ຂ່າວຫຼ້າສຸດ

ຢູ-16 ລາວ ເສຍ​ໃຫ້​ເຈົ້າ­ພາບ ຕົກ​ຮອບ​ເຕະ­ບານ​ເອ​ເອ​ັຟ​ຊີ

903 26 ກ.ຍ. 2017 ວົງຈອນກີລາ
ຢູ-16 ລາວ ເສຍ​ໃຫ້​ເຈົ້າ­ພາບ ຕົກ​ຮອບ​ເຕະ­ບານ​ເອ​ເອ​ັຟ​ຊີ

    ນັກ­ກີ­ລາ​ບານ­ເຕະ​ທີມ​ຊາດ​ລາວ​ຮຸ່ນ​ອາ­ຍຸ​ບໍ່​ເກີນ 16 ປີ ຫຼື ຢູ-16 ລາວ ລົງ​ສະ­ໜາມ​ນັດ​ສຸດ​ທ້າຍ​ເສຍ​ໃຫ້​ເຈົ້າ­ພາບ​ໄທ​ຕົກ​ຮອບ​ທຳ​ອິດ​ໃນ​ການ​ແຂ່ງ­ຂັນ​ເຕະ­ບານ​ລາຍ­ການ​ຊີງ​ຂັນ​ເຍົາ­ວະ​ຊົນ​ອາ­ຊີ ຮຸ່ນ​ອາ­ຍຸ​ບໍ່​ເກີນ 16 ປີ ຮອບ​ຄັດ​ເລືອກ (ເອ​ເອ​ັຟ​ຊີ 2017) ທີ່​ນະ­ຄອນ­ຫຼວງ​ບາງ­ກອກ​ປະ­ເທດ​ໄທ ເປັນ​ເຈົ້າ­ພາບ ໃນ​ວັນ​ທີ 24 ກັນ­ຍາ 2017 ທີ່​ສະ­ໜາມ​ກີ­ລາ​ສຸ­ພະ​ຊະ­ລາ​ໃສ.

    ສຳ­ລັບ​ການ​ແຂ່ງ­ຂັນ​ຄັ້ງ​ນີ້​ທີມ​ຊາດ​ລາວ ຢູ-16 ຢູ່​ຮ່ວມ​ກຸ່ມ G ປະ­ກອບ​ມີ ທີມ​ຊາດ​ຕີ​ມໍ​ເລ​ສ​ເຕ ທີມ​ຊາດ​ນອດ​ເທິນ​ມາ​ເຣຍ​ນາ ທີມ​ຊາດ​ອິນ​ໂດ​ເນ​ເຊຍ ແລະ ເຈົ້າ­ພາບ​ທີມ​ຊາດ​ໄທ ສ່ວນ​ຜົນ­ງານ​ຂອງ​ທີມ​ຊາດ​ລາວ ລົງ​ສະ­ໜາມ​ທັງ​ໝົດ 4 ນັດ ຊະ­ນະ 1 ເສຍ 3 ມີ​ພຽງ 3 ຄະ­ແນນ ໂດຍ​ນັດ​ທຳ​ອິດ ເສຍ​ໃຫ້​ທີມ​ຊາດ​ຕີ​ມໍ​ເລ​ສ​ເຕ 2-5 ນັດ​ທີ​ສອງ​ຊະ­ນະ​ທີມ​ຊາດ​ນອດ​ເທິນ​ມາ​ເຣຍ​ນາ 10-0 ນັດ​ທີ​ສາມ ເສຍ​ໃຫ້​ທີມ​ຊາດ​ອິນ​ໂດ​ເນ​ເຊຍ 0-3 ແລະ ນັດ​ສຸດ​ທ້າຍ​ເສຍ​ໃຫ້​ທີມ​ຊາດ​ໄທ 1-4.

ຂ່າວທີ່ກ່ຽວຂ້ອງ