ຂ່າວຫຼ້າສຸດ

SOJEN ນຳສະເໜີກ່ຽວກັບຜະລິດຕະພັນ ແລະ ວິສາຫະກິດຈີນ

2.314 03 ພ.ຈ. 2017 ຂ່າວໜ້າ​ໜຶ່ງ
SOJEN ນຳສະເໜີກ່ຽວກັບຜະລິດຕະພັນ ແລະ ວິສາຫະກິດຈີນ

ພະແນກການ​ຄ້າ​ແຂວງ​ຢູນ​ໜານ ​ສປ.ຈີນ ຈັດ​ງານ​ນຳ​ສະເໜີ​ກ່ຽວ​ກັບ​ຜະລິດ​ຕະ​ພັນ ແລະ ວິ​ສາ​ຫະ​ກິດ​ຈີນ (ຢູນ​ໜານ) ຂຶ້ນ​ວັນ​ທີ 30 ຕຸລາ 2017 ຢູ່​ສູນ​ການ​ຄ້າ​ສາກົນ​ລາວ-ໄອ​ເຕັກ ໂດຍ​ມີ​ທ່ານ​ນາງ ຈັນທະ​ຈອນ ວົງ​ໄຊ ຮອງ​ປະທານ​ສະພາ​ອຸດສາຫະກຳ ແລະ ການ​ຄ້າ​ແຫ່ງ​ຊາດ​ລາວ ທ່ານ ໂຮ້​ຈິງ​ຢູ້ ຜູ້​ຄົ້ນຄວ້າ​ຂະແໜງການ​ຄ້າ​ອາ​ຊຽນ ພະແນກການ​ຄ້າ​ແຂວງ​ຢູນ​ໜານ ພ້ອມ​ດ້ວຍ​ຜູ້ຕາງໜ້າ​ຈາກ​ກະຊວງ​ອຸສາ​ຫະ​ກຳ ແລະ ການ​ຄ້າ ຄະນະ​ກຳມະການ​ຮ່ວມ​ມື​ລາວ-ຈີນ ແລະ ພາກສ່ວນ​ກ່ຽວຂ້ອງ​ຈີນ​ເຂົ້າ​ຮ່ວມ.

ທ່ານ ໂຮ້​ຈີງ​ຢູ້ ກ່າວ​ວ່າ: ເພື່ອ​ເຮັດ​ໃຫ້​ສາຍ​ພົວພັນ​ມິດຕະພາບ​ລາວ-ຈີນ ນັບ​ມື້​ນັບ​ເຕີບ​ໃຫຍ່​ຂະຫຍາຍຕົວ​ຢ່າງ​ບໍ່​ຢຸດ​ຢັ້ງ ແຂວງ​ຢູນ​ໜານ ກໍ່​ຄື​ປ້ອມ​ດ່ານ​ໜ້າ​ຂອງ​ຈີນ ​ທີ່​ແຜ່​ລັງສີ​ໄປ​ສູ່​ອາ​ຊຽນ​ໃຕ້ ແລະ ອາ​ຊຽນ​ຕາເວັນຕົກ​ສຽງ​ໃຕ້ ຫວັງ​ວ່າ​ບັນດາ​ວິ​ສາ​ຫະ​ກິດ​ຢູນ​ໜານ​ ຈະ​ປະຕິບັດ​ຕາມ​ການ​ສະເໜີ​ຂອງ “ໜຶ່ງ​ເສັ້ນທາງ​ໜຶ່ງ​ແລວ​ທາງ” ພາກັນ​ກ້າວ​ອອກ​ໄປ​ສູ່​ຕ່າງປະເທດ ຂ້າພະເຈົ້າ​ຢືນຢັນ​ຈະ​ໃຫ້ການ​ສະໜັບສະໜູນ​ຢ່າງ​ຫຼວງຫຼາຍ ​ແກ່​ການ​ຮ່ວມ​ມື​ລະຫວ່າງ​ລາວ-ຈີນ​ໃນ​ອະນາຄົດ ແລະ ຫວັງ​ວ່າ​ຝ່າຍ​ລາວ​ກໍ່​ສາມາດ​ຮ່ວມ​ແຮງ​ຮ່ວມ​ໃຈ​ກັນ​ ເພື່ອ​ສົ່ງເສີມ​ການ​ຮ່ວມ​ມື​ຂອງ​ສອງ​ຝ່າຍ.

ທ່ານ​ນາງ ຈັນທະ​ຈອນ ວົງ​ໄຊ ກ່າວ​ວ່າ: ​ສປ.ຈີນ ແລະ ​ສປປ ລາວ ແມ່ນ​ເພື່ອນ​ບ້ານ​ໃກ້​ເຮືອນ​ຄຽງ​ໃນ​ໂລກ ແລະ ເປັນ​ໝູ່​ເພື່ອນ​ໃນ​ການ​ຊື້-ຂາຍ ສະພາ​ອຸສາ​ຫະ​ກຳ ແລະ ການ​ຄ້າ​ແຫ່ງ​ຊາດ​ລາວ ຈະ​ໃຫ້ການ​ສະໜັບສະໜູນ​ຢ່າງ​ສຸດ​ຄວາມ​ສາມາດ ແລະ ສົ່ງເສີມ​ການ​ຄ້າ​ລາວ-ຈີນ ຂ້າພະເຈົ້າ​ຫວັງ​ວ່າ​ສາຍ​ພົວພັນ​ຂອງ​ລາວ-ຈີນ ​ຈະ​ສາມາດ​ກ້າວ​ເຂົ້າ​ສູ່​ລວງ​ເລິກ ເມື່ອ​ການ​ສ້າງ​ທາງ​ລົດໄຟ​ລາວ-ຈີນ​ສຳເລັດ ແລະ ຈະ​ບັນລຸ​ເປົ້າ​ໝາຍ​ການ​ພັດ​ທະນາ​ລາວ-ຈີນ ເຊິ່ງ​ຈະ​ມີ​ທັງ​ມິດຕະພາບການ​ອຳນວຍ​ຜົນ​ປະໂຫຍດ​ແກ່​ກັນ ແລະ ກ້າວ​ສູ່​ໄຊຊະນະ​ໄປ​ພ້ອມໆ​ກັນ.

ທ່ານ ເຈົ່າ​ຫຼິນ ຜູ້​ຈັດການ​ທົ່ວ​ໄປ​ຂອງ​ໂຊ​ເຈນ (SOJEN) ພາຫະນະ​ແຫ່ງ​ກິດຈະການ​ໂປ​ເຈນ ສາຂາ​ລາວ ກໍ່​ໄດ້​ກ່າວ​ວ່າ: SOJEN ແມ່ນ​ຍີ່ຫໍ້​ລົດ​ທຸລະ​ກິດ​ຂອງ​ຈີນ​ທີ່​ມີ​ຊື່​ສຽງ ລົດ​ຫຼາຍ​ຮຸ່ນ​ໄດ້​ຂາຍ​ດີ​ໃນ​ເຂດ​ຕາເວັນຕົກ​ສ່ຽງ​ໃຕ້ 20 ກວ່າ​ປີຜ່ານມາ ​ເຕັກ​ໂນ​ໂລ​ຊີ​ຂອງ​ໂຊ​ເຈນ ​ໄດ້​ປະດິດ​ຄິດ​ສ້າງ​ບັນດາ​ນະ​ວັດ​ກຳ​ໃໝ່​ຂຶ້ນ​ມາ​ຢ່າງ​ບໍ່​ຢຸດ​ຢັ້ງ ເພື່ອ​ສະແຫວງຫາ​ຄວາມ​ດີເລີດ ຜະລິດ​ລົດ​ດ້ວຍ​ເຕັກນິກ​ທີ່​ທັນ​ສະໄໝ ເຊິ່ງ​ປີ 2017 ລົດ SOJEN ໄດ້​ຮັບ​ໄຊຊະນະ​ເລີດ​ການ​ແຂ່ງຂັນ​ລົດ​ບັນທຸກ​ຂອງ​ຈີນ ດ້ານ​ການ​ຕະຫຼາດ SOJEN ໄດ້​ກ້າວ​ອອກ​ໄປ​ສູ່​ຕ່າງປະເທດ ໂດຍ​ສະເພາະ​ຕາມ​ນະໂຍບາຍ “ໜຶ່ງ​ເສັ້ນທາງ​ໜຶ່ງ​ແລວ​ທາງ” ກໍ່​ຄື​ປະເທດ​ໃນ​ເຂດ​ອາຊີ​ຕາເວັນ​ອອກສຽງ​ໃຕ້ ແລະ ອາຊີ​ໃຕ້ ເຊິ່ງ​ໄດ້​ສ້າງສາ​ຂາ​ຈຳໜ່າຍ​ຫຼາຍ​ບ່ອນ ກາຍເປັນ​ວົງ​ກົມ​ດ້ານ​ທຸລະ​ກິດ​ຮອບດ້ານ ແລະ ເປັນ​ລວມ​ສູນ​ການ​ຜະລິດ ຈຳໜ່າຍ ແລະ ການ​ບໍລິການ ສຳລັບ ​ສປປ ລາວ ລົດ SOJEN ທີ່​ໄດ້​ຂາຍ​ດີ​ມີ​ຫຼາຍ​ກວ່າ 30 ຮຸ່ນ ​ແລະ ໄດ້​ກຽມ​ລົດ​ໄວ້ 1.800 ຄັນ ອາ​ໄລ່​ມີ​ມູນ​ຄ່າ​ຫຼາຍ​ກວ່າ 32 ຕື້​ກີບ ມີ​ພະນັກງານ​ຈີນ 30 ກວ່າ​ຄົນ ພະນັກງານ​ລາວ 100 ກວ່າ​ຄົນ ມີ​ສາຂາ​ຈຳໜ່າຍ 17 ແຫ່ງ ແລະ ຮ້ານ​ຮ່ວມ​ຈຳໜ່າຍ 10 ກວ່າ​ຮ້ານ.

ຂ່າວທີ່ກ່ຽວຂ້ອງ