ສາມາດສົ່ງສັດເປັນສິນຄ້າໄດ້ແລ້ວ 4 ແສນກວ່າໂຕ

186 12 ຕ.ລ. 2017 ຂ່າວໜ້າ​ໜຶ່ງ

ອີງ​ຕາມ​ບົດ​ລາຍ​ງານ​ປະຈຳອາທິດ​ຂອງ​ກະຊວງ​ກະສິກຳ ແລະ ປ່າໄມ້ ໄດ້​ລາຍ​ງານ​ສະພາບ​ພົ້ນ​ເດັ່ນ ເປັນຕົ້ນ ການ​ຄຸ້ມຄອງ​ສິນຄ້າ​ຜົນ​ຜະລິດ​ກະສິກຳ ສິນຄ້າ​ສົ່ງ​ອອກພືດ ແລະ ຜະລິດຕະ​ພັນ​ພືດ​ທັງ​ໝົດ 25.184 ໂຕນ ມູນ​ຄ່າ 5 ລ້ານ​ກວ່າ​ໂດ​ລາ​ສະຫະລັດ ພືດ​ທີ່​ສົ່ງ​ອອກ ເປັນຕົ້ນ ແມ່ນກາເຟ ໝາກກ້ວຍ ມັນຕົ້ນ ແລະ ອື່ນໆ ແລະ ສິນຄ້າ​ນຳ​ເຂົ້າ​ພືດ ແລະ ຜະລິດ​ຕະ​ພັນ​ພືດ ທັງ​ໝົດ 1.752 ໂຕນ ມູນ​ຄ່າ 859.341 ໂດ​ລາ​ສະຫະລັດ ກາກ​ສາລີ ກາກ​ຖົ່ວເຫຼືອງ ເມັດ​ຖົ່ວເຫຼືອງ ພືດ​ຜັກ​ລວມ ແລະ ອື່ນໆ ແລະ ໄດ້​ກວດກາ​ດ້ານ​ສຸຂາ​ນາ​ໄມ​ສັດ​ຢູ່​ໂຮງງານ​ຂ້າ​ສັດ ໃນ 12 ແຂວງ ໃນ 1 ອາທິດ​ຜ່ານ​ມາ ສາມາດຈຳໜ່າຍ​ສັດ​ໄດ້ 13.595 ໂຕ ໃນນັ້ນ ມີ​ຄວາຍ 843 ໂຕ ງົວ 1.235 ໂຕ ແບ້ 448 ໂຕ ແລະ ສັດ​ປີກ 80.674 ໂຕ ແຕ່​ຕົ້ນປີ​ຮອດ​ປັດຈຸບັນ​ ມີ​ສັດ​ອອກ​ຈຳໜ່າຍ​ທັງ​ໝົດ 432.128 ໂຕ ໃນນັ້ນ ຄວາຍ 32.715 ໂຕ ງົວ 44.146 ໂຕ ໝູ 319.371 ໂຕ ແບ້ 35.896 ໂຕ ແລະ ສັດ​ປີກ 4.389.025 ໂຕ ນອກຈາກ​ນັ້ນ ໄດ້​ຕິດຕາມ​ການ​ສົ່ງ​ອອກ​ສັດ​ເປັນສິນຄ້າ​ໄປ​ຕ່າງປະເທດ​ຢູ່​ທີ່​ດ່ານນ້ຳ​ກັ່ນ ມາ​ຮອດ​ປັດຈຸບັນ​ໄດ້​ສົ່ງສັດ​ອອກ​ທັງ​ໝົດ 3.966 ໂຕ.

ຂ່າວທີ່ກ່ຽວຂ້ອງ