ຂ່າວຫຼ້າສຸດ

ອູ​ແກຣນ ເລີ່ມ​ການ​ຊ້ອມ​ຮົບ​ຮ່ວມ​ປະ­ຈຳ​ປີ​ກັບ ສ ອາ​ເມ​ຣິ​ກາ ແລະ NATO

141 13 ກ.ຍ. 2017 ຂ່າວຕ່າງປະເທດ
ອູ​ແກຣນ ເລີ່ມ​ການ​ຊ້ອມ​ຮົບ​ຮ່ວມ​ປະ­ຈຳ​ປີ​ກັບ ສ ອາ​ເມ​ຣິ​ກາ ແລະ NATO

ຂ່າວ­ສານ AFP ລາຍ​ງານ​ວ່າ ວັນ​ທີ 11 ກັນ­ຍາ​ນີ້ ອູ​ແກຣນ​ໄດ້​ເລີ່ມ​ການ​ຊ້ອມ​ຮົບ​ຮ່ວມ​ກັບ ສ ອາ​ເມ​ຣິ​ກາ ແລະ ຫຼາຍ​ປະ­ເທດ​ທີ່​ເປັນ​ສະ­ມາ­ຊິກ​ຂອງ​ອົງ­ການ​ສົນ­ທິ­ສັນ­ຍາ​ປ້ອງ​ກັນ​ອັດ​ລັງ​ຕິກ​ເໜືອ (NATO) ຊຶ່ງ​ມີ​ຂຶ້ນ​ທ່າມ­ກາງ​ທີ່​ຣັດ​ເຊຍ ກະ­ກຽມ​ການ​ຊ້ອມ​ຮົບ​ຢູ່​ໃກ້​ກັບ​ຊາຍ​ແດນ​ສະ­ຫະ­ພາບ​ເອີ​ຣົບ (EU).

ຖະ­ແຫຼງ­ການ​ຂອງ​ກອງ­ທັບ​ອູ​ແກຣນ ໃຫ້​ຮູ້​ວ່າ ການ​ຊ້ອມ​ຮົບ​ປະ­ຈຳ​ປີ Rapid Trident ດຳ­ເນີນ​ໄປ​ທີ່​ນະ­ຄອນ​ຢາ​ໂວ​ຣິບ (ພາກ​ຕາ­ເວັນ­ຕົກ​ອູ​ແກຣນ) ແຕ່​ວັນ​ທີ 11-23 ກັນ­ຍາ ໂດຍ​ມີ​ພົນ­ທະ­ຫານ 2.500 ຄົນ ທີ່​ມາ​ຈາກ 15 ປະ­ເທດ​ເຂົ້າ​ຮ່ວມ.

ການ​ຊ້ອມ​ຮົບ​ດັ່ງ­ກ່າວ​ເລີ່ມ​ຂຶ້ນ​ບໍ່​ພໍ​ເທົ່າ­ໃດ​ມື້ ກ່ອນ​ທີ່​ຣັດ​ເຊຍ ຈະ​ດຳ­ເນີນ​ການ​ຊ້ອມ​ຮົບ​ຂະ­ໜາດ​ໃຫຍ່ “Zapad 2017” (ທິດ­ຕາ­ເວັນ­ຕົກ 2017) ຢູ່​ໃນ​ຣັດ​ເຊຍ ແລະ ເບ​ລາ​ຣຸ​ສ.

ຂ່າວທີ່ກ່ຽວຂ້ອງ