EU ເຂັ້ມ​ງວດ​ກັບ​ບັນ­ດາ​ບໍ­ລິ­ສັດ​ສະ­ບຽງ​ອາ­ຫານ​ ທີ່​ສໍ້​ໂກງ​ທາງ​ດ້ານ​ຄຸ­ນະ­ພາບ

167 29 ກ.ຍ. 2017 ຂ່າວຕ່າງປະເທດ
EU ເຂັ້ມ​ງວດ​ກັບ​ບັນ­ດາ​ບໍ­ລິ­ສັດ​ສະ­ບຽງ​ອາ­ຫານ​ ທີ່​ສໍ້​ໂກງ​ທາງ​ດ້ານ​ຄຸ­ນະ­ພາບ

ສະ­ຫະ­ພາບ​ເອີ​ຣົບ (EU) ແຈ້ງ​ໃຫ້​ຮູ້­ເມື່ອ​ວັນ​ທີ 26 ກັນ­ຍາ​ວ່າ ຈະ​ລົງ­ໂທດ​ຢ່າງ​ໜັກ​ກັບ​ບັນ­ດາ​ບໍ­ລິ­ສັດ​ຜູ້​ຜະ­ລິດ​ສະ­ບຽງ​ອາ­ຫານ ທີ່​ນຳ​ອອກ​ຈຳ­ໜ່າຍ​ຜະ­ລິດ​ຕະ​ພັນ​ທີ່​ມີ​ຄຸ­ນະ­ພາບ​ບໍ່​ເປັນ​ເອ­ກະ​ພາບ​ກັນ ຢູ່​ໃນ​ຕະ­ຫຼາດ​ແຫ່ງ​ຕ່າງໆ​ພາຍ​ໃນ​ກຸ່ມ.

ນາງ ເວ​ຣາ ຈູ​ໂຣ​ວາ ກຳ­ມະ­ການ​ສະ­ຫະ­ພາບ​ເອີ​ຣົບ ຮັບ­ຜິດ­ຊອບ​ບັນ­ຫາ​ການ​ປົກ​ປ້ອງ​ຜູ້​ບໍ­ລິ­ໂພກ ກ່າວ​ຕໍ່​ຜູ້​ສື່​ຂ່າວ​ວ່າ ມີ​ພວກ​ຜະ­ລິດ​ຕະ​ພັນ​ທີ່​ປະ­ກົດ​ຢູ່​ໃນ​ສິ່ງ​ຫຸ້ມ​ຫໍ່​ຄື​ກັນ ແຕ່​ໃນ​ຄວາມ​ເປັນ​ຈິງ​ແລ້ວ ຄຸ­ນະ­ພາບ​ຂອງ​ພວກ​ມັນ​ພັດ​ບໍ່​ຄື​ກັນ​ຢູ່​ໃນ​ຕະ­ຫຼາດ ໃນ​ເຂດ​ເອີ​ຣົບ​ຕາ­ເວັນ​ອອກ ບັນ­ດາ​ຜະ­ລິດ​ຕະ​ພັນ​ກາ­ເຟ​ສຳ­ເລັດ​ຮູບ ມີ​ກາ ເຟ​ອິນ (caffeine) ໜ້ອຍ ແລະ ນ້ຳ­ຕານ​ຫຼາຍ​ກວ່າ ພວກ​ປ່ຽງ​ປາ​ຊຸບ​ແປ້ງ ມີ​ຊີ້ນ​ປາ​ໜ້ອຍ​ກວ່າ ຫຼື ເຂົ້າ­ໜົມ​ໂຊ​ໂກ​ແລັດ ມີ​ປະ­ລິ­ມານ​ກາ​ກາວ​ໜ້ອຍ​ກວ່າ​ຢູ່​ໃນ​ຕະ­ຫຼາດ​ໃນ​ເຂດ​ເອີ​ຣົບ​ຕາ­ເວັນ­ຕົກ.

ເພື່ອ​ແກ້​ໄຂ​ສະ­ພາບ​ຄວາມ​ເປັນ​ຈິງ​ຄື​ດັ່ງ­ກ່າວ ຄາດ​ວ່າ​ຄະ­ນະ​ກຳ­ມະ­ການ​ເອີ​ຣົບ (EC) ຈະ​ສະ­ໜອງ​ເງິນ 1 ລ້ານ​ເອີ​ໂຣ (ເທົ່າ​ກັບ​ກວ່າ 1,1 ລ້ານ​ໂດ​ລາ​ສະ­ຫະ­ລັດ) ໃຫ້​ແກ່​ແຕ່​ລະ​ປະ­ເທດ​ທີ່​ເປັນ​ສະ­ມາ­ຊິກ EU ເພື່ອ​ຊ່ວຍ­ເຫຼືອ​ປະ­ເທດ​ເຫຼົ່າ­ນັ້ນ​ຊຸກ­ຍູ້​ມາດ​ຕະ­ການ​ກວດ­ກາ ປຽບ­ທຽບ​ຜະ­ລິດ​ຕະ​ພັນ ໂດຍ​ຜ່ານ​ນັ້ນ ກໍ​ຈະ​ກວດ​ພົບ​ບັນ ດາ​ຈຸດ​ທີ່​ແຕກ​ຕ່າງ​ຢູ່​ໃນ​ຄຸ­ນະ­ພາບ ພ້ອມ​ກັນ​ນັ້ນ​ກໍ​ນຳ​ເອົາ​ຫຼັກ​ຖານ​ຢືນ­ຢັນ​ຄວາມ​ຈິງ​ອອກ​ມາ​ກ່ຽວ​ກັບ​ການ​ສໍ້​ໂກງ​ນັ້ນ.

ແຈ້ງ​ການ​ດັ່ງ­ກ່າວ​ຂອງ EU ມີ​ອອກ​ມາ​ຫຼັງ​ຈາກ​ທີ່​ຫຼາຍ​ປະ­ເທດ ພາຍ​ໃນ​ກຸ່ມ​ນີ້​ຢູ່​ໃນ​ເຂດ​ເອີ​ຣົບ​ຕາ­ເວັນ​ອອກ ເຊັ່ນ ສະ​ໂລ​ວາ​ກີ ຮົງ​ກາ​ຣີ ເຊັກ ຈົ່ມ​ວ່າ ເຂົາ­ເຈົ້າ​ເປັນ​ຜູ້​ທີ່​ໄດ້​ຮັບ​ເຄາະ​ຮ້າຍ​ຂອງ “ການ​ຈຳ­ແນກ​ຄຸ­ນະ­ພາບ​ສະ­ບຽງ​ອາ­ຫານ” ຫຼື ພວມ​ຖືກ​ປະ­ພຶດ​ຕໍ່​ຄື​ກັນ​ກັບ “ສະ­ໜາມ​ຂີ້​ເຫຍື້ອ​ຂອງ​ເອີ​ຣົບ” ເມື່ອ​ວ່າ​ສະ­ບຽງ​ອາ­ຫານ​ທີ່​ເຂົາ­ເຈົ້າ​ນຳ​ໃຊ້​ນັ້ນ​ມີ​ຄຸ­ນະ­ພາບ​ຂີ້­ຮ້າຍ​ຫຼາຍ ເມື່ອ​ທຽບ­ໃສ່​ຢູ່​ໃນ​ເຂດ​ເອີ​ຣົບ​ຕາ­ເວັນ­ຕົກ ເຖິງ​ວ່າ​ພວກ​ມັນ​ຖືກ​ບັນ­ຈຸ​ໄວ້​ໃນ​ສິ່ງ​ຫຸ້ມ​ຫໍ່​ທີ່​ຄື​ກັນ​ອ້ອຍ­ຕ້ອຍ.

ເພື່ອ​ເປັນ​ການ​ບັນ­ເທົາ​ສະ­ຖາ­ນະ​ການ ທ່ານ ເຈນ ຄລາວ ຈັງ​ເກີດ (JeanŒClaude Juncker) ປະ­ທານ EC ໄດ້​ຢືນ­ຢັນ​ເມື່ອ​ຕົ້ນ​ເດືອນ​ນີ້​ວ່າ ຢູ່​ໃນ EU “ບໍ່​ມີ​ຜູ້​ບໍ­ລິ­ໂພກ​ລະ­ດັບ​ສອງ”.

ຂ່າວທີ່ກ່ຽວຂ້ອງ