ຮູ້ພາສາລາວ ມື້ລະຄຳ - ໂດຍ: ແສງ​ຈັນ ສຸ​ຂະ​ເສມ : ນະ­ຄອນ​ລັດ

356 25 ກ.ຍ. 2017 ຫົວຂໍ້ຂ່າວອື່ນໆ

ຄຳ​ນາມ ມີ​ເຄົ້າ​ມາ​ຈາກພາ­ສາ​ປາ­ລີ ເປັນ​ຄຳ​ປະ­ສົມ​ລະຫວ່າງ ນະ­ຄອນ ແປ​ວ່າ ເມືອງ ແລະ ລັດ ແປ​ວ່າ ປະ­ເທດ ເມື່ອລວມ​ກັນ​ເປັນນະ­ຄອນ​ລັດ (city-state) ແປ​ວ່າ ສູນ​ກາງປົກ­ຄອງເສດ­ຖະ­ກິດສັງ­ຄົມ ເຊິ່ງ​ສ່ວນ​ຫຼາຍ​ມັກ​ໃຊ້​ໃນ​ດ້ານການ​ປົກ­ຄອງ​ສະ­ໄໝ​ເກົ່າ ຫຼື ປະ­ຫວັດ­ສາດ​ຂອງ​ຫຼາຍ​ປະ­ເທດ. ນະ­ຄອນ​ລັດ ໝາຍ​ເຖິງ ຕົວ​ເມືອງ ເຊິ່ງ​ເປັນ​ບ່ອນ​ຕັ້ງ​ຢູ່​ຂອງ​ສຳ­ນັກງານ, ອົງ­ການ, ໂບດ, ວິ­ຫານ ແລະ ສະ­ຖານ­ທີ່​ສຳ­ຄັນ​ອື່ນໆ. ສ່ວນຫຼາຍ​ນະ­ຄອນ​ລັດ​ມັກ​ມີ​ຊານ­ເມືອງ​ຢູ່​ອ້ອມຮອບ. 

ຕົວ­ຢ່າງ:

- ສະ­ໄໝ​ບູ­ຮານ, ເອ​ເທນ ​ເປັນ​ນະ­ຄອນ​ລັດ​ຂອງ​ປະ­ເທດ​ເກຣັກ ແລະ ໂລກ​ຕາ­ເວັນ­ຕົກ

- ສະ​ປາກ​ຕາ​ ແມ່ນ​ຊື່​ນະ­ຄອນ​ລັດ​ເກົ່າ​ແກ່​ຂອງ​ປະ­ເທດ​ເກຣັກ​ບູ­ຮານ

- ນະ­ຄອນ​ລັດ​ມີ​ເຂດ​ຊານ­ເມືອງ​ທີ່​ມີ​ຊົນ​ຊັ້ນ​ປັນ­ຍາ​ຊົນ​ຊາວ­ນາ ແລະ ຜູ້​ອອກ­ແຮງ​ງານ​ອາ­ໄສ​ຢູ່

ຂ່າວທີ່ກ່ຽວຂ້ອງ