ຂ່າວຫຼ້າສຸດ

ຮູ້ພາສາລາວມື້ລະຄຳ - ໂດຍ : ແສງຈັນ ສຸຂະເສມ : ເທົ່າ

130 06 ພ.ຈ. 2017 ຫົວຂໍ້ຂ່າວອື່ນໆ

ຄຳ ແປ​ວ່າ ຮຽງ, ສະ­ເໝີກັນ, ທໍ່​ກັນ, ເກິ່ງ​ກັນ (ທອງ­ຄຳ​ ອ່ອນ​ມະນີ​ສອນ, 2008:443/445/466) ເປັນ​ຄຳ​ໃຊ້​ປຽບ­ທຽບຄວາມ​ຍາວ, ຂະ­ໜາດ, ນ້ຳ­ໜັກ, ຄວາມ​ແຮງ, ຮູບ​ຮ່າງ... ຈຶ່ງ​ພົບ​ເຫັນ​ໃຊ້​ໃນ​ຊີ­ວິດປະ­ຈຳ​ວັນ ແຕ່​ຈະ​ເຫັນ​ໃຊ້​ໃນ​ການ​ແຕ່ງປະ­ພັນ ແລະ ວັນ­ນະ­ຄະ­ດີລາວ​ທົ່ວ​ໄປ.

ຕົວ­ຢ່າງ:

- ສໍ​ສອງ​ກ້ານ​ນີ້ຍາວ​ສະ­ເໝີ​ກັນ

- ຊີ້ນ​ຕອນ​ນີ້​ໜັກ​ສອງ​ກິ​ໂລ​ເທົ່າ​ກັນ

- ລົດ​ສອງ​ຄັນ​ນີ້ ມີ​ຄວາມ​ແຮງ​ທໍ່​ກັນ

- ມາ​ນັ່ງ​ລ້ອມທຽມ​ແມ່​ເພີງ­ໃຈ (ທ້າວ​ຮຸ່ງ​ທ້າງ​ເຈືອງ)

ໃນ​ແງ່​ພາ­ສາ​ສາດ ເທົ່າ, ທຽມ, ທໍ່, ສ່ຳ, ສະ­ເໝີ, ເກິ່ງ, ເຊິ່ງ​ກັນ ຈັດ​ຢູ່​ໃນ​ປະ­ເພດ​ຄຳ ທີ່​ມີ​ຄວາມ​ໝາຍ​ໃກ້​ຄຽງ​ກັນ ເຊິ່ງ​ເປັນລັກ​ສະນະ​ພິ­ເສດ​ຂອງ​ຄຳ ແລະ ​ມີ​ຫຼວງ­ຫຼາຍ​ຢູ່​ໃນ​ພາ­ສາ​ລາວ. ການ​ນຳ​ໃຊ້ແຕ່​ລະ​ຄຳ​ເຫຼົ່າ​ນີ້ ຈຶ່ງ​ພົບ​ເຫັນ​ໃຊ້​ທົ່ວ​ໄປ​ຫຼາຍ​ທັງ​ພາ­ສາ​ເວົ້າ ແລະ ຂຽນ ​ຕາມ​ຄວາມ​ຊິນ​ເຄີຍ​ຂອງ​ແຕ່­ລະ­ຄົນ.

ຂ່າວທີ່ກ່ຽວຂ້ອງ