາມຊ້ອມຂອງບັນດາ 32 ຊາດທີ່ຮ່ວມລົງຊິງໄຊໃນຮອບສຸດທ້າຍ.

          ຖືເປັນເລື່ອງທີ່ບັນດາສື່ທົ່ວໂລກຕິດຕາມຢ່າງໃກ້ຊິດ ເນື່ອງຈາກຣັດເຊຍມີບັນຫາຜູ້ກໍ່ການຮ້າຍມາໂດຍຕະຫຼອດ ແລະ ມີການຂົ່ມຂູ່ມາຈາກກຸ່ມ ໄອເອສ ຕະຫຼອດວ່າອາດຈະມີການປັ່ນປ່ວນເຕະບານໂລກຄັ້ງນີ້.

ຂ່າວທີ່ກ່ຽວຂ້ອງ