ກະສິກຳໂນນສູງ ຊຸກຍູ້ປະຊາຊົນຫັນມາປູກຜັກປອດສານພິດ

68 14 ກ.ຍ. 2017 ຂ່າວໜ້າ​ໜຶ່ງ

ທ່ານ ບຸນ​ຫຼວຍ ວົງ​ໄຊ ຫົວໜ້າ​ສູນ​ພັດທະນາ​ກະສິກຳ​ໂພນສູງ ພະ​ແນກ​ກະສິກຳ​ແຂວງ​ວຽງຈັນ ໄດ້​ກ່າວ​ວ່າ: ເພື່ອ​ຕອບ​ສະໜອງ​ກະສິກຳ​ທີ່​ດີ ແລະ ປອດສານພິດ ຕາມ​ຄວາມ​ຮຽກຮ້ອງຕ້ອງການ​ຂອງ​ສັງຄົມ ສູນ​ໄດ້​ເອົາໃຈ​ໃສ່​ສົ່ງເສີມ​ຊາວ​ກະສິກອນ ໂດຍ​ໄດ້​ຄັດ​ເລືອກ​ກຸ່ມ​ເປົ້າ​ໝາຍຈັດ​ຕັ້ງ​ເປັນ​ກຸ່ມ​ຜະລິດ ຈັດ​ເຝີກ​ອົບຮົມ (ເຕັກນິກ​ວິທີ​ການ​ຜະລິດ​ຝຸ່ນບົ່ມນ້ຳ​ສະ​ໝຸນ​ໄພ ເຂົ້າ​ໃນ​ການຜະລິດນຳພາ​ທັດສະນະ​ສຶກ​ສາ ຕອບ​ສະໜອງ​ບາງ​ປັດ​ໄຈ​ທຳການ​ຜະລິດ ສ້າງ​ເປັນ​ແປງ​ທົດສອບ ແປງ​ສາທິດ ຕິດຕາມ​ປະເມີນ​ຜົນ​ທີ່​ໄດ້​ຮັບ​ການ​ສົ່ງເສີມ ເພື່ອ​ປັບປຸງ​ຊີວິດ​ການ​ເປັນ​ຢູ່​ຂອງປະຊາຊົນ​ໃນ 30 ບ້ານ ໃຫ້​ມີການ​ພັດທະນາ​ດີ​ຂຶ້ນ ເປັນຕົ້ນ ປະຕິ​ບັດ​ຕາມ 3 ແຜນ​ງານ​ໃຫຍ່ ຄື: ຜະລິດ​ເປັນ​ອາຫານເປັນ​ສິນຄ້າ ແລະ ​ປົກ​ປັກ​ຮັກສາ​ສິ່ງແວດລ້ອມ ທັງ​ເປັນ​ການ​ສ້າງ​ວຽກ​ເຮັດ​ງານທຳ ແລະ ມີ​ອາຊີບ​ເສີມ​ທີ່​ມີ​ລາຍຮັບ​ ປະກອບສ່ວນ​ແກ້​ໄຂ​ຄວາມທຸກ​ຍາກ​ຂອງ​ເຂົາເຈົ້າ​ ໃຫ້​ນັບ​ມື້ຫຼຸດ​ລົງ​ເທື່ອ​ລະ​ກ້າວ.

​ຜ່ານ​ການ​ສົ່ງເສີມ​ປະຊາຊົນມີ​ຄວາມ​ເຊື່ອ​ໝັ້ນ ແລະ ຫັນ​ມາເຂົ້າ​ຮ່ວມ​ໂຄງການ​ນັບ​ມື້​ຫຼາຍ​ຂຶ້ນ ໂດຍ​ສະເພາະແມ່ນ​ຄວາມ​ຮັບ​ຮູ້ເຂົ້າໃຈ​ຕໍ່​ການ​ຜະລິດ ແລະ ບໍ​ລິໂພກ​ຜົນ​ຜະລິດ​ກະສິກຳ​ທີ່​ດີ ປອດສານພິດ ຜົນ​ຜະລິດ​ຂອງ​ເຂົາເຈົ້າ ສາມາດ​ຂາຍ​ໄດ້​ທຸກ​ລະດູ​ການລາຄາ​ເປັນ​ປົກກະຕິ ສ້າງ​ລາຍ​ຮັບແບບ​ຕໍ່​ເນື່ອງ ເຖິງ​ຈະ​ບໍ່​ຫຼາຍ​ແຕ່​ກໍ່ໄດ້​ຕະຫຼອດ​ປີ ສຳລັບ​ປີ 2017 ມີແຜນ​ຂະຫຍາຍ​ບົດຮຽນ ແລະ ວິທີ​ຈັດ​ຕັ້ງ​ປະຕິບັດ​ອອກ​ໄປ​ຕື່ມ​ອີກ 5 ບ້ານໃນ​ເມືອງ​ວັງ​ວຽງ ສຸມ​ໃສ່ເຮັດ​ໃຫ້​ຜົນ​ຜະລິດ​ກະສິກຳ​ທີ່​ດີ ແລະ ປອດ​ສານພິດ​ມີ​ການ​ຂະຫຍາຍ​ຕົວ​ ເພື່ອ​ຕອບ​ສະໜອງຄວາມ​ຕ້ອງການ​ຂອງ​ສັງຄົມ.

ຂ່າວທີ່ກ່ຽວຂ້ອງ