ນະຄອນຫຼວງຄົ້ນຄວ້າ ແລະ ພິຈາລະນາຫຼາຍບັນຫາພົ້ນເດັ່ນ

213 23 ພ.ພ. 2018 ຂ່າວໜ້າ​ໜຶ່ງ
ນະຄອນຫຼວງຄົ້ນຄວ້າ ແລະ ພິຈາລະນາຫຼາຍບັນຫາພົ້ນເດັ່ນ

ກອງ​ປະຊຸມ​ອົງການ​ປົກຄອງ​ນະຄອນຫຼວງ​ວຽງ​ຈັນ (ນວ) ຄັ້ງ​ທີ 18 ໄດ້​ຈັດ​ຂຶ້ນ​ວັນ​ທີ 22-24 ພຶດສະພາ 2018 ທີ່​ຫ້ອງ​ວ່າການ ນວ ເປັນ​ປະທານ​ຂອງ​ທ່ານ ສິນ​ລະ​ວົງ ຄຸດ​ໄພທູນ ເຈົ້າ​ຄອງ​ນະຄອນຫຼວງ​ວຽງ​ຈັນ ບັນດາ​ທ່ານ​ຮອງ​ເຈົ້າ​ຄອງ ຫົວໜ້າ​ພະແນກການ ແລະ ພະນັກງານ​ທີ່​ກ່ຽວຂ້ອງ​ເຂົ້າ​ຮ່ວມ.

ກອງ​ປະຊຸມ​ໄດ້​ຮັບ​ຟັງ ແລະ ໃຫ້​ທິດ​ຊີ້​ນຳ​ກ່ຽວ​ກັບ​ສະພາບ​ການຈັດຕັ້ງ​ປະຕິບັດ ​ວຽກ​ງານ​ພົ້ນ​ເດັ່ນ​ປະຈຳ​ເດືອນ​ພຶດສະພາ ແລະ ​ທິດ​ທາງ​ແຜນການ​ປະຈຳ​ເດືອນ​ມິຖຸນາ 2018 ສະເໜີ​ໂດຍ​ທ່ານ​ຫົວໜ້າ​ຫ້ອງ​ວ່າການ ນວ ຮັບ​ຟັງ​ສະພາບ​ການຈັດຕັ້ງ​ປະຕິບັດ​ບາງ​ຕົວ​ເລກ​ຄາດໝາຍ​ ແຜນ​ພັດທະນາ​ເສດຖະກິດ-ສັງຄົມ ແລະ ແຜນ​ງົບປະມານປະຈຳ​ເດືອນ​ພຶດສະພາ ແລະ ທິດ​ທາງ​ແຜນການເດືອນ​ມິຖຸນາ 2018 ສະເໜີ​ໂດຍທ່ານ​ຫົວໜ້າ​ພະ​ແນກ​ແຜນການ ແລະ ການ​ລົງທຶນ ແລະ ທ່ານ​ຫົວໜ້າ​ພະແນກການ​ເງິນ ນວ ຮັບ​ຟັງ​ລາຍ​ງານ​ການຈັດຕັ້ງ​ປະຕິບັດ​ຄຳ​ສັ່ງ​ເລກ​ທີ 15/​ນຍ ປະຈຳ​ປີ 2018 ສະເໜີ​ໂດຍ​ທ່ານ​ຫົວໜ້າ​ພະ​ແນກ​ອຸດສາຫະກຳ ແລະ ການ​ຄ້າ ແລະ ທ່ານ​ຫົວໜ້າ​ພະ​ແນກ​ກະສິກຳ ແລະ ປ່າໄມ້ ນວ ຮັບ​ຟັງ​ລາຍ​ງານ​ການຈັດຕັ້ງ​ປະຕິບັດ​ວຽກ​ງານ ແລະ ທິດ​ທາງ​ແຜນການປີ 2018 ຂອງ​ພະ​ແນກ​ກະສິກຳ ແລະ ປ່າໄມ້ ນວ ລາຍ​ງານ​ກ່ຽວ​ກັບ​ແຜນການ​ປູກ​ໄມ້​ແຫ່ງ​ຊາດ ວັນ​ທີ 1 ມິຖຸນາ 2018 ສະເໜີ​ໂດຍ​ທ່ານ​ຫົວໜ້າ​ພະ​ແນກ​ກະສິກຳ ແລະ ປ່າໄມ້ ນວ ພິຈາລະນາ​ກ່ຽວ​ກັບ​ຮ່າງ​ຂໍ້​ຕົກລົງ​ວ່າ​ດ້ວຍ​ມາດ​ຕະການ​ຫຼຸດຜ່ອນ​ອຸບັດ​ຕິ​ເຫດ ແລະ ຮັກສາຄວາມ​ປອດ​ໄພ​ຕາມ​ຖະໜົນ​ທົ່ວ ນວ ສະເໜີ​ໂດຍ​ທ່ານ​ຫົວໜ້າ​ພະ​ແນກ​ຕຳຫຼວດ​ຈະລາຈອນ ນວ ພິຈາລະນາ​ກ່ຽວ​ກັບ​ຜົນ​ການ​ຈັດຕັ້ງ​ປະຕິບັດ ​ການ​ຫັນ​ດິນ​ຕະຫຼາດ​ທາດຫຼວງ​ໃຫ້​ບໍລິສັດ ຈິດ​ຈະເລີນ​ກໍ່ສ້າງ ຜ່ານ​ຮ່າງ​ບົດ​ສະຫຼຸບ​ຜົນ​ການ​ກວດກາ​ຕາມ​ຜົນ​ການ​ກວດ​ສອບ​ກ່ຽວ​ກັບ​ການ​ໃຫ້​ສຳ​ປະທານ ແລະ ການ​ຫັນ​ສິດ​ນຳ​ໃຊ້​ທີ່​ດິນ​ຕະຫຼາດ​ທາດຫຼວງ​ຂອງ​ໂຄງການ ກໍ່ສ້າງ​ສູນ​ການ​ຄ້າ​ຫ້ອງການ-ຫ້ອງ​ພັກ ແລະ ສະຖານທີ່​ຈອດ​ລົດ​ທັນ​ສະໄໝ​ຢູ່​ບ້ານ​ທາດຫຼວງ​ໃຕ້ ເມືອງ​ໄຊ​ເຊດ​ຖາ ນວ ສະເໜີ​ໂດຍທ່ານ​ຫົວໜ້າ​ພະແນກການ​ເງິນ ທ່ານ​ຫົວໜ້າ​ພະ​ແນກ​ແຜນການ ແລະ ການ​ລົງທຶນ ທ່ານ​ຫົວໜ້າ​ພະ​ແນກຊັບພະຍາກອນ​ທຳ​ມະ​ຊາດ ແລະ ສິ່ງແວດລ້ອມ ທ່ານ​ຫົວໜ້າ​ພະ​ແນກ ​ຍທຂ ທ່ານ​ເຈົ້າເມືອງ​ໄຊ​ເຊດ​ຖາ ແລະ ທ່ານຫົວໜ້າ​ຫ້ອງການ​ຄຸ້ມ​ຄອງ​ຊັບ​ສິນ​ຂອງ​ລັດ ນວ ພິຈາລະນາ​ກ່ຽວ​ກັບ​ແຜນ​ງົບປະມານ​ຮັບ​ໃຊ້​ການ​ເຂົ້າ​ຮ່ວມ​ແຂ່ງຂັນ​ກີລາ ໃນ​ງານ​ມະ​ຫະ​ກຳ​ແຫ່ງ​ຊາດ ຄັ້ງ​ທີ 11 ທີ່​ແຂວງ​ຊຽງ​ຂວາງ​ເປັນ​ເຈົ້າພາບ ສະເໜີ​ໂດຍ​ທ່ານ​ຫົວໜ້າ​ພະ​ແນກ​ສຶກ​ສາ​ທິ​ການ ແລະ ກີລາ ນວ ຮັບ​ຟັງ​ລາຍ​ງານ​ກ່ຽວ​ກັບ​ຜົນ​ການຈັດຕັ້ງ​ປະຕິບັດ ​ໂຄງການ​ທາງ​ດ່ວນ​ຄູ່​ຂະໜານ ຖະໜົນ​ໄກສອນ ພົມວິຫານ ແຕ່​ບຶງ​ທາດຫຼວງຫາ​ດົງ​ໝາກຄາຍ ສະເໜີ​ໂດຍ​ທ່ານ​ຫົວໜ້າ​ຄະນະ​ຮັບຜິດຊອບ​ໂຄງການ​ດັ່ງກ່າວ ພິຈາລະນາ​ກ່ຽວ​ກັບ​ແຜນ​ພັດທະນາ​ການທ່ອງທ່ຽວ​ລຳ​ແມ່ນ້ຳ​ງື່ມ-ເວີນ​ແທ່ນ ເມືອງ​ໄຊ​ທານີ ແລະ ພິຈາລະນາ​ກ່ຽວ​ກັບ​ການ​ສະເໜີ​ຂໍອະນຸຍາດ​ສືບຕໍ່​ດຳເນີນ​ທຸລະ​ກິດ​ປະຈຳ​ປີ 2018 ຂອງ​ຫ້ອງ​ບັນເທີງ​ໂກສ​ຕາຣ (ໂຮງແຮມ​ດາວ​ຄຳ) ສະເໜີ​ໂດຍທ່ານ​ຫົວໜ້າ​ພະ​ແນກ ຖວທ ນວ ແລະ ພິຈາລະນາ​ກ່ຽວ​ກັບ​ຂໍ້​ຂັດ​ແຍ່ງ​ທີ່​ດິນລະຫວ່າງນາງ ໂຮມ​ມະນີ ກັບທ້າວ ວັນ​ເຮືອງ ຢູ່​ບ້ານ​ຮ່ອງ​ຄ້າ ເມືອງ​ຈັນທະ​ບູ​ລີ ສະເໜີ​ໂດຍ​ຄະນະ​ກຳມະການ​ແກ້​ໄຂ​ຂໍ້​ຂັດ​ແຍ່ງ​ທີ່​ດິນ.

ຂ່າວທີ່ກ່ຽວຂ້ອງ