ນວ ປະເມີນການພົ້ນທຸກ-ການພັດທະນາ

121 ວັນພຸດ ເວລາ 10:41 ຂ່າວໜ້າ​ໜຶ່ງ

ກອງ​ປະຊຸມ​ປຶກສາ​ຫາລື​ຄົ້ນຄວ້າ​ ການ​ກຳນົດ​ຈຸດ​ສຸມ​ພັດ​ທະນາຂອງ​ນະຄອນຫຼວງ​ວຽງ​ຈັນ ແຕ່​ປີ 2016-2020 ຈັດ​ຂຶ້ນ​ວັນ​ທີ 12 ກຸມພາ 2018 ທີ່​ພະ​ແນກ​ກະສິ​ກຳ ແລະ ປ່າໄມ້ ນະຄອນຫຼວງວຽງ​ຈັນ ເປັນ​ປະທານ​ຂອງ​ທ່ານ ຫຼ້າ​ສາຍ ນວນ​ທາ​ສິງ ຫົວໜ້າ​ພະແນກ​ກະສິກຳ ແລະ ປ່າໄມ້​ນະຄອນ​ຫຼວງ​ວຽງ​ຈັນ ມີ​ທ່ານ ວິໄລສານ ພົມ​ມີ​ໄຊ ປະທານ​ກຳມາ​ທິການ​ເສດຖະກິດ ສະພາ​ປະຊາຊົນ ນະຄອນຫຼວງ​ວຽງ​ຈັນ ພ້ອມ​ດ້ວຍບັນດາ​ຮອງ​ເຈົ້າເມືອງ ຫົວໜ້າຫ້ອງການ 9 ຕົວ​ເມືອງ ແລະ ຫົວໜ້າ​ຂະແໜງການ​ອ້ອມ​ຂ້າງ​ພະແນກ​ເຂົ້າ​ຮ່ວມ.

ເພື່ອ​ເປັນ​ການ​ຄົ້ນຄວ້າປຶກສາຫາລື ແລະ ພິຈາລະນາ​ຮັບຮອງເອົາ​ແຜນ​ພັດທະນາ​ຕົວ​ເມືອງ ​ໃນທົ່ວ​ນະຄອນຫຼວງ​ວຽງ​ຈັນ ພ້ອມນັ້ນ ເພື່ອ​ແລກປ່ຽນ​ຄຳ​ຄິດ​ຄຳເຫັນ ແລະ ປຶກສາ​ຫາລື​ກ່ຽວ​ກັບການ​ຊຸກຍູ້​ການ​ຜະລິດ​ພືດ​ລະດູແລ້ງ ນອກ​ນັ້ນຍັງ​ໄດ້​ເຊື່ອມ​ຊຶມຂໍ້​ຕົກລົງ​ເລກ​ທີ 65/​ນຍ ວ່າ​ດ້ວຍການ​ກຳນົດ​ຈຸດ​ສຸມ​ພັດທະນາ​ທີ່ເປັນ​ບຸລິມະສິດ​ໄລຍະ 2016-2020 ແຈ້ງ​ການ​ແນະນຳ​ເລກ​ທີ 96/​ກປ.​ພຊສ ກ່ຽວ​ກັບ​ການ​ກະກຽມ​ຈັດ​ຕັ້ງ​ປະຕິບັດ​ປະ​ເມີນ​ພົ້ນທຸກ​ຕາມ​ລຳດັບເລກ​ທີ 348/​ລບ ວ່າ​ດ້ວຍ​ມາດຕະຖານ​ພົ້ນ​ທຸກ ແລະ ມາດຕະຖານ​ພັດທະນາຜ່ານ​ແຜນ​ພັດທະນາ​ຈຸດ​ສຸມ​ຂອງນະຄອນຫຼວງ​ວຽງ​ຈັນ 2016-2020 ຜ່ານ​ຮ່າງ​ຂໍ້​ຕົກລົງ​ແຕ່ງຕັ້ງ​ຄະນະ​ຮັບຜິດຊອບ​ກວດກາປະ​ເມີນ​ການ​ພົ້ນ​ທຸກ ແລະ ການພັດທະນາ​ຕາມ​ລຳດັບ 348/​ລບ (ເຈົ້າ​ຄອງ​ນະຄອນຫຼວງ​ວຽງ​ຈັນ) ຜ່ານ​ແຜນ​ສ້າງ​ບ້ານ​ພົ້ນ​ທຸກ ແລະ ບ້ານ​ພັດທະນາ ນອກ​ນັ້ນຍັງ​ໄດ້ຜ່ານ​ແຜນ​ປະ​ເມີນ​ຜົນ ເຊິ່ງ​ຜ່ານມາ​ໄດ້​ເອົາໃຈໃສ່​ຜັນ​ຂະຫຍາຍມະຕິ 3 ຂອງ​ກົມ​ການເມືອງ​ສູນກາງ​ພັກ ໂດຍ​ໄດ້​ເອົາໃຈໃສ່​ຄົ້ນຄວ້າ​ເຊື່ອມ​ຊຶມ ຈັດ​ຕັ້ງປະ​ເມີນມາດຕະຖານ​ທຸກ​ຍາກ ແລະ ມາດຖານ​ການ​ພັດທະນາ ຕາມດຳລັດ​ຂອງ​ລັດຖະບານ​ວາງ​ອອກ​ເປັນ​ແຕ່​ລະ​ໄລຍະ ເພື່ອ​ເປັນ​ຂໍ້​ມູນໃນ​ການ​ວາງ​ແຜນ​ແກ້​ໄຂ​ຄອບຄົວ ບ້ານ​ທີ່​ຍັງ​ທຸກ​ຍາກ ເພື່ອ​ໃຫ້ຫຼຸດ​ພົ້ນ​ອອກ​ຈາກ​ຄວາມທຸກຍາກ ໃນ​ປີ 2020 ພ້ອມ​ທັງ​ສ້າງບ້ານ​ໃຫຍ່​ໃຫ້​ກາຍເປັນ​ບ້ານນ້ອຍ​ໃນ​ຊົນນະບົດ ແລະ ຄັ້ງ​ສຸດທ້າຍ​ໄດ້​ຈັດ​ຕັ້ງ​ປະ​ເມີນ​ຕາມ​ດຳລັດ 309 ວັນ​ທີ 27/4/2015 ມີຄອບຄົວ​ທຸກ​ຍາກ​ພຽງ​ແຕ່ 58 ຄອບຄົວ ມາ​ຮອດ​ປັດຈຸບັນ ສາມາດ​ແກ້​ໄຂ​ຄວາມທຸກ​ຍາກໄດ້ 100% ໃນ​ຕົ້ນ​ປີ 2017.

ຂ່າວທີ່ກ່ຽວຂ້ອງ