ຂ່າວຫຼ້າສຸດ

“PSG” ກຽມ​ຂາຍ​ນັກ​ເຕະ​ດັງ 5 ຄົນ​ອອກ​ຈາກ​ທີມ

642 19 ກ.ຍ. 2017 ວົງຈອນກີລາ
“PSG” ກຽມ​ຂາຍ​ນັກ​ເຕະ​ດັງ 5 ຄົນ​ອອກ​ຈາກ​ທີມ

ສຳ­ນັກ​ຂ່າວ​ມຸນ​ໂດ ເດ​ປໍ​ຕິ​ໂບ ລາຍ​ງານ​ວ່າ ປາ​ຣີ​ສ ແຊງ ແຊກ​ແມງ (PSG) ສະ­ໂມ­ສອນ​ຍິ່ງ​ໃຫຍ່​ແຫ່ງ​ເວ­ທີ​ລີກ ອອງ ຂອງ​ຝຣັ່ງ ກຽມ​ປ່ອຍ​ຕົວ​ນັກ​ເຕະ​ຊື່​ດັງ​ຂອງ​ທີມ​ເຖິງ 5 ຄົນ ໄດ້­ແກ່ ຢູ​ລຽນ ດຣັກ​ຊະ​ເລີ ອັງ​ເກວ ດິ ມາ​ເຣຍ ລູ​ຄັສ ມູ​ຣາ ຮາ​ເວຍ ປາ​ສ​ຕໍ​ເຣ ແລະ ເຄວິນ ທຣັບ ເພື່ອ​ບໍ່​ໃຫ້​ທີມ​ມີ​ບັນ­ຫາ​ໃນ​ເລື່ອງ​ກົດ​ຍຸ­ຕິ​ທຳ​ທາງ​ການ​ເງິນ ຫຼັງ​ຈາກ​ທີ່ PSG ທຸ່ມ​ງົບ­ປະ­ມານ​ມະ­ຫາ­ສານ​ເມື່ອ​ພັກ​ຮ້ອນ​ທີ່​ຜ່ານ​ມາ ເພື່ອ​ຄວ້າ​ຕົວ ເນ​ມາ ນັກ​ເຕະ​ດັງ​ຂອງ​ບາ​ເຊ​ໂລ​ນາ ໃນ​ລາ​ລີ​ກາ ແອັດ​ສະ​ປາຍ ແລະ ຄີ​ລິ​ຢັອງ ເອັມ​ບັບ​ເປ ກອງ​ໜ້າ​ດາວ​ຮຸ່ງ​ຂອງ​ໂມ​ນາ​ໂກ ມາ​ເສີມ​ທັບ.

ໂດຍ​ລາຍ​ງານ​ລະ­ບຸ​ວ່າ ດຣັກ​ຊະ​ເລີ ເຊິ່ງ​ເປັນ​ນັກ​ເຕະ​ສັກ​ສີ​ທີມ​ຊາດ​ເຢຍ​ລະ​ມັນ ເຄີຍ​ເປັນ​ເປົ້າ​ໝາຍ​ໃນ​ການ​ເສີມ​ທັບ​ຂອງ​ທີມ​ອາ​ເຊ​ນອນ ໃນ​ພຣີ​ເມຍ ລີກ ອັງ­ກິດ ສ່ວນ ອັງ​ເກວ ດິ​ມາ​ເຣຍ ກໍ​ມີ​ຂ່າວ​ວ່າ​ໄດ້​ຮັບ​ຄວາມ​ສົນ­ໃຈ​ຈາກ​ບາ​ເຊ​ໂລ​ນາ.

ຂ່າວທີ່ກ່ຽວຂ້ອງ