ຂ່າວຫຼ້າສຸດ

ແມນຢູ ກຽມເສີມທີມ 250 ລປ. ໄລຍະພັກຮ້ອນນີ້

173 23 ພ.ພ. 2018 ວົງຈອນກີລາ
ແມນຢູ ກຽມເສີມທີມ 250 ລປ. ໄລຍະພັກຮ້ອນນີ້

ແມນເຊສເຕີ ຢູໄນເຕັດ ສະໂມສອນຍິ່ງໃຫຍ່ແຫ່ງເວທີພຣີເມຍລີກ ຕົກເປັນຂ່າວວ່າວາງແຜນປັບປ່ຽນທີມຄັ້ງໃຫຍ່ດ້ວຍການທຸ່ມເງິນຈຳນວນ 250 ລ້ານປອນເພື່ອເສີມທັບໃນໄລຍະເປິດຕະຫຼາດຊື້-ຂາຍນັກເຕະພັກຮ້ອນນີ້ ຈາກການລາຍງານຂອງ "ເດລີ່ ມິເຣີ" ສື່ຊື່ດັງຂອງເກາະອັງກິດ ເມື່ອວັນຈັນທີ 21 ພຶດສະພາທີ່ຜ່ານມາ.

          ມູຣິນໂຢ່ ຍັງໄດ້ຮັບການໜູນຫຼັງຈາກຫົວໜ້າບໍລິຫານຂອງ ແມນຯ ຢູໄນເຕັດ ຢູ່ໃນຕອນນີ້ ແລະ ຫຼ້າສຸດ ມີລາຍງານຈາກ "ເດລີ່ ມິເຣີ" ວ່າ ເຂົາຫວັງທີ່ຈະຄວ້າແຊັມພຣີເມຍລີກໃຫ້ໄດ້ໃນລະດູການ 2018-2019 ຫຼືຢ່າງໜ້ອຍກໍບຽດລຸ້ນແຊັມກັບັນດາທີມຫົວຕາຕະ ລາງ.

          "ເດລີ່ ມິເຣີ" ຍັງກ່າວອ້າງອີກວ່າ ມູຣິນໂຢ່ຕ້ອງການດຶງຕົວນັກເຕະຕົວໃໝ່ 5 ຄົນ ມາທົດແທນ ດາເລ່ ບລິນ, ມັຕເຕໂອ ດາມຽນ, ລຸກ ຊໍ, ອັອງໂຕນີ່ ມາກຊິຢາວ ແລະ ມາຣູຢານ ເຟວໄລນີ່ ທີ່ແຫຼ່ງຂ່າວຂອງ "ESPN" ສື່ຊື່ດັງລະດັບໂລກ ລາຍງານວ່າໄດ້ຮັບຂໍ້ສະເໜີເປັນສັນຍາໄລຍະເວລາ 3 ປີ ຈາກ ເອຊີ ມິລານ ຍອດທີມແຫ່ງອິຕາລີ.

          ທັ້ງນີ້ ອະເລັກ ຊານໂດຣ (ຢູເວນຕຸສ) ແລະ ໂທບີ ອັນເດີໄວເຣວ (ທັອຕແນ່ມ ຮັອດສະເປີ) ຕ່າງກໍຢູ່ໃນບັນຊີລາຢຊື່ທີ່ ມູຣິນໂຢ່ ເລັງຄວ້າຕົວມາຮ່ວມທີມ ຂະນະທີ່ ແກເຣັດ ເບວ (ຣິວ ມາດຣິດ), ເຟຣັດ (ຊັກຕາ ໂດເນັດ), ຈໍຈິນໂຢ່ (ນາໂປລີ) ແລະ ຊັອງ ມິເຊວ ເຊຣີ (ນີຊ) ກັບນັກເຕະອີກ 4 ເປົ້າໝາຍຂອງຜູ້ຈັດການຈອມໂອຫັງຕັ້ງເປົ້າຄວ້າຕົວດ້ວຍເຊັ່ນກັນ.

ຂ່າວທີ່ກ່ຽວຂ້ອງ