ບາ​ເຊ​ໂລ​ນ່າ ຈ່າຍ​ຄ່າ​ຈ້າງ​ຫຼາຍ​ທີ່​ສຸດ​ໃນ​ບັນ­ດາ 20 ທີມ​ລາ​ລີ​ກ້າ

502 25 ກ.ຍ. 2017 ວົງຈອນກີລາ
ບາ​ເຊ​ໂລ​ນ່າ ຈ່າຍ​ຄ່າ​ຈ້າງ​ຫຼາຍ​ທີ່​ສຸດ​ໃນ​ບັນ­ດາ 20 ທີມ​ລາ​ລີ​ກ້າ

ລາ​ລີ​ກ້າ ໄດ້​ອອກ​ມາ​ເປິດ​ເຜີຍ​ຕົວ​ເລກ​ຄ່າ​ຈ້າງ​ນັກ​ເຕະ ແລະ ທີມ​ງານ​ໂຄ໊​ຊ​ຂອງ​ເຫຼົ່າ​ບັນ­ດາ 20 ສະ­ໂມ­ສອນ​ທີ່​ຫຼິ້ນ​ຢູ່​ໃນ​ລີກ​ສູງ​ສຸດຂອງ​ແອັດ​ສະ​ປາຍ ປະ­ຈຳ​ລະ­ດູ​ການ​ນີ້ (2017-18) ຜົນ​ປາ­ກົດ​ວ່າ ບາ​ເຊ​ໂລ​ນ່າ ຄື​ທີມ​ທີ່​ໃຊ້​ເງິນ​ຈ່າຍ​ສ່ວນ​ນີ້ຫຼາຍ​ທີ່​ສຸດ​ອັນ​ດັບ​ໜຶ່ງ ເປັນຈຳ­ນວນ​ເຖິງ 507 ລ້ານ​ເອີ​ໂຣ.

ໃນ​ຂະ­ນະ​ທີ່ ຣີວ ມາດ​ຣິດ ຕາມ​ມາ​ເປັນ​ອັນ​ດັບ​ສອງ 499 ລ້ານ​ເອີ​ໂຣ ແລະ ອັນ​ດັບ​ສາມ ເປັນ ແອດ​ເລ​ຕິ​ໂກ ມາດ​ຣິດ 237 ລ້ານ​ເອີ​ໂຣ ສ່ວນທີມ​ໝົດ​ເງິນ​ກັບ​ຄ່າ​ຈ້າງ​ໜ້ອຍ​ທີ່​ສຸດ​ໃນ​ປີ​ນີ້​ກໍ​ຄື ເຄ​ຕາ​ເຟ ພຽງ​ແຕ່ 28 ລ້ານ​ເອີ​ໂຣ ລາ​ສ ພັນ​ມາ​ສ 29 ລ້ານ​ເອີ​ໂຣ ແລະ ກິ​ໂຣ​ນ່າ 31 ລ້ານ​ເອີ​ໂຣ.

ທັງ​ນີ້ ລີກ​ແອັດ​ສະ​ປາຍ ​ໄດ້​ອອກ​ມາດ​ຕະ­ການ​ບັງ­ຄັບ​ໃຫ້​ທີມ​ໃນ​ລີກສູງ​ສຸດ ແຈ້ງ​ຍອດ​ຄ່າ​ຈ້າງ​ລວມ​ທັງ​ໝົດ ທັງ​ໃນ​ສ່ວນຂອງ​ນັກ​ເຕະ ລວມເຖິງ​ທີມ​ງານ​ໂຄ໊​ຊ ກໍ​ເພື່ອ​ຕ້ອງ­ການ​ປ້ອງ​ກັນ​ບໍ່​ໃຫ້​ເກິດ​ການ​ຈ່າຍ​ເງິນສ່ວນ​ນີ້​ເກີນ​ເພ­ດານ​ທີ່​ກຳ­ນົດ.

ຂ່າວທີ່ກ່ຽວຂ້ອງ