ເຊວຊີ ທຸ່ມງົບມະຫາສານດຶງ ເລວານດອຟສະກີ ເພື່ອຈູງໃຈ ອາຊາ ຢູ່ຕໍ່

244 23 ພ.ພ. 2018 ວົງຈອນກີລາ
ເຊວຊີ ທຸ່ມງົບມະຫາສານດຶງ ເລວານດອຟສະກີ ເພື່ອຈູງໃຈ ອາຊາ ຢູ່ຕໍ່

ເລື່ອງຜູ້ຈັດການເອົາໄວ້ນໍາຫຼັງ ທ່ານ ໂຣມັນ ອະບຣາໂມວິຊ ປະທານສະໂມສອນເຊວຊີ ຫວັງຖ່ວງດຶງ ເອແດັນ ອາຊາ ບໍ່ໃຫ້ໜີໄປໃສ ດ້ວຍການຍອມທຸ່ມ 100 ລ້ານປອນ ໄຂວ່ຄວ້າ ໂຣເບິດ ເລວານດອຟສະກີ ເພັດຊະຄາດຈາກບາເຢິນ ມິວນິກ.

          ກອງໜ້າທີມຊາດໂປໂລຍ ຄ້າຝີຕີນເທິງເວທີບຸນເດສລີກາມານານ 8 ລະ ດູການແລ້ວ ຈົນປະສົບຄວາມສຳເລັດຢ່າງຫຼວງຫຼາຍ ກວາດແຊັມມາໝົດແລ້ວທ່າມກາງກະແສທີ່ວ່າເຂົາຮູ້ສຶກອີ່ມຕົວ ຢາກຫາຄວາມທ້າທາຍໃໝ່ໆໃນຕ່າງແດນ

          ຂະນະທີ່ກ່ອນໜ້ານີ້ ຣິວ ມາດຣິດ ທີມຍິ່ງໃຫຍ່ແຫ່ງລາລີກາ ໄດ້ສະແດງຄວາມສົນໃຈ ເລວານດອຟສະກີ ໄປສຽບແທນທີ່ ຄາຣິມ ເບນເຊມ່າ ແຕ່ຕ້ອງຍົກເລີກແຜນດັ່ງກ່າວ ເນື່ອງຈາກ ຊີເນີດີນ ຊີດານ ຜູ້ຈັດການຊາວຝຣັ່ງຄັດຄ້ານບໍ່ເຫັນດີດ້ວຍ.

          ຫຼ້າສຸດ "ເມໂທຣ" ສຳນັກຂ່າວຊື່ດັງແຫ່ງເກາະອັງກິດ ລະບຸແຈ້ງວ່າ ທ່ານ ໂຣມັນ ອະບຣາໂມວິຊ ເຈົ້າຂອງທີມເຊວຊີ ສົບໂອກາດເໝາະ ພ້ອມເບີກເງິນຈາກຄັງສະໂມສອນ 100 ລ້ານປອນ ລໍ້ຕາລໍ້ໃຈ ບາເຢິນ ຍອມປ່ອຍອະດີດກອງໜ້າໂບຣຸສເຊຍ ດອດມຸນ ແຕ່ໂດຍດີ.

          ສາເຫດສຳຄັນທີ່ເຮັດໃຫ້ປະທານສະໂມສອນເຊວຊີຍອມລົງທຶນເປັນຮ້ອຍໆລ້ານເພື່ອ ເລວານດອຟສະກີ ເນື່ອງຈາກຕ້ອງການຈູງໃຈ ອາຊາ ນັກເຕະໝາຍເລກ 1 ສະໝັກໃຈປັກຫຼັກຢູ່ໃນຖິ່ນສະແຕມຟອດ ບຣິດ ຕໍ່ໄປ ເຖິງແມ່ນຍັງບໍ່ຮູ້ວ່າຜູ້ຈັດການຄົນໃໝ່ຍັງເປັນ ອັນໂຕນິໂອ ຄອນເຕ ຄົນເດິມຫຼືບໍ່.

ຂ່າວທີ່ກ່ຽວຂ້ອງ