ຈະປະກາດສ້າງຕັ້ງນະຄອນປາກເຊ ໃນທ້າຍເດືອນພຶດສະພານີ້

398 18 ພ.ພ. 2018 ຂ່າວໜ້າ​ໜຶ່ງ

ທ່ານ ສຸ​ລິ​ວັນ ສະ​ຫວັດ​ທະ​ສິນ ເຈົ້າເມືອງ​ປາກ​ເຊ ໄດ້​ໃຫ້​ຮູ້ເມື່ອ​ບໍ່​ດົນ​ນີ້​ວ່າ: ປັດຈຸບັນ​ໄດ້​ມີ​ການ​ຫ້າງ​ຫາ​ກະກຽມ​ປະກາດ​ເມືອງ​ປາກ​ເຊ ເປັນ​ນະຄອນ​ປາກ​ເຊ ແຂວງ​ຈຳປາ​ສັກ ເຊິ່ງ​ຈະ​ມີ​ຂຶ້ນ​ໃນ​ວັນ​ທີ 31 ພຶດສະພາ 2018 ດັ່ງນັ້ນ ການ​ນຳ​ແຂວງ​ໄດ້​ກຳນົດ​ຫຼາຍ​ກິດຈະກຳ ເພື່ອ​ເປັນ​ການ​ສະເຫຼີມສະຫຼອງ ຄື: ວັນ​ທີ 29 ພຶດສະພາ ຈະ​ມີ​ການ​ຕັ້ງ​ກອງ​ບຸນ​ຂຶ້ນ 3 ກອງ ຕອນ​ແລງ​ມີ​ພິທີ​ສູດ​ມຸງຄຸນ ເຊົ້າ​ວັນ​ທີ 30 ຈະ​ມີ​ພິທີ​ທຳບຸນ​ໃສ່​ບາດ ຖວາຍ​ທານແດ່​ພະສົງ ​ຕາມ​ຮີດຄອງ​ປະເພນີ​ອັນ​ດີງາມ​ຂອງ​ຄົນ​ລາວ​ຊາວ​ພຸດ ​ທີ່​ເຄີຍ​ຈັດ​ຕັ້ງ​ປະຕິບັດ​ສືບ​ທອດ​ກັນ​ມາ​ແດ່​ບູຮານ​ນະ​ການ ເພື່ອ​ອຸທິດ​ບຸນ​ກຸສົນ​ໃຫ້​ແກ່​ບັນພະບຸລຸດ ກໍ່​ຄື ອະດີດ​ການ​ນຳ​ເມືອງ​ປາກ​ເຊ ແຕ່​ລະ​ໄລຍະ​ທີ່​ລ່ວງ​ລັບ​ໄປ​ແລ້ວ​ນັ້ນ ທັງ​ເປັນ​ການ​ຄອບ​ບອກ​ເຈົ້າ​ຖິ່ນ​ເຈົ້າ​ຖານ​ທັງຫຼາຍ ​ໃຫ້​ຮັບ​ຮູ້​ເຖິງ​ການ​ປະກາດ​ສ້າງຕັ້ງ​ເມືອງ​ປາກ​ເຊເປັນ​ນະຄອນ ເພື່ອ​ເດີນ​ໜ້າ​ສ້າງສາ​ພັດທະນາ​ໃຫ້​ມີ​ຄວາມ​ຈະເລີນ​ຮຸ່ງເຮືອງ​ຕໍ່​ໄປ​ພາຍ​ໜ້າ.

ຂ່າວທີ່ກ່ຽວຂ້ອງ