ຂ່າວຫຼ້າສຸດ

ສອງຫົວໜ່ວຍທຸລະກິດ ຮ່ວມມືຂາຍປະກັນໄພຄຸ້ມຄອງສິນເຊື່ອ

432 16 ກ.ພ. 2018 ຂ່າວໜ້າ​ໜຶ່ງ
ສອງຫົວໜ່ວຍທຸລະກິດ ຮ່ວມມືຂາຍປະກັນໄພຄຸ້ມຄອງສິນເຊື່ອ

ພິທີ​ເປີດ​ຂາຍ​ປະກັນ​ໄພ​ຄຸ້ມຄອງ​ສິນ​ເຊື່ອ​ລະຫວ່າງ​ບໍລິສັດ ພົງ​ສະຫວັນ ປະກັນ​ໄພ​ເອ​ພີ​ເອ (ເອ​ພີ​ເອ ປະກັນ​ໄພ) ຈຳກັດ ແລະ ທະນາຄານ​ສົ່ງເສີມ​ກະສິກຳ ໄດ້​ຈັດ​ຂຶ້ນ​ວັນ​ທີ 15 ກຸມພາ 2018 ທີ່​ສຳນັກງານ​ໃຫຍ່​ທະນາຄານສົ່ງເສີມ​ກະສິກຳ ນະຄອນຫຼວງວຽງ​ຈັນ ມີ​ທ່ານ ວຸດ​ທິ ເລື່ອນ​ວິໄລ​ວົງ ຜູ້ອຳນວຍການ​ທະ​ນາຄານ​ສົ່ງເສີມ​ກະສິກຳ ທ່ານ ໄພບູນ ພົງ​ສະຫວັນ ຜູ້​ຖືກ​ຮຸ້ນ​ໃຫຍ່ ບໍລິສັດ ພົງ​ສະຫວັນ​ປະກັນ​ໄພ ເອພີ​ເອ ຈຳກັດ ພ້ອມ​ດ້ວຍ​ຄະນະ​ຜູ້​ບໍລິ​ຫານ ແລະ ພະນັກງານ​ທີ່​ກ່ຽວຂ້ອງ​ທັງ​ສອງ​ຝ່າຍ​ເຂົ້າ​ຮ່ວມ.

ທ່ານ​ນາງ ແສງ​ດາວ ບຸ​ພະກອນ​ຄຳ ປະທານ​ຄະນະ​ບໍລິຫານບໍລິສັດ ພົງ​ສະຫວັນ​ປະກັນ​ໄພ ເອພີ​ເອ ຈຳກັດ ໄດ້​ກ່າວ​ວ່າ: ບົນ​ພື້ນຖານ​ການ​ຮ່ວມ​ມື​ທັງ​ສອງ​ຝ່າຍ ແມ່ນ​ເພື່ອ​ປະກອບສ່ວນ​ໃນ​ການຍົກ​ລະດັບ ແລະ ພັດທະນາ​ເສດຖະ​ກິດ-ສັງຄົມ ພ້ອມ​ທັງ​ປົກ​ປ້ອງບັນດາ​ຄວາມ​ສ່ຽງ ແລະ ຕ້ານ​ປາກົດ​ການ​ຫຍໍ້ທໍ້​ຕ່າງໆ ເພື່ອ​ປະກອບ​ສ່ວນ​ເຮັດ​ໃຫ້​ສັງຄົມ​ມີຄວາມ​ສະຫງົບ ເປັນ​ລະບຽບຮຽບ​ຮ້ອຍ ແລະ ປອດ​ໄພ​ໃນ​ລະດັບ​ອັນ​ແນ່ນອນ ບໍລິສັດ ເອ​ພີ​ເອປະກັນ​ໄພ ​ເປັນ​ໜຶ່ງ​ໃນ​ເຄືອ​ຄ່າຍຂອງ​ກຸ່ມ​ບໍລິສັດ​ພົງ​ສະຫວັນ ​ທີ່​ໄດ້ຮັບ​ໃບ​ອະນຸຍາດ​ລົງທຶນ​ໃນ​ກິດຈະການ​ປະກັນ​ໄພ ​ທັງ​ສອງ​ຮູບ​ແບບປະກອບ​ມີ​ປະກັນ​ໄພ​ທົ່ວ​ໄປ ແລະ ປະກັນ​ໄພ​ຊີວິດ ແລະ ໄດ້​ຮັບ​ໃບອະນຸຍາດ​ດຳເນີນ​ທຸລະ​ກິດ​ປະກັນ​ໄພ​ຢ່າງ​ເປັນ​ທາງ​ການ ​ຈາກກົມ​ຄຸ້ມ​ຄອງ​ວິ​ສາ​ຫະ​ກິດ​ລັດ​ລົງທຶນ ແລະ ການ​ປະກັນ​ໄພ ກະຊວງ​ການ​ເງິນ ໃນ​ວັນ​ທີ 26 ມັງກອນ 2017.

ຂ່າວທີ່ກ່ຽວຂ້ອງ