ຂ່າວຫຼ້າສຸດ

ຮັບຮອງເອົາຮ່າງກົດໝາຍວ່າດ້ວຍການກັນ ແລະ ຄວບຄຸມພະຍາດຕິດຕໍ່

740 10 ພ.ຈ. 2017 ຂ່າວໜ້າ​ໜຶ່ງ
ຮັບຮອງເອົາຮ່າງກົດໝາຍວ່າດ້ວຍການກັນ ແລະ ຄວບຄຸມພະຍາດຕິດຕໍ່

ກອງ​ປະຊຸມ​ສະໄໝ​ສາມັນເທື່ອ​ທີ 4 ຂອງ​ສະພາ​ແຫ່ງ​ຊາດ ຊຸດ​ທີ VIII ໃນ​ວັນ​ທີ 9 ພະຈິກ 2017 ຢູ່​ຫ້ອງ​ວ່າການ​ສູນ​ກາງພັກ ໂດຍ​ເປັນ​ປະທານ​ຂອງ​ທ່ານ ສົມ​ພັນ ແພງ​ຄຳ​ມີ ຮອງ​ປະທານສະພາ​ແຫ່ງ​ຊາດ ມີ​ສະມາຊິກ​ສະພາ​ແຫ່ງ​ຊາດ (​ສສຊ) ແລະ ພາກສ່ວນ​ກ່ຽວຂ້ອງ​ເຂົ້າ​ຮ່ວມ.

ທ່ານ ບຸນ​ກອງ ສີ​ຫາ​ວົງ ລັດຖະ​ມົນຕີ​ກະຊວງ​ສາທາລະນະ​ສຸກ ໄດ້​ສະເໜີ​ຮ່າງ​ກົດໝາຍ​ວ່າ​ດ້ວຍການ​ກັນ ແລະ ຄວບ​ຄຸມພະ​ຍາດຕິດຕໍ່ ເຊິ່ງ​ເປັນ​ກົດໝາຍ​ສ້າງ​ຂຶ້ນໃໝ່ ປະກອບ​ມີ X ພາກ 7 ໝວດ 83 ມາດຕາ ໃນ​ນີ້ ໄດ້​ກຳນົດ​ຫຼັກການລະບຽບ​ການ ແລະ ມາດຕະການ​ກ່ຽວ​ກັບ​ການ​ຄຸ້ມ​ຄອງ ຕິດຕາມ​ກວດກາ​ວຽກ​ງານ​ການກັນ ແລະ ຄວບ​ຄຸມພະ​ຍາດ​ຕິດຕໍ່ ເພື່ອ​ຕ້ານ ແລະ ສະກັດ​ກັ້ນ​ການເກີດ ແລະ ການ​ລະບາດ​ຂອງ​ພະຍາດ​ຕິດຕໍ່ ຫຼຸດຜ່ອນ​ການ​ເຈັບເປັນ ເສຍ​ຊີວິດ​ຂອງ​ພົນລະເມືອງ ແນໃສ່​ເຮັດ​ໃຫ້​ເຂົາເຈົ້າ​ມີ​ສຸ​ຂະພາບ​ແຂງແຮງ ສາມາດ​ເຊື່ອມໂຍງ​ກັບ​ພາກ​ພື້ນ ແລະ ສາກົນ ປະກອບສ່ວນ​ເຂົ້າ​ໃນ​ການ​ປົກປັກ​ຮັກສາ ແລະ ພັດທະນາ​ປະເທດ​ຊາດ ຈຸດປະສົງ​ຂອງ​ການສ້າງ​ກົດໝາຍ​ດັ່ງກ່າວ ເພື່ອ​ຍົກລະດັບ​ການ​ຄວບ​ຄຸມພະ​ຍາດ​ຕິດຕໍ່​ຢູ່ ​ສປປ ລາວ ໃຫ້​ມີ​ປະ​ສິດທິ​ຜົນ ທັນ​ສະໄໝ​ເທື່ອ​ລະ​ກ້າວ ສາມາດວັດແທກ ແລະ ປະ​ເມີນ​ການ​ມີສ່ວນ​ຮ່ວມ​ຂອງ ​ສປປ ລາວ ໃນການ​ປະຕິບັດ​ກົດ​ລະບຽບ​ສາກົນດ້ານ​ສາທາລະນະ​ສຸກ ປີ 2015 ໃຫ້​ແທດເໝາະ​ກັບ​ສະພາບ​ການຕົວ​ຈິງ ເພື່ອ​ໃຫ້​ຂະແໜງການກ່ຽວຂ້ອງ​ສາມາດ​ບັນລຸ​ຕາມເງື່ອນໄຂ​ຂອງ​ລະບຽບ​ສາກົນ ດ້ານ​ສາທາລະນະ​ສຸກ​ໃນ​ການ​ຈັດຕັ້ງ​ປະຕິບັດ​ຕົວ​ຈິງ ແລະ ເພື່ອເປັນ​ນິຕິ​ກຳ ແລະ ເປັນ​ບ່ອນ​ອີງໃຫ້​ຂະແໜງການ​ກ່ຽວຂ້ອງ ​ນຳໃຊ້​ເຂົ້າ​ໃນ​ການ​ຄວບ​ຄຸມພະ​ຍາດຕິດຕໍ່ ໂດຍ​ສະເພາະຢູ່​ຈຸດ​ຜ່ານແດນ​ທາງບົກ ທາງນ້ຳ ແລະ ທາງ​ອາກາດ.

ຂ່າວທີ່ກ່ຽວຂ້ອງ