ຂ່າວຫຼ້າສຸດ

ດັບເຫງົາ ເຊົາຄຽດ - ໂດຍ : ບ່າວກະບື : ຄຳ​ຖາມ​ຕັກ­ເຕືອນ

631 25 ກ.ຍ. 2017 ຫົວຂໍ້ຂ່າວອື່ນໆ

ເຊົ້າ​ວັນ​ໜຶ່ງ​ທີ່​ອາ­ນາ­ຈັກ​ຝູງ​ສັດ ພະ­ຍາ​ເສືອ­ໂຄ່ງ​ທີ່​ເປັນ​ຜູ້​ປົກ­ຄອງ​ສູງ​ສຸດ​ໄດ້​ເອີ້ນ​ເອົາ​ບ່າວ​ໝາ ບ່າວ​ງົວ ແລະ ສາວ​ຫອຍ­ຈູບ​ ມາ​ພົບ​ເປັນ​ການ​ດ່ວນ ເພາະ​ເກີດ​ມີ​ສຽງ​ວິ­ພາກ​ວິ­ຈານ​ແນວ​ບໍ່​ດີ​ກ່ຽວກັບ​ສັດ​ສາມ​ປະ­ເພດ​ດັ່ງ­ກ່າວ ເສືອ­ໂຄ່ງ​ເວົ້າ​ກັບ​ງົວ​ວ່າ: ງົວ ເຈົ້າ​ໄປ​ເຮັດ​ແນວ­ໃດ​ຈຶ່ງ​ໄປ​ເຮັດ​ໃຫ້​ມະນຸດ​ເອົາ​ຫຳ​ເຈົ້າ​ໄປ​ແຂວນ​ໄວ້​ກົກ​ໄມ້? ເອີ້ນ​ວ່າ​ຕົ້ນ​ຫຳ​ງົວ? ໂດຍ​ບໍ່​ລໍ­ຖ້າ​ຄຳ​ຕອບ ເສືອ­ໂຄ່ງ​ປິ່ນ​ໜ້າ​ໄປຫາ​ບ່າວ​ໝາ​ແລ້ວ​ວ່າ: ບັກ​ໝາ... ແມ່ນ​ເຈົ້າ​ໄປ​ເຮັດ​ແນວ­ໃດ​ຈຶ່ງ​ໄປ​ເຮັດ​ຕົດ​ເຮ່ຍ​ຊະ­ຊາຍ​ຈົນ​ເກີດເປັນ​ເຄືອ​ຕົດ­ໝາ? ສຸດ​ທ້າຍ​ເສືອ­ໂຄ່ງ​ກໍ່​ເວົ້າ​ແດກ​ໜ້າ​ສາວ​ຫອຍ­ຈູບ​ວ່າ ອັນ​ເຈົ້າ​ຫັ້ນ​ກໍ່​ໃຫ້​ລະ­ວັງ​ເນື້ອລະ­ວັງ​ຄີງ​ແດ່ ເປັນ​ຫຍັງ​ຈຶ່ງ​ໃຫ້​ມະ­ນຸດ​ຈູບ​ປາກ​ຟີໆ ມັນ​ເສຍ­ຊື່​ສຽງ​ໃດ ມື້­ອື່ນ​ໃຫ້​ພວກ​ເຈົ້າ​ທັງ 3 ມາ​ຕອບ​ຄຳ​ຖາມ​ທີ່​ຂ້ອຍ​ຖາມ ຍິນ​ບໍ່!?.

ໂດຍ­ຂ້າ­ນ້ອຍ!! ທັງ​ງົວ ໝາ ແລະ ຫອຍ­ຈູບ​ຕອບ​ພ້ອມໆ​ກັນ.

ຂ່າວທີ່ກ່ຽວຂ້ອງ