ຂ່າວຫຼ້າສຸດ

ຟຸດ​ຊໍ ຊີງ​ຂັນ​ອາ​ຊຽນ ລາວ ຢູ່​ຮ່ວມ​ກຸ່ມ ມຽນ​ມາ-ມາ​ເລ​ເຊຍ

554 25 ກ.ຍ. 2017 ວົງຈອນກີລາ
ຟຸດ​ຊໍ ຊີງ​ຂັນ​ອາ​ຊຽນ ລາວ ຢູ່​ຮ່ວມ​ກຸ່ມ ມຽນ​ມາ-ມາ​ເລ​ເຊຍ

ອີງ​ຕາມ​ຂໍ້​ມູນ​ຈາກ​ເວັບ​ໄຊ ສະ­ຫະ­ພັນ​ກີ­ລາ​ບານ­ເຕະ​ອາ​ຊຽນ ລະ­ບຸ​ວ່າ: ການ​ແຂ່ງ­ຂັນ​ຟຸດ​ຊໍ ຊີງ​ຂັນ​ອາ​ຊຽນ 2017 ທີ່​ນະ­ຄອນ​ໂຮ່​ຈິ​ມິນ ສສ ຫວຽດ­ນາມ ເປັນ​ເຈົ້າ­ພາບ ໃນ​ລະ­ຫວ່າງ​ວັນ​ທີ 23 ຕຸ­ລາ ຫາ 3 ພະ­ຈິກ 2017 ທີມ​ຊາດ​ລາວ ແມ່ນ​ຖືກ​ຈັດ​ຢູ່​ກຸ່ມ A ຮ່ວມ​ກັບ ທີມ​ຊາດ​ມຽນ​ມາ ແລະ ທີມ​ຊາດ​ມາ​ເລ​ເຊຍ ແຊັມ​ເກົ່າ 3 ສະ­ໄໝ (ປີ 2001 ປີ 2003 ແລະ ປີ 2014) ໂດຍ​ກຸ່ມ​ນີ້ ມີ 2 ຊາດ​ໄດ້​ຖອນ​ຕົວ ປະ­ກອບ​ມີ ທີມ​ຊາດ​ຟີ​ລິບ​ປິນ ແລະ ທີມ​ຊາດ​ອົດ​ສະ​ຕຣາ​ລີ.

ຂະ­ນະ​ທີ່ ກຸ່ມ B ປະ­ກອບ​ມີ ໄທ ແຊັມ​ເກົ່າ 8 ສະ­ໄໝ (ປີ 2005 ປີ 2006 ປີ 2007 ປີ 2008 ປີ 2012 ປີ 2013 ປີ 2015 ແລະ ປີ 2016 ທີມ​ຊາດ​ ບຣູ​ໄນ ​ອິນ​ໂດ​ເນ​ເຊຍ ແລະ ເຈົ້າ­ພາບ ສສ ຫວຽດ­ນາມ ໂດຍ​ກຸ່ມ​ນີ້ ທີມ​ຊາດ ຕີ​ມໍ ເລ​ສ​ເຕ ໄດ້ຖອນ​ຕົວ.

ສຳ­ລັບຜົນ­ງານ​ຂອງ​ທີມ​ຊາດ​ລາວ ໃນ​ການ​ເຂົ້າ​ຮ່ວມ​ລາຍ­ການ​ນີ້ ແມ່ນ​ໄດ້​ພຽງ​ແຕ່​ອັນ​ດັບ 4 ຂອງ​ກຸ່ມ​ເທົ່າ​ນັ້ນ ຕັ້ງ­ແຕ່​ເຂົ້າ​ຮ່ວມ​ມາ​ແຕ່​ປີ 2012 ນອກ­ຈາກ​ນັ້ນ ການ​ແຂ່ງ­ຂັນ​ໃນ​ປີ​ນີ້​ຈະ​ເອົາ 2 ທີມ​ທີ່​ມີ​ຄະ­ແນນ​ທີ່​ດີ​ທີ່​ສຸດ​ຂອງ​ແຕ່​ລະ​ກຸ່ມ ຜ່ານ​ເຂົ້າ​ຮອບ 4 ທີມ​ສຸດ​ທ້າຍ ແລະ ຈະ​ໄດ້​ຮັບ​ສິດ​ເຂົ້າ​ຮ່ວມ​ຄັດ​ເລືອກ ແລະ ເຂົ້າ​ໄປ​ຮ່ວມ​ແຂ່ງ­ຂັນ​ຟຸດ​ຊໍ ຊີງ​ຂັນ​ອາ­ຊີ ປີ 2018 ຫຼື ຟຸດ​ຊໍ ເອ​ເອ​ັຟ​ຊີ ແຊັມ​ປ້ຽນ​ຊິບ 2018.

ຂ່າວທີ່ກ່ຽວຂ້ອງ