ຂ່າວຫຼ້າສຸດ

ວຽກງານຖະແຫຼງຂ່າວ ຂະຫຍາຍຕົວທັງປະລິມານ-ຄຸນະພາບ

606 16 ກ.ພ. 2018 ຂ່າວໜ້າ​ໜຶ່ງ

ກະຊວງ​ຖະແຫຼງ​ຂ່າວ ວັດ​ທະນະ​ທຳ ແລະ ທ່ອງ​ທ່ຽວ (ຖວທ) ຈັດ​ກອງ​ປະຊຸມ​ວິຊາ​ການ​ໃນ​ຂະແໜງ​ຖະແຫຼງ​ຂ່າວ​ທົ່ວ​ປະເທດ ຂຶ້ນ​ວັນ​ທີ 15 ກຸມພາ 2018 ຢູ່​ສະຖາ​ນີ​ວິທະຍຸ​ກະຈາຍສຽງ​ແຫ່ງຊາດ​ລາວ ໂດຍ​ເປັນ​ປະທານ​ຂອງທ່ານ ສະຫວັນ​ຄອນ ຣາຊ​ມຸນຕີ ຮອງ​ລັດຖະມົນຕີ​ກະຊວງ ຖວທ ມີ​ບັນດາ​ກົມ ພະ​ແນກ ອຳນວຍການ​ສະຖານີ​ໂທລະພາບ ວິທະຍຸ ສື່​ສິ່ງ​ພິມ ພ້ອມ​ດ້ວຍ​ແຂກ​ຖືກ​ເຊີນ ທັງ​ສູນ​ກາງ ແລະ ທ້ອງຖິ່ນ​ເຂົ້າຮ່ວມ.

ທ່ານ ປິ່ນ​ປາຖະໜາ ພັນທະມາລີ ຫົວໜ້າ​ກົມ​ສື່​ມວນ​ຊົນ ກ່າວ​ວ່າ: ປີ 2017 ວຽກ​ງານ​ຖະແຫຼງ​ຂ່າວ​ໄດ້​ຮັບ​ການ​ປັບປຸງ​ຂະຫຍາຍ​ຕົວ​ທັງ​ປະລິມານ ແລະ ຄຸນະພາບ ສາມາດ​ຕອບ​ສະໜອງຂໍ້​ມູນ​ຂ່າວສານ​ໃຫ້​ສັງຄົມ​ໄດ້​ຢ່າງວ່ອງໄວ ແລະ ກວ້າງຂວາງ ເປັນ​ເຄື່ອງ​ມີ​ອັນ​ແຫຼມ​ຄົມ ເປັນກະບອກ​ສຽງ​ຂອງ​ພັກ-ລັດ​ ໃນການ​ໂຄສະນາ​ເຜີຍແຜ່​ແນວທາງ ນະໂຍບາຍ ກົດໝາຍ ລະບຽບການ ຂະ​ບວນ​ການ​ຕ່າງໆ​ຂອງມະຫາຊົນ ວຽກ​ດີ​ຄົນ​ເດັ່ນ ເຫດການ​ສຳຄັນ ຕອບ​ຕ້ານ​ຖ້ອຍ​ທຳນອງ​ຄົນ​ບໍ່​ດີ ແລະ ອິດ​ທິ​ກຳລັງປໍ​ລະ​ປັກ ປັດຈຸບັນ​ທົ່ວ​ປະເທດ​ມີໜັງສືພິມ 29 ສະບັບ (ລາຍ​ວັນ 11 ສະບັບ) ໃນ​ນີ້ຂອງ​ລັດ 28 ສະບັບ ເອກະ​ຊົນ 1 ສະບັບ ໃບຂ່າວ​ລັດ 4 ສະບັບ ວາລະສານ 113 ສະບັບ ໃນ​ນີ້ຂອງ​ລັດ 64 ສະບັບ ເອກະ​ຊົນ 49 ສະບັບ (ມີ 52 ສະບັບ​ມາ​ຕໍ່​ອະນຸຍາດ) ສະຖາ​ນີ​ວິທະຍຸ​ກະຈາຍສຽງ 76 ແຫ່ງ ໃນ​ນີ້ ສູນ​ກາງ 11 ແຫ່ງ ທ້ອງຖິ່ນ 65 ແຫ່ງ (ດຳເນີນການ​ກະຈາຍ 61 ແຫ່ງ) ສະຖານີ ໂທລະພາບ 42 ສະຖານີ ໃນ​ນີ້ ຢູ່ສູນ​ກາງ 10 ສະຖານີ ທ້ອງຖິ່ນ 32 ສະຖານີ (ໃຊ້​ບໍ່​ໄດ້ 12 ສະ​ຖານີ) ນອກ​ນີ້ ວຽກ​ງານ​ແນວ​ຄິດໂຄສະນາ​ຄຸ້ມ​ຄອງ​ການ​ຖະແຫຼງຂ່າວ ແລະ ສື່​ມວນ​ຊົນ ຂ່າວສານ ໜັງ​ສື​ພິມ ແລະ ວາລະສານ ວິທະ​ຍຸ ໂທລະພາບ ການ​ກໍ່ສ້າງພະນັກງານ​ລາຍ​ຮັບ ການ​ພົວພັນກັບ​ຕ່າງປະເທດ ແລະ ວຽກ​ງານສະມາຄົມ​ນັກ​ຂ່າວ​ແຫ່ງ ​ສປປ ລາວ ກໍ່​ໄດ້​ຮັບ​ການ​ຍົກ​ລະດັບ ແລະ ປັບປຸງ​ແກ້​ໄຂ​ດີ​ຂຶ້ນ​ເປັນກ້າວໆ.

ຂ່າວທີ່ກ່ຽວຂ້ອງ