ລັດ­ຖະ­ບານ​ຊົ່ວ­ຄາວ​ຂອງ​ລີ​ບີ ປະ­ກາດ​ຫ້າມ​ຊາວ​ອາ​ເມ​ຣິ​ກັນ ເຂົ້າ​ເມືອງ​ໄປ​ໃນ​ລີ​ບີ

156 29 ກ.ຍ. 2017 ຂ່າວຕ່າງປະເທດ
ລັດ­ຖະ­ບານ​ຊົ່ວ­ຄາວ​ຂອງ​ລີ​ບີ ປະ­ກາດ​ຫ້າມ​ຊາວ​ອາ​ເມ​ຣິ​ກັນ ເຂົ້າ​ເມືອງ​ໄປ​ໃນ​ລີ​ບີ

ລັດ­ຖະ­ບານ​ຊົ່ວ­ຄາວ​ຂອງ​ລີ​ບີ ປະ­ກາດ​ເມື່ອ​ວັນ​ທີ 27 ກັນ­ຍາ​ນີ້ ກ່ຽວ​ກັບ​ການ​ຫ້າມ​ພົນ­ລະ­ເມືອງ​ຊາວ​ອາ​ເມ​ຣິ​ກັນ ເຂົ້າ​ເມືອງ​ໄປ​ໃນ​ດິນ­ແດນ​ຂອງ​ລີ​ບີ ທັງ​ນີ້​ກໍ​ເພື່ອ​ເປັນ​ການ​ຕອບ​ໂຕ້​ຕໍ່​ການ​ຕົກ­ລົງ​ຂອງ​ປະ­ທາ­ນາ­ທິ­ບໍ­ດີ ສ ອາ​ເມ​ຣິ​ກາ ໂດ​ນາ​ລ ທຣັມ ທີ່​ຫ້າມ​ພົນ­ລະ­ເມືອງ​ຊາວ​ລີ​ບີ ເຂົ້າ​ເມືອງ​ໄປ​ຍັງ ສ ອາ​ເມ​ຣິ​ກາ.

ກ່ອນ​ໜ້າ​ນັ້ນ ເມື່ອ​ວັນ​ທີ 25 ກັນ­ຍາ​ທີ່​ຜ່ານ​ມາ ເອກ​ອັກ​ຄະ​ລັດ​ຖະ​ທູດ ສ ອາ​ເມ​ຣິ​ກາ ປະ­ຈຳ​ລີ​ບີ ໄດ້​ປະ­ກາດ​ແຈ້ງ​ການ​ກ່ຽວ​ກັບ​ການ​ຫ້າມ​ພົນ­ລະ­ເມືອງ​ລີ​ບີ ເຂົ້າ​ເມືອງ​ໄປ​ໃນ ສ ອາ​ເມ​ຣິ​ກາ ດ້ວຍ​ເຫດ­ຜົນ​ດ້ານ​ຄວາມ​ສະ­ຫງົບ.

ລັດ­ຖະ­ບານ​ຊົ່ວ­ຄາວ​ຂອງ​ລີ​ບີ ເປັນ​ພັນ­ທະ​ມິດ​ກັບ​ນາຍ​ພົນ ຄາ​ລີ​ຟາ ຮາ​ຟ​ຕາ ຊຶ່ງ​ຄວບ​ຄຸມ​ພາກ​ຕາ­ເວັນ​ອອກ​ພາກ​ໃຕ້ ແລະ ສ່ວນ​ໜຶ່ງ​ຂອງ​ພາກ​ຕາ­ເວັນ­ຕົກ​ຂອງ​ລີ​ບີ ສ່ວນ​ທີ່​ຍັງ​ເຫຼືອ​ຂອງ​ດິນ­ແດນ​ປະ­ເທດ​ລີ​ບີ ແມ່ນ​ຢູ່​ພາຍ​ໃຕ້​ການ​ຄວບ​ຄຸມ​ຂອງ​ລັດ­ຖະ­ບານ​ລີ​ບີ ທີ່​ໄດ້​ຮັບ​ການ​ໜູນ​ຫຼັງ​ຈາກ​ສະ­ຫະ​ປະ­ຊາ​ຊາດ.

ຂ່າວທີ່ກ່ຽວຂ້ອງ