ຂ່າວຫຼ້າສຸດ

ເຊີນທ່ຽວຊົມງານວາງສະແດງລົດນານາຊາດວຽງຈັນ 2017

124 14 ພ.ຈ. 2017 ຂ່າວໜ້າ​ໜຶ່ງ

ບໍລິສັດ ພີ​ພີ​ໄຊໂຍ​ເອັນ​ເຕີ​ເທັນເມັນ​ແອນ​ອີ​ເວັນ​ອໍ​ກະ​ໄນທ໌ເຊີ້ ຈຳກັດ ຈັດ​ງານ​ວາງສະແດງ​ລົດນານາ​ຊາດ​ວຽງ​ຈັນ 2017 (Vientiane International Motor Expo 2017) ຂຶ້ນ​ວັນ​ທີ 10-18 ພະຈິກ 2017 ຢູ່​ສູນ​ການຄ້າ​ລາວ-ໄອ​ເຕັກ ພາຍ​ໃຕ້​ແນວຄິດ “ການ​ປະຢັດ​ພະລັງງານເພື່ອສິ່ງແວດລ້ອມ” ເຊິ່ງ​ໄດ້​ເຊື້ອ​ເຊີນເອົາ 14 ຄ້າຍ​ລົດ 7 ບໍລິສັດ-ຮ້ານ​ຕົບແຕ່ງ​ລົດ 3 ບໍລິສັດ​ປະກັນ​ໄພ ແລະ 2 ທະນາຄານ​ເຂົ້າຮ່ວມ.

ພິທີ​ເປີດ​ງານ​ວາງສະແດງ​ດັ່ງກ່າວ​ ຈັດ​ຂຶ້ນ​ວັນ​ທີ 10 ພະຈິກ 2017 ມີ​ທ່ານ ທອງ​ສິງ ທຳ​ມະວົງ ອະດີດ​ນາຍົກລັດຖະມົນຕີ ທີ່ປືກ​ສາ​ຄະນະ​ບໍລິຫານ​ງານ​ສູນກາງ​ພັກ ທ່ານ ພັນ​ທອງ ພິດ​ທຸມມາ ຮອງ​ລັດຖະມົນຕີ​ກະຊວງ​ອຸດສາ​ຫະ​ກຳ ແລະ ການ​ຄ້າ ທ່ານນາງ ວິໄລ​ຄຳ ໂພ​ສາ​ລາດ ຮອງລັດຖະມົນຕີກະຊວງ​ໂຍທາ​ທິການ ແລະ ຂົນສົ່ງ ພ້ອມ​ດ້ວຍພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ຈຸດປະສົງ​ງານ​ຄັ້ງ​ນີ້ ເພື່ອ​ສ້າງຜົນ​ປະໂຫຍດ​ທາງ​ດ້ານ​ເສດ​ຖະກິດ ແລະ ສ້າງ​ລາຍ​ຮັບ​ເຂົ້າ​ສູ່​ປະເທດ​ຊຸກຍູ້​ເສດຖະກິດ​ໃຫ້​ມີ​ຄວາມເຂັ້ມແຂງ ເພື່ອ​ສະແດງ​ເຖິງ​ທ່າແຮງ​ດ້ານ​ການ​ປະຢັດ​ພະລັງງານຂອງ​ພາຫະນະ​ໃນ​ປັດຈຸບັນ ເຮັດໃຫ້​ປະຊາຊົນ​ໄດ້​ພົບ​ກັບ​ການ​ນຳສະເໜີ​ນະ​ວັດຕະ​ກຳຍານ​ພາຫະນະ​ທີ່​ທັນ​ສະໄໝ ຮູບຊົງ​ສວຍ​ງາມ ເພື່ອ​ໃຫ້​ບັນດາ​ບໍລິສັດ​ທັງ​ພາຍ​ໃນ ແລະ ຕ່າງປະເທດ ມີ​ໂອກາດ​ນຳສະເໜີ​ສິນຄ້າ ແລະ ການ​ບໍ​ລິການ​ຂອງ​ຕົນ ແນໃສ່​ຂະຫຍາຍການ​ຕະຫຼາດ​ໃຫ້​ກວ້າງຂວາງ ແລະ ສາມາດ​ແຂ່ງຂັນ​ໄດ້ ເຊິ່ງ​ຜູ້ທີ່​ສົນໃຈ​ສາມາດ​ເຂົ້າ​ທ່ຽວ​ຊົມງານ​ດັ່ງກ່າວ​ນີ້​ໄດ້.

ຂ່າວທີ່ກ່ຽວຂ້ອງ