ຂ່າວຫຼ້າສຸດ

ເສື້ອ "ເນມາ" ຂາຍດີຈົນຜະລິດບໍ່ທັນ

720 19 ກ.ຍ. 2017 ວົງຈອນກີລາ
ເສື້ອ "ເນມາ" ຂາຍດີຈົນຜະລິດບໍ່ທັນ

ລາຍງານລະບຸວ່າ ຕະຫຼອດ 30 ວັນທີ່ຜ່ານມາ ເສື້ອແຂ່ງຂອງ ເນມາ ຈຳນວນກວ່າ 120.000 ຜືນ ໄດ້ຮັບການອຸດໜູນທີ່ດີຈາກກອງເຊຍເຕະບານທັງໃນ ແລະ ນອກປະເທດຈຳນວນຫຼາຍ ແລະ ສ້າງຍອດຂາຍຖະຫຼົ່ມທະລາຍ ສ້າງເມັດເງິນເຂົ້າຄັງສະໂມສອນໄດ້ເຖິງ 7,8 ລ້ານປອນ ເຖິງແມ່ນຈະເປັນເລື່ອງດີຂອງສະໂມສອນທີ່ຍອດຂາຍເສື້ອສ້າງລາຍໄດ້ແບບເກີນຄາດ ແຕ່ກໍນຳມາສູ່ບັນຫາອື່ນນັ້ນຄື ຜະລິດຕົວໃໝ່ບໍ່ທັນ ໂດຍມີການເປິດເຜີຍວ່າ ຮ້ານທີ່ຂາຍເສື້ອຂອງດາວດັງຊາວບຣາຊິນ ເກືອບຈະບໍ່ມີເສື້ອເຫຼືອຢູ່ແລ້ວ ຂະນະທີ່ບໍລິສັດທີ່ຜະລິດກໍເຮັດຕົວໃໝ່ອອກມາຂາຍບໍ່ທັນ ໂດຍຄາດວ່າຕ້ອງລໍຖ້າເຖິງເດືອນພະຈິກ ຈຶ່ງຈະມີລັອດໃໝ່. 
ນອກຈາກຂາຍໝົດຈົນຜະລິດບໍ່ທັນ ກອງເຊຍບານທີ່ພາດຈັບຈອງເສື້ອຂອງເນມາ ກໍຍັງພົບຜົນກະທົບຕາມມານັ້ນກໍຄື ມີພໍ່ຄ້າຫົວໃສນຳອອກມາຂາຍຕາມທ້ອງຕະຫຼາດໃນລາຄາທີ່ສູງກວ່າໜ້າຮ້ານເທົ່າຕົວ ດັ່ງນັ້ນ ຈຶ່ງຕ້ອງຈຳໃຈລໍຖ້າອີກ 1 ເດືອນກວ່າຈະໄດ້ໃສ່.

 

ຂ່າວທີ່ກ່ຽວຂ້ອງ