ສື່ອັງກິດ ເປີດເຜີຍວ່າ ອາເຊນ່ອນ ກຽມຕັ້ງ ເອເມຣີ່ ຄຸມທີມ

152 23 ພ.ພ. 2018 ວົງຈອນກີລາ
ສື່ອັງກິດ ເປີດເຜີຍວ່າ ອາເຊນ່ອນ ກຽມຕັ້ງ ເອເມຣີ່ ຄຸມທີມ

          ສຳນັກຂ່າວ BBC ແຫ່ງອັງກິດ ກະຈາຍຂ່າວວ່າ ສະໂມສອນອາເຊນ່ອນກຽມແຕ່ງຕັ້ງ ອູໄນ ເອເມຣີ່ ຜູ້ຈັດການທີ່ຫາກໍຖືກ ປາຣີສ ແຊງ-ແຊກແມງ ປົດອອກຈາກຕໍາແໜ່ງ ເຂົ້າມາຄຸມທີມຕໍ່ຈາກ ອາແຊນ ເວນເກີ ແລ້ວ ຫຼັງຜູ້ກ່ຽວເດິນທາງໄປລົມກັບຫົວໜ້າບໍລິຫານຂອງອາເຊນ່ອນໃນວັນຈັນ ຕາມລາຍງານຂ່າວຈາກອັງກິດ.

          ຫຼັງຈາກທີ່ມີຂ່າວມາກ່ອນໜ້າວ່າ ມິເກວ ອາເຕຕາ ອະດີດນັກເຕະເອຟເວີຕັນ ແລະ ອາເຊນ່ອນ ຊຶ່ງເປັນຜູ້ຊ່ວຍຂອງ ເປ໊ບ ກວາດິໂອລ່າ ທີ່ແມນຯ ຊິຕີ ເປັນໜຶ່ງໃນຕົວເກງທີ່ຫົວໜ້າບໍລິຫານສະໂມສອນອາເຊນ່ອນ ຄັດສັນໃຫ້ມາແທນທີ່ ອາແຊນ ເວນເກີ ຫຼ້າສຸດສື່ອັງກິດ ແລະ ຝຣັ່ງ ຕ່າງກໍລາຍງານວ່າ ຫວຍໜ້າຈະອອກທີ່ ອູໄນ ເອເມຣີ່ ຊຶ່ງຫາກໍແຍກທາງກັບ ປາຣີສ ແຊງ-ແຊກແມງ ຫຼັງຈົບພາລະກິດໃນລະດູການ 2017-18 ເມື່ອວັນເສົາເສຍແລ້ວ ໂດຍຈະມີການປະກາດຂ່າວຢ່າງເປັນທາງການພາຍໃນອາທິດນີ້.

          ກ່ອນໜ້ານີ້ ເອເມຣີ່ ຊຶ່ງມີຂ່າວວ່າເປັນທີ່ສົນໃຈຂອງເວສແຮມ ແລະ ຫຼາຍສະໂມສອນໃນອິຕາລີກັບແອັດສະປາຍ ໄດ້ໃຫ້ສໍາພາດວ່າເຂົາຂໍຕັດສິນໃຈອະນາຄົດຂອງຕົວເອງປະມານສອງອາທິດ ແລະ ຢາກໄປຄຸມທີມໃນພຣີເມຍ ລີກ ໂດຍສະເພາະທີມທີ່ໄດ້ໄປຫຼິ້ນຊີງຂັນເອີຣົບ ຊຶ່ງເຂົາເຄີຍພາເຊບີຢ່າຄວ້າຂັນຢູໂຣປາ ລີກ 3 ປີຕິດ ໃນໄລຍະປີ 2014-16 ມາແລ້ວ.

ຂ່າວທີ່ກ່ຽວຂ້ອງ