ຂ່າວຫຼ້າສຸດ

ເບິ່ງບ້ານເຂົາເອົາບົດຮຽນ - ໂດຍ : ວິເສດ ສະແຫວງສຶກສາ : ກຳປູເຈຍ ອິນ​ໂດ​ເນ​ເຊຍ ​ໂປ​ໂລຍ

226 18 ຕ.ລ. 2017 ຫົວຂໍ້ຂ່າວອື່ນໆ

ມື້ນີ້​ພວກ​ເຮົາ​ພາກັນ​ໄປ​ເບິ່ງ​ບົດຮຽນ​ດີໆກັບ ການ​ອະນຸ​ຮັກ​ສັດປ່າ​ຢູ່​ກຳປູເຈຍ ນະໂຍບາຍ​ສົ່ງເສີມ ການທ່ອງທ່ຽວ​ຢູ່​ອິນ​ໂດ​ເນ​ເຊຍ ແລະ ປິດ​ທ້າຍ​ກັບ ເລື່ອງ​ນະໂຍບາຍ​ບຳນານ​ຢູ່​ໂປ​ໂລຍ.

ທີ່ ກຳປູເຈຍ: ໜຶ່ງ​ໃນ​ບັນດາ​ນະໂຍບາຍ​ສ້າງ​ມົນ ສະເໜ​ເພື່ອ​ດຶງ​ດູດ​ນັກ​ທ່ອງ​ທ່ຽວ​ຕ່າງປະເທດ​ເຂົ້າ​ໄປ ທ່ອງ​ທ່ຽວ​ໃຫ້​ນັບ​ມື້​ຫຼາຍ​ຂຶ້ນ​ນັ້ນ ກໍ່​ຄື ສ້າງ​ກຳປູເຈຍ ໃຫ້​ເປັນ​ປະເທດ​ສີຂຽວ ດ້ວຍ​ການ​ເພີ່ມ​ເນື້ອທີ່​ປ່າ ກໍ່​ຄື ການ​ປົກ​ປັກ​ຮັກສາ​ຊີວະ​ນາໆພັນ ບໍ່​ພຽງ​ແຕ່ ສ່ວນ​ທີ່​ມີ​ແລ້ວ ແຕ່​ຍັງ​ໄດ້​ນຳ​ເຂົ້າ​ຈາກ​ຕ່າງປະເທດ ດັ່ງ​ຂ່າວ​ໜັງສືພິມ​ວຽງ​ຈັນ​ທາມ ສະບັບ​ວັນ​ທີ 27 ເດືອນ​ກັນຍາ ປີ​ນີ້​ໄດ້​ໃຫ້​ຮູ້​ວ່າ:  ທາງ​ກະຊວງ​ສິ່ງ ແວດ​ລ້ອມ​ກຳປູເຈຍ​ໄດ້​ຕົກລົງ​ເລືອກ​ເອົາ​ສູນ​ອະນຸ ຮັກ​ສັດປ່າ ສະ​ເຣ​ປົກ ຢູ່​ມອນ​ດູນ​ຄີ​ຣີ ເປັນ​ບ່ອນຢູ່​ອູ່ ນອນ​ສຳລັບ​ເສືອໂຄ່ງ​ທີ່​ຈະ​ນຳ​ເຂົ້າ​ຈາກ​ປະເທດ​ອິນ ເດຍ.

ແຜນ​ນຳ​ເຂົ້າ ແລະ ກຳນົດ​ສະຖານທີ່​ອະນຸ​ຮັກ​ດັ່ງ ກ່າວ​ໄດ້​ມີ​ການ​ປຶກສາ​ຫາລື​ກັນ​ຍາວ​ນານ​ພໍ​ສົມ ຄວນ ກ່ອນ​ຈະ​ມີ​ການ​ປະຕິບັດ​ຕົວ​ຈິງ ຍຸກ​ເຊື່ອມ​ໂຍງ ໃນ​ປັດຈຸບັນ​ໄດ້​ກວມ​ເອົາ​ທາງ​ການ​ແລກປ່ຽນ​ສັດ ແບບ​ມອບ​ໃຫ້​ເລີຍ ຫຼື ຢືມ​ຊົ່ວຄາວ ຜ່ານ​ມາ​ລາວ ເຮົາ​ກໍ່​ເຄີຍ​ມອບ​ຊ້າງ​ໃຫ້​ບາງ​ປະເທດ​ເພື່ອ​ເປັນ​ສັນ ຍະ​ລັກ​ແຫ່ງ​ມິດຕະພາບ ແລະ ປະກອບສ່ວນ​ສ້າງ ຄວາມ​ສົມບູນ​ດ້ານ​ຊີວະ​ນາໆພັນ​ໃນ​ບັນດາ​ປະເທດ ເປົ້າ​ໝາຍ ສ່ວນ​ຢູ່​ບ້ານ​ເຮົາ​ນັ້ນ ການ​ນຳ​ເຂົ້າ​ສັດ ຈາກ​ຕ່າງປະເທດ​ຍັງ​ມີ​ໜ້ອຍ ນອກຈາກ ອູດ ຊ້າງ ນ້ຳ ແກງ​ກາ​ຣູ ແລະ ນົກ​ຈາກ​ອົດ​ສະ​ຕຣາ​ລີ ຖ້າ​ໄດ້ ໝີ​ແພນ​ດ້າ​ຈາກ​ຈີນ​ມາ​ໄວ້​ສວນສັດ​ບ້ານ​ເຮົາ​ຄົງ​ຈະ ຄັກ​ບໍ່​ຢອກ.

ທີ່ ອິນ​ໂດ​ເນ​ເຊຍ: ນີ້​ກໍ່​ແມ່ນ​ເລື່ອງ​ຂອງ​ການ​ພັດ ທະ​ນາ​ການທ່ອງທ່ຽວ​ເຊັ່ນ​ກັນ ຄື: ທ່ານ ອາ​ຣຽບ ຢາ​ຮາ​ຢາ (Arief Yahaya) ລັດຖະມົນຕີ​ກະຊວງ ທ່ອງ​ທ່ຽວ​ຂອງ​ອິນ​ໂດ​ເນ​ເຊຍ​ໄດ້​ປະກາດ​ໃນ​ວັນ​ທີ 26 ເດືອນ​ກັນຍາ ປີ​ນີ້​ວ່າ ໃນ​ປີ 2018 ທາງ​ກະຊວງ ຈະ​ມີ​ລາຍ​ການເຄື່ອນໄຫວ​ເພື່ອ​ດຶງ​ດູດ​ນັກ​ທ່ອງ ທ່ຽວ​ຕ່າງປະເທດ​ຈຳນວນ​ປະມານ 100 ລາຍການ ເປັນ​ລາຍການ​ເດັດໆ​ລະດັບ​ຊາດ ໂດຍ​ຈະ​ມອບ​ໃຫ້ ແຕ່​ລະ​ເຂດ​ແຄວ້ນ​ໃນ​ທົ່ວ​ປະເທດ​ສ້າງ​ລາຍການ  ລັກສະນະ​ສາກົນ​ຂຶ້ນ​ເອງ ເພື່ອ​ເປັນ​ສ່ວນ​ໜຶ່ງ​ຂອງ ຄຳ​ຂວັນ​ທ່ອງ​ທ່ຽວ “ອິນ​ໂດ​ເນ​ເຊຍ ມະຫັດສະຈັນ 2018” ລາວ​ພວກ​ເຮົາ​ກໍ່​ປະກາດ​ເອົາ​ປີ 2018 ເປັນ ປີ​ທ່ອງ​ທ່ຽວ​ລາວ​ເຊັ່ນ​ກັນ ດ້ວຍ​ແຜນ ການ​ລະອຽດ ແລະ ຄວາມ​ພຽບ​ພ້ອມ ແຕ່​ກໍ່​ແນ່ ນອນ​ວ່າ​ຈະ​ໄດ້​ປະ ເຊີນ​ກັບ​ການ​ແຂ່ງຂັນ​ສູງ​ພໍ​ສົມຄວນ ເພາະ​ຫຼາຍໆ ປະເທດ​ໃນ​ອາ​ຊຽນ​ກໍ່​ເລືອກ​ເອົາ​ໄລຍະ​ດຽວ​ກັນ​ເປັນ​ປີ​ຍາດ​ແຍ່ງ​ນັກ​ທ່ອງ​ທ່ຽວ ໃຜ​ດຶງ​ດູດ​ເກ່ງ​ກໍ່​ຈະ​ໄດ້​ນັກ ທ່ອງ​ທ່ຽວ​ຫຼາຍ.

ທີ່ ​ໂປ​ໂລຍ (ໂປ​ແລນ): ຂ່າວ​ຈາກ​ໜັງສື ພິມ​ຜູ້​ແທນ​ປະຊາຊົນ​ຂອງ​ສະພາ​ແຫ່ງ​ຊາດ ສະບັບ ຕົ້ນ​ເດືອນ​ຕຸລາ​ນີ້ ໄດ້​ເວົ້າ​ກ່ຽວ​ກັບ​ນະໂຍບາຍ​ຫຼຸດ​ອາ ຍຸ​ເຂົ້າ​ຮັບ​ເບ້ຍ​ບຳນານ​ລົງ​ເປັນ 60 ປີ ສຳລັບ​ເພດ​ຍິງ ແລະ 65 ປີ ສຳລັບ​ເພດ​ຊາຍ ເຊິ່ງ​ເປັນ​ການ​ຍ່າງ ສວນ​ທາງ​ກັບ​ນະໂຍບາຍ​ຂອງ​ອະດີດ​ລັດຖະບານ ສາຍ​ກາງ​ທີ່​ໄດ້​ເພີ່ມ​ອາຍຸ​ເຂົ້າ​ບຳນານ​ເປັນ 67 ປີ ໃນ​ປີ 2012 ນະໂຍບາຍ​ຫຼຸດ​ເກນ​ອາຍຸ​ເຂົ້າ​ບຳນານ ວັນ​ນີ້​ມີ​ທັງ​ຜູ້​ຍິ້ມ​ອອກ ແລະ ຜູ້​ຄັດຄ້ານ ຜູ້​ທີ່​ຄັດຄ້ານ ເຫັນ​ວ່າການ​ປັບ​ຫຼຸດ​ອາຍຸ​ເຂົ້າ​ບຳນານ​ດັ່ງກ່າວ​ຈະ ສົ່ງ​ຜົນ​ກະທົບ​ຕໍ່​ເສດຖະກິດ​ຂອງ​ປະເທດ​ທີ່​ພວມ​ຂະ ຫຍາຍ ເພາະ​ມັນ​ຈະ​ເປັນ​ການ​ກົດ​ດັນ​ຕໍ່​ງົບປະມານ ຢູ່​ເອີ​ຣົບ ຫຼາຍ​ປະເທດ​ໄດ້​ປັບ​ຂຶ້ນ​ເກນ​ອາຍຸ​ເຂົ້າ​ຮັບ ບຳນານ ຍ້ອນ​ບັນຫາ​ຄົນ​ເຖົ້າ​ລົ້ນ​ປະເທດ ແຕ່​ໂປ ໂລຍ​ຜັດ​ເຮັດ​ແນວ​ທວນ​ກະແສ​ດັ່ງກ່າວ.

ຂ່າວທີ່ກ່ຽວຂ້ອງ