ຂ່າວຫຼ້າສຸດ

PSG ເປິດຕົວ ທູເຄິນ ແມ່ທັບຄົນໃໝ່ຢ່າງເປັນທາງການ

174 24 ພ.ພ. 2018 ວົງຈອນກີລາ
PSG ເປິດຕົວ ທູເຄິນ ແມ່ທັບຄົນໃໝ່ຢ່າງເປັນທາງການ

          ສະໂມສອນ ປາຣີສ ແຊງ-ແຊກແມງ (PSG) ໄດ້ແນະນຳ ໂທມັສ ທູເຄິ່ນ ຜູ້ຈັດການຄົນໃໝ່ຕໍ່ສື່ມວນຊົນຢ່າງເປັນທາງການແລ້ວ ເມື່ອວັນອາທິດທີ 20 ພຶດສະພາຜ່ານມານີ້.

          ເມື່ອວັນຈັນທີ 14 ພຶດສະພາທີ່ຜ່ານມາ ປາຣີສ ແຊງ-ແຊກແມງ ໄດ້ເຊັນສັນຍາ 2 ປີ ກັບ ໂທມັສ ທູເຄິ່ນ ອະດີດຜູ້ຈັດການທີມໂບຣຸສເຊຍ ດອດມຸນ ໄວ 44 ປີ ທີ່ຈະຄຸມທີມສູ້ເສິກຕ່າງໆໃນລະດູການໜ້າ.

          ທູເຄິ່ນ ຈະເຂົ້າມາຄຸມທີມຕໍ່ຈາກ ອູໄນ ເອເມຣີ່ ຜູ້ຈັດການຊາວແອັດສະປາຍໄວ 46 ປີ ທີ່ອອກມາແຈ້ງຂ່າວຕັ້ງແຕ່ເມື່ອວັນສຸກທີ່ 27 ເມສາຜ່ານມາວ່າ ເຂົາຈະອອກຈາກສະໂມສອນ ເມື່ອຈົບລະດູການນີ້ ຫຼັງຈາກເຂົ້າມາຄຸມທີມເມື່ອວັນທີ 28 ມິຖຸນາ 2016D

          ເອເມຣີ່ ຄຸມທີມ PSG ນັດສຸດທ້າຍ ດ້ວຍເກມສະເໝີທີ່ ກັອງ 0-0 ເມື່ອຄືນວັນເສົາທີ 19 ພຶດສະພາ ຊຶ່ງລະດູການນີ້ ເຂົານຳທີມຄວ້າທຸກແຊັມຂອງຝຣັ່ງໄດ້ຄົບທັງ 4 ແຊັມ ບໍ່ວ່າຈະເປັນ ແຊັມລີກ ອອງ, ແຊັມເຟຣນຊ໌ ຄັບ, ແຊັມເຟຣນຊ໌ ລີກ ຄັບ, ແຊັມໂທຣເຟ່ ເດ ຊັອງປິຢົງ.

          ສຳລັບຜົນງານຂອງ ທູເຄິ່ນ ທີ່ໂດດເດັ່ນສຸດໆ ຄື ການຄຸມທີມດອດມຸນ ລະຫວ່າງປີ 2015 - 2017 ແລະ ນຳສະໂມສອນຄວ້າແຊັມ ເດເອຟເບ ໂພຄານ 2017, ຮອງແຊັມ ບຸນເດສລີກາ 2016, ຮອງແຊັມ ເດເອຟເບ ໂພຄານ 2016 ແລະ ຮອງແຊັມ ເດເອຟແອວ-ຊູເປີຄັບ 2016.

ຂ່າວທີ່ກ່ຽວຂ້ອງ